السلام عليكم ورحمة الله وبركاته اخواني كل عام وانتم بالف خير تقبل الله طاعتكم ورحم والديكم اخواني راس المال((15000))) ماهي طريقة تجارة الغنم وهل هي كافية لو تكرمتم اريد الطريقة الله يجزاكم خير

و عليكم السلام و رحمة الله و بركاته

أخوي الغنم فيهآ بركة و الله يرزقك من واسع فضله و ان شاء الله الاخوان اصحاب الخبرة يفيدونك

الله يجزاكم خير ومشكور على الردود لكن معقولة 15000 قليلة لتجارة الغنم ارجوكم عدم التحطيم

اخوي الكريم الغنم يبيلها اول شي مراح ممتاز وهذا لو بتاخذ لك مكان في البر وتشبكه وتضبطه وتسوي لك خيمة للحارس وغرفة علف بياخذ مالايقل عن 6000 يبقى لك 9000 ماتسوي شي تشريلك فحل بـ4000 على الاقل و5 ألاف ماتجيب بالكثير 3 أمهات ..

15000 قلييييلة جداً واللي يبي يدخل مشروع الغنم اول شي لازم يكون عندك خلفييية كاملة بخصوص الامراض لأنها مرهقة وغير كذا إذا كنت تبي دخل ممتاز المفروض تجيب مالايقل عن 300 رأس .. وفي البداية مثلا 30 رأس ..

إذا كنت جاد فرأس المال المفترض لايقل عن 50 ألف وراسلني على الخاص ابفيدك بهالخصوص ان شاء الله ..

تحياتي لك

اخوان احبطتو الرجال فلوسك تكفي ان شاء الله
لكن ابدا بالتيوس خذها بالجملة وبع وادعيلي

السلام عليكم

مشاءلله أهنئيك على عزيمتك ...أغلب الشباب يتحاشى الغنم والتجاره فيها مع العلم أن فيها رزق وخير كثير

بخصوص المبلغ الى معاك يكفي وزياده بعد شرط توفر ونيت موديله حديث+ مكان تحط فيه الغنم

وأنتبه من الذيابه

نجي الطريقه وهــي أنك تتنقل بسارتك في القراى والاماكن الى يكون فيها البيع رخيص وتشترى

وبعدين تبيعها بسوق بمكسب خصوصآ بمدن يكون فيها السعر مرتفع ...يعني تشترى وتبيع

مثلا تشترى بلجمله 15 راس بــ سعر 1000 = 15.000

تخذها وتبيعها مفرق وفي السوق بسعر خلينا نقول 1300 في 15 = 19.500 نطرح راس المال يطلع الناتج 4500 وهــــذه صفقه وحده ..أما موضوع تربية المواشى أبعد عنه ما ينفع

بتوفيق ~)

اخواني انا لااريد التربية اريد البيع والشراء بنفس الوقت كيف طريقتها واللي ردو الله يجزاكم ووالديكم جنات النعيم على اهتمامكم

أهاا تبغى تشتري وتبيع انا قلت شكلك تبي تنتج وتبيع

عموما أنا برسلك موقع ممتاز بس انت ارسللي رسالة لأن مشاركاتي ماتعدت 10 مشاركات ..

تحياتي