السلام عليكم ورحمة الله

انا ان شاء لله خريجه هذي السنه من الجامعه
وحابه ابدأ ف مشروع قبل التخرج عشان لو فشلت فيه بكمل دراسه .. ومايكون ضاع عليا وقت
فاابغاكم تساعدوني
فكرت انه اشتري من المواقع الصينيه شنط واكسسوار واصرفها عن طريق النت او كشك ف السوق او بازارات
بس المشكله انه الموقع طالب رقم شريحه صينيه وماعرفت من فين اجيبها ؟؟
ف اذا تدلوني على احد عنده شرايح او على مواقع ثانيه موثوقه
او حتى افكار لمشاريع صغيره راس مالها قليل

اكون لكم من الشاكرين

انا اول اخبر في موقع اسمه علي بابا هذا صيني كل الي بخاطرك موجود وهذا موقعهم http://arabic.alibaba.com/وموقع امزون الامريكي http://www.amazon.com/ هاذي مواقعين معروفين ومضمونين انشالله اعيال عمي جربو امازون ويمدحونه اول شي اذا تبين تشترين من اي موقع لازم يكون عندك بطاقة فيزا الفيزا نوعين الفيزا حقة فلوس مايعطونك ايها الين تكونين موضفها طبعا هاذي دمرت ناس مو زينه الفيزا الثانيه الي حق المشتريات حق العاب وزي كذا اذا بتطلعينها تقريبا تحطين فيها 15 ريال بس طبعا تطلعينها من بنك الراجحي اهو الافضل المعروف وبعدين تشترين من المواقع البضائع المطلوبه ولا تنسين قبل اي شي تسوينه لازم تدرسينه صح وتحسبين التكلفه لاتنسين مصاريف الشحن اممممم هذا الي اعرفه تقريبا الله يوفقني ويوفقك

السلام عليكم

اهلا عزيزتي اغلب المواقع متاح الطلب منها وخاصة الصينية
وبخصوص الشريحة الصينية فيه موقع طلب مني هالشي ولا عرفت اتصرف معاه ايضا
فطلبت من مواقع ثانية مثل whole sale dress
ومثل ما ذكر اخوي موضوع الفيزا
انصحك وبشدة انك تطلعين ماستر كارد وليست فيزا افضل بالتعامل
انتي من تبحثين بموقع بصيغة
whole sale china or korea بتلاقين مواقع ثقة واقري ردود الناس
وفيه موقع ايضا
dhgate اذا ما خاب ظني يكون هو الوسيط بين مواقع متعددة لعرض بضائع ومضمون ..
سامحيني ما تحضرني المواقع بس ذكرت اسمائها وبتطلع لك بقوقل فورا

الله يوفقك ببزنسك

هذا الرابط

http://www.adslgate.com/dsl/forumdisplay.php?f=10

تدخلين وتكتبين موضوع فيه طلباتك وهم يشترون لك بعموله رمزيه

اهم شي قبل تختارين اي وسيط تدخلين على مشاركاته وتشوفين تعاملاته

بالتوفيق

مووفقه يارب

جزاكم الله خير

:-)

وعليكم السلام ورحمة الله وبركاته

الفكرة كويسه بس المهم الخبرة في كسب العملاء أولا

بالنسبه للمواقع الصينية انا مستعد اسجلك فيها لوجه الله اذا قررتي البدء ولكن

هل تجيدين التعامل مع المواقع اللي لغتها صينية لانها شوي معقدة.

يعطيك العافيه

انا ابغى اسجل ف تاوباو لو تقدر تسجلني فيه جزاك الله خير

وبالنسبه للغه نستعين بترجمة قوقل وربك ييسرها : )

بالتوفيق ان شاء الله