السلام عليكم و رحمة الله و بركاته

اسأل الله بجوده و سعة عطائه و كرمه أن يرزقكم و أهليكم قيام ليلة القدر و الدعاء فيها

أتمنى ممن يملك الجواب الاكيد لسؤالي من سبق تجربة او اطلاع ان يفيدني و اسأل الله له تفريجا لكربه و تطبيبا لهمومه

سؤالي/ سبق وان تم ترشيحي على احدى الوظائف بناء على الرغبة الاخيرة في طلب الترشيح ، عليه قمت بالتنازل عن الترشيح و اخبرتني في حينها الموظفة ان تنازلي لن يؤثر على اي ترشيح قادم او ان يتم حرماني لمدة معينة جزاء على التنازل وانه حال توافر شاغر في الرغبات الاعلى سيتم ترشيحي ان شاء الله ، و الآن تم قبولي لدراسة الماجستير فهل انتظامي في الدراسة سيؤثر في الترشيح القادم او يؤخره ؟ ملاحظة : لم اقم بتحديث البيانات منذ التنازل ، و لا اعلم حقيقة متى يفترض ان اقوم بالتحديث ...

شكرا لكم

للأسف ماحدثي ماراح ينزل اسمك بالمفاضله التعليمية القادمة لأن موعد التحديث انتهى 17 رمضان

ان شاء الله خيره لكي

راح أجاوبك على دراسة الماجستير لاتؤثر أبدا أختي تدرس ماستر وداخله هذي المفاضله لكنها مقدمه بشهادة البكالوريوس لأن باقيلها مناقشه الرساله والوضع عادي جدا واذا تعينت راح تتعين على المستوى الخامس ولما تاخذ الشهاده والعقبى لك ان شاء الله اطلبي رفع مستواك للسادس
وطالما انك ماحدثتي أكيد مادخلتي هذه المفاضله لكن بالنسبه ل عدولك سابقا وهل لك أحقيه في التقديم ماادري صراحه ان شاء الله الباقين يفيدونك .. بالتوفييييق في دراستك وعووؤبال الدكتوراه : )

سالت ها السؤال قبل شوي لسى آنتظر إجابة

باقي لي سنة ماستر ودوامي بنهاية الاسبوع فقط يومين

اقدر اوفق بين الاثنين او لا .؟؟ اذا نزل اسمي بجدارة ..!

المسالة مو مقدرتكم على التوافق
طيب ممكن مكان التعين في قرى كيف تكملون
ممكن اعرف تخصصك
فرصة وجاتك ليش رفضتيها كم لك وانتي عاطلة؟
اللي اعرفة الوظيفة التعليمية مثل المعلمة لو عندها ماستر يزيدوا الراتب
مادري عن الاداري ممكن يكون مثل الدبلوم التربوي يفيد فقط للتعليمي؟
شي طيب انكم درستوا الماستر
وماانتظرتوا الخدمة
لو كان التوظيف طبيعي ممكن في الحالة استعجلتوا لكن التوظيف مجهول وهو استغليتوا الوقت

ماياثر دراستك للترشيح في جدارة
لكن في نقطة مهمة لازم تعرفيها

الوظيفة الادارية مستحيل تاخذي اكثر من 6 الاف عند التعيين ومن نظام الخدمة المدنية مافي تحسين مستوى بالنسبة للاداري

اما الوظيفة التعليمية اول تعيين 8 الاف وتطلبي تحسين مستوى اذا عندك ماجستير وطبعا فرق الراتب بين البكالوريس والماجستير اكثر من الف ريال

بالشكر تدوم النعم

صح استغلينا وقت فراغنا وكملنا ماستر وماندري مانتوظف عطالة مجهولة ماندري
متى الوظيفة لكن إن شآء الله ربي يسهلها ربي يسعدك

زهرة مكة اول مره اعرف ها المعلومة يعني دايما بخياراتنا نحط تعليمي فقط
لان الاداري ع كذا ظلم

القبول في الماجستير ما يأثر في الترشيح والعكس صحيح . بس المشكلة لما يجي الاثنين مع بعض كيف ممكن يكون فيه توفيق او ايش الوضع حيكون . عموما الله يسهلها وييسرها إن كان فيها خير .