السلام عليكم

كنت مسافر قبل يومين

وفي الطريق شفت واحد (اسيوي) بسيارة خليجية مع عائلته

وجلس يتوسل لي انه ماعنده فلوس وانه محتاج فلوس عشان البترول والاكل عشان يوصل لمكة

فقلت له موافق: روح وقف سيارتك عند المحطة وانا احط لك بترول على حسابي .. فجلس يتردد ويتمتم

ثم جلس يسوي نفسه يبكي انه محتاج

فقلت له روح وقف سياتك وانا احط لك بترول على حسابي ... قال طيب والاكل

وهنا تاكد انه نصاب

فتركته ومشيت عنه

للاسف هذي الظاهرة انتشرت بجنون مؤخرا

كل ما اسافر لازم يطلع لي احد بهذي الطريقة

وعشان احكر لهم ... اقول لهم احط لكم بترول او اعشيكم على حسابي

هنا يتوهقون قدامي

كثير قابلتهم بالحاله هذي طريقه جديده في عالم التسول

الصراحة ازدادت بكثرة في جدة تعال شوف عند الاشارات يرجل شي يفشل

ياخي تووي رادن على واحد من الاخوان في المنتدى القصه

الموضوع الاول الي كاتبن فيه انصب حرمه ورجال نصبو عليه

المهم ياخوك الي يفقع القلب يجيك كاشخ وموتر جخ ويجيك تدري الحل انت اخمشه قبل لايخمشك
قله ماعندي وظيفه ومتزوج وديوني وصلت ميتين الف خله يفقد الامل اهو وامثاله لو طاحو

في ناس يستخدمون نفس الاسلوب كان خجو

في هذا الشهر الفضيل شنطة قريبة لي أنسرقت من حرمه ملاصقه لها وتتبعها بالنظرات
حتى أستغلت أنشغالها في ما المناسب لطفلها بين الملابس أخذت كل شيء
جوال آخر موديل وبطاقة ومبلغ مالي ليس بقليل
حسبي الله عليهم حتى شهر رمضان ماله وجود في قلوب النهابين الحراميه


نصيحه اللي بيروح يتسوق يتسوق بأبو كشاف أفضل

يالله السلامة !
و فيه حادثة صارت مع شخص اعرفه خصوصا بهالشهر كثرت ..
يستغلون النهار والناس صيام ومافيهم حيل للدفاع عن نفسهم ,
يتبعون الضحية بالسيارة ليين يعرفون مكان دوامه
ويوقفون جنب سيارته اما انهم يكسرونها ويسرقون مافيها
او يدبغون راعيها : P ويسرقون اللي معه ..
لكن الحمدلله عدت سليمة
يقول لي الشخص : مثل هالسيارة يشوفها واقفة نفس المكان وبنفس الوقت
ينتظر اي سيارة يتبعها و الله عالم وش نيّته !!
انا استغرب جرأته ويقطع هالمسافات ويتتبعه لدرجة انه يوقف جنب سيارته شيء غريب !!!!
..

انصحكم و نفسي حافظوا على الأذكار واستودعوا الله نفسكم و اهاليكم
حتى ربي يحميكم ويرد عنكم كل مكروه الواحد مايدري وش يواجه بطريقه
الله المستعان .