السلام عليكم ورحمة الله وبركاته


اخواني رحت لامارة الرياض اكثر من مره وكل مره يقولون الامير ماهو فيه تعال بعد يومين او اسبوع وهكذا كل شوي اتردد عليهم اخر شيء قالو لي فيه جلسة لأمير الرياض خالد بن بندر رحت لهم حسب الموعد ودخلت وقابلني واحد يجمع الاوراق ويسجل الاسماء قالي عطني اوراقك وبطاقتك واجلس انتظر قلت لا بسلم على الامير واسلمه بنفسي قالي لا عطني اوراقك ويقولها لي بنفسية ونرفزه ولا كأني انسان قدامه كأني حشرة المهم اخذ اوراقي بعد ما اقنعوني المراجعين الجالسين بالصالة جاء الامير وصارو ينادون بالاسماء وكلن يروح ويسلم ويعطيه معروضه إلا انا ما احد ناداني !!! المهم خلص الامير وطلع وقالو روحو لصالة فيها يسجلون المعاريض ويعطونك تذكرة مراجعة رحت وجلست اخر الناس ما احد ناداني اخر شيء دخلت على المسؤول وسجل لي خطابي طلب مساعدة لكن للأسف رقم الخطاب غريب والاجراء غريب جداً احس كأنه تصريف لي !! بعرض عليكم صورة تذكرة المراجعة واللي يقدر يفيدني الله يجزاه كل خير ،،




انا احد المستفيدين من الضمان بــ 850 ريال
ارجو من المشرفين عدم النقل ابي راي اخواني واخواتي الاعضاء ارجوووووووووووووكم تكفووون لا تنقلون الموضوع

لا إله الا الله كل هذه المشاهدات ولا فيه رد واحد !!!

لاتقولون شيء ما ابي منكم شيء بس ادعو لي بالتوفيق ،،

وعليكم السلام ورحمة الله وبركاته


مدري وش اقولك
لكن دامك دخلت المعلومات على الموقع و ظهرت لك بيانات معناها دخلت بالنظام

تفائل خير واذا ربي كاتب لك شئ تبي تاخذه غصب عن الكل


الله يرزقك من واسع فضله ويغنيك بحلاله عن حرامه وبفضله عمن سواه

اخوي تنعرض على الامير بعدين انا لي مراجعات من ايام سطام كم مره اقابله وبعض الاحيان ما اقابله

يعطوني رقم بعدين اراجعها عندهم كل شي مسجل ونظامي وما يصرفون امورك تمام بس راجعها

اخوي الله يهديك ليش مارحت يوم دخل الامير وسلمته أوراقك شوف بصراحه المفروض انك مصور 3 نسخ من الاوراق الي معك نسخة عنك في بيتك ونسخة احتياطيه ونسخة اصليه حتى تضمن أوراقك يعني لما دخل الامير كنت رحت واعطيته النسخه الثانيه الي معك وريحت عمرك نصيحة لاتعتمد على حد

الاماره تشوف موضوعك وترد عليك ...وحده من قريباتي قدمت مره على الاماره بمشكله كبيره صارت لها كان فيها ظلم كبير لها مع شخص ...

وقالتلها الموظفه بنرد عليك ..وماردوا عليها ولا دقوا ومر شهر عليها وخلاص ايئست منهم

وبعد شهر راحت لهم وهي يائسه وخايفه ولكن تفاجئت انهم تصروفوا وحلوا مشكلتها بسرعه
وكله بفضل الله سبحانه وتعالى ثم بفضل الدعاء
دائما ردد اللهم لا تكلني الى نفسي ولا لا احدا من خلقك طرفة عين

يقولون الامير اعتذر عن المساعدة وانا معطيهم جميع اثباتاتي

وحالتي المرضيه اااااااااخ بس يااااااااااارب الجنة

https://www.btalah.com/t526655.html

__________________
ومن يعمل من الصالحات وهو مؤمن فلا يخاف ظلما ولا هضما