[gdwl]اخواني اخواتي الكرام مثل ماتعرفون الانسان تمر علية ظروف صعبة جداااا مايتوقعها ولافي البال

بعد ماكنت ناوي اتبرع من راتبي صرت الحين بالشارع ابي من يساعدني لاحول ولاقوة الا بالله


القصة

اخوكم مواطن سعودي متزوج ولدي طفلان كنت اعمل سابقا عسكري في الحرس الوطني وانا في العمل قدمت على عدة بنوك والحمدالله تم قبولي في بنك الراجحي هذا الكلام في عام 1429 يعني

صار لي معهم 5 سنوات ومرتاح في عملي المهم يااخواني تم فصل قبل اسبوع ولاحول ولاقوة الا بالله العظيم والله الذي لاالة الا هو ان بنزين السيارة متسلفة و خبر فصلي طلبت من زوجتي ماتقول لاحد من اهلها او اهلي حتى لايكبر الموظوع وبكرا يجون اهلها وياخذون بنتهم بحجة اني بدون عمل وكيف اصرف عليها والمصيبة ياااخوان الان الايجار حل علي ومدري وين اروح والمصيبة الثانية السيارة تاجير بالتمليك

من البنك وراح يسحبوها مني ويعمموا عنها والمصيبة الثالثة عمي حلف علي الا اجيهم بالعيد

وانا صعب اروح اخاف زوجتي تنشر خبر فصلي من البنك وارجع اعزوبي لحالي والمصيبة الرابعة

البنك اعطاني حقوقي مابقى تصدقون رجعوا لي 3الاف ريال بس واخذوا الباقي لان علي قرض منهم

يعني والله لو يجي الان تاجر مخدرات يقول لي خذ البظاعة او المخدرات ورح صرفها والله يمكن افعلها من القهر و الهم والغبن الي انا فية


تكفون وش اسوي وايش اعمل دلوني ارشدوني الحين انا خايف اطرد من الشقة وتسحب سيارتي وين اروح انام بالشارع انا واطفالي


والله ياااخوان لو لا الخوف من الله زوجتي جتها وظيفة سكرتيرة في شركة بس رفظت انا

بحجة ان الشركة اختلاط صريح فيها وانا ارفض الشي اطلاقاء والله لايحدنا على الحرام




تكفون اريد شوركم بااقي اسبوع واطرد من الشقة يعني العيد بالشارع

الله يوفق من يسعى او يكلم شخص يستطيع حل موظوعي والله لكم دعوة على الافطار مني


وربي يحفظكم ويرعاكم[/gdwl]

ربي يحفظكم ويرعاكم

لاتنسو اخوكم والله من القهر لي يومين افكر واهوجس وتعبت من التفكير وصرت اكلم روحي

ارفعوا الموظوع بدعوة

- اول شيء الله يرزقك من حيث لاتحتسب ..
- وبالنسبةة تقول لو يجيني تآجر *****
صدقني مراح تنفعك فلوس الحرام راح تضركك بزيآده , الله يبعدك عن الحرآم ويرزقك بحلاله
- حاول تدور لك وظيفة لو حارس امن بشركة الى ان ييسرها الله وتلقى غيرهآ

* وآخوي ليشش تم فصلك من البنك !

ارفعوا الموظوع بدعوة

الله يفرج همك

انت في ليالي عظيمه لاتضيع الفرصه توجه اخر الليل لرب العالمين صلي ودعي ربك , والله عندك رب مايخذل من رفع يده له

واهم شيء خلك محسن الظن بالله واثق انه راح يفرج كربك , وتأكد ان الله ابتلاك ليمتحنك تحمد وتصبر او تجزع وتكفر

فيأخي توجه لربك وصبر وحمد صدقني والله بتنال السعاده والراحه في الدنيا والاخره وهمك راح ينفرج .

ياخوي اول شي خيره ان شاء الله والرزق بيد الله لاتظن الله بينساك لكن هذا ابتلاء منه وبيشوفك تصبر ولا

عليك بالصبر والحمد كثييرر والاستغفار اكثر وطريق الحرام لاتفكر فيه

وياخوي شف من أي منطقه انت وتابع وظايف المنتدى كل يوم ماشاءالله تنزل وظايف جديده حتى لوراتب 3 اضمن وظيفه بعدين ماشاءالله انت عندك خبره في القطاع المصرفي يعني لو تروح تقدم في أي بنك غير اللي كنت فيه بياخذونك

استعين وتوكل ع الله واحسن الظن به وان شاءالله الخير بيجيك

طيب أشتكي البنك أن كانهم ظالمينك

وأدعي الله أنه يفرج همهك