اختي الكريمة اسمحي لي بكون صادق معاك ، مشكلتك او خل نقول نقاط ضعفك كما يلي :-

1- عدم وجود راس المال .
2- عدوم وجود دخل ثابت .
3- عدم الرغبة في الخروج من المنزل .
4- الخوف من الفشل .
5- التشاؤم .

اولا لازم تصححين بعض المفاهيم الخاطئة عندك ومن ضمنها احساسك بعجزك عن توفير ولو مبلغ بسيط جدا لبدأ مشروع أو خل نقول عدم رغبتك اطلاقا على صرف ولو ريال واحد للمشروع !! ثانيا لازم تشيلين من راسك موضوع الخوف والتشاؤم .. خلك جريئة دام ما عندك شي تخسرينه صح ؟؟ حتى لو فشلنا مرات فتأكدي انك راح تنجحين بتوفيق الله .

في ظل كل هالظروف .. ما املك إلا ان اقول ان انسب مشروع لك هو تقديم " خدمة " أو " تسويق خدمة " يعني انتي اختاه مطالبة بتعلم شيء مفيد لو ما عندك اية هوايات ومواهب مربحة .. لو قدرتي تتعلمين " الطبخ " " التصميم " " الخياطة " " الكروشيه " وووو من الممكن ان تبتدين فيها بس طبعا بتحتاجين شوية راس مال ولو بالسلف ..

إذا مستحيل تتعلمين او تبدعين بشي مالك إلا " تسويق خدمة " وعشان تبدعين بيلزمك تتعلمين اسرار التسويق وشلون وكيف ومتى وووو .. من الألف إلي الياء .. تسويق خدمة لا يحتاج إلا إلي مهارات و هاتف جوال ونت فقط .. فيه امور اخرى مثلا بس ظروفك ما تسمح لك إلا بهذي الاشياء الثلاث . ما ادري هل معك لغة انجليزية قوية ؟؟؟ او شهادة ؟؟؟ هل في امكانية للتعلم ؟؟؟؟

حددي اختي مسارك ولازم تتعبين شوي عشان توصلين للي تبغينه .. الله ييسر لك .

ممكن توضح اكثر مامعنى تسويق خدمة

اخت احلام ممكن تعلميني على التسويق

آمييين يارب ولكم بالمثل اسأل الله أن يرزقني الرزق الحلال وانتم كذلك
مشكورين على دعواتكم وطرح افكاركم والله ماني عارفيه ايش ارد عليكم
لو معي فلوس والله اهديت لكم على مساعدتكم لي بطرح افكاركم ماقصرتوا
أسأل الله أن يسعدكم في الدنيا والأخرة
ويرزقكم ويحقق لكم ماتتمنون ويوفقكم في كل شيء ولكن لأملك سواء الدعاء لكم بظهرالغيب
شجعتوني بعد ماكنت متحطمة ساأحاول بالتسويق لمنتجات اشخاص ويكون لي عمولة بفكرفيها
التسويق في النت جزاكم الله الجنة
يعطيكم العافية

بالمختصــر
اذا غاب رأس المال
يحل العمل مكانه