ياأخوان ياأخوات
مساكم الله بالخير وكل عام وانتم طيبين

سأدخل في صلب الموضوع.
لدي سائق باكستاني على كفالتي من عشر سنوات . رجل ثقه وأمين حسب عشرتي معه.

يتمنى لي الخير ويعرف اني محتاج دخل اضافي. اتاني اليوم ومعه احد اصدقائه باكستاني وقال التالي:

ه\ا الرجل كان يعمل في مطعم باكستاني لمدة عشر سنوات ولديه خبره كافيه ولكن صاحب المطعم توفى رحمة الله عليه وأبنائه لم يديرو المطعم بكفاءه ولم يتعاملو مع العمال بحرص فأغلقو المطعم.

الزبده:
قال \هبنا الى صديقنا في جنوب جده وهو عايش بالبلد 30 سنه تحت كفالة رجل واحد أنعم الله عليهما بالتجاره والشراكه طوال تلك السنين حتى كبروا
وأشار على سائقي وصديقه الطباخ بفتح مطعم بجنوب جده باكستاني لكثرة العمال هناك

قل سائقي أن هناك مبنى جديد جاهز للمطعم لدى السعودي اللآخر بأجار عشرين الف شهريا وان صاحب المبنى يحضر الرخص وينقل كفالات العمال ويعمل الكروت الصحيه وجميع مايلزم من اجراءات لتجهيز العاملين

وان الحاجه الآن الى مبلغ 100ألف ريال لتجهيز المطعم من ادوات وأفران وطاولات وخلافه.
قال لي ان لديهم شخص تركي مستعد لدفع المبلغ على أن يكون الربح بينهم بالثلث( سائقي وصديقه الطباخ والتركي) اما صاحب المبنى يأخد اجاره الشهري فقط.

قال انت كفيلي واتمنى لك الخير انت. ليش ماتدفع انت المية الف ونحن نشغل المطعم باشرافك ويكون الربح بيننا بالثلث.
قلت كم تتوقع ياطباخ الدخل اليومي مستقبلا؟
قال بين 10 الى 15ألف يوميا لأن هناك كثافه سكانيه وعمال وسكنات عمال ولايوجد مطاعم جيده تخدمهم وصافي الربح سيتزاي حسب خبرتي بين 7 الى 10الاف ريال يوميا
يعني 300 الف الى 400ألف شهريا قبل خصم الأجارات والرواتب والتكاليف.


هل يعقل؟
هل ادفع المئة الف واتوكل على الله وأجرب؟
هل اتهور؟

ما تشورون علي به؟ جزاكم الله خير

لا أنتبه منهم ياخي لا تضيع فلوس على الفاضي هذول مايشتغلون بالمطعم لهم اعمال اخرى والمطعم مجرد واجهه وبعدين ياخي اشتغل بالمئة الف وانت ادر الشغل الحين مع التكنوليجا تقدر تدير محل أو مصنع بدون ما تكون موجد من خلال كميرات المراقبة وغيرها انا اعرف واحد يدير ثلاثة محلات من خلال لوحة كبيرة فيها كميرات على كل جهه وهو جالس في بيته فالعمال لا يستطيع السرقة ولا غيره ولا تضع فلوسك في مكان ما تعرفه وبأيدي غير أمينة لان الاجانب عرفو نقطة ضعنا وهي مانبي نشتغل نبي فلوس بالراحة وهذه فرصة للعب علينا واستغلالنا كواجهه لأعمالهم

افضل الحلول الاستخارة


ولاتنسانا من الدعاء

يلعبون عليك ...
او انهم عايشين احلام ورديه
مافيه مطعم راس ماله ١٠٠ الف يدخل ١٠ الف يومياً
لو صدق المبلغ هذا يدخل يومياً من اصل راس مال ١٠٠ الف
كان تحصل الوليد احد منافسيك في المطعم
واجار المحل مبالغ فيه جداً

اخي اذا كان مثل ماذكرت فانا اقول اول شي لازم يكون كل شي موثق ورسمي وحاول تخلي حبل المشنقة برقابهم وماتكون الضحية
انا اعرف واحد عنده بوفية بنقالي له تقريباً 15 سنة يشتغل فيها تهاوش مع خويه وطلع خويه وفتح بوفية ثانية وانا جيته ببوفيته يقولي ان دخل بوفية البنقالي 30 الف شهرياً صافي الارباح لانه كان الوحيد بشارع رئيسي يسوي اكلات هندية

حاول انك تروح لاحد المطاعم هناك واسال راعيه ( بعد ما تدفه ب 50 ريال ) وراح يقولك كم المدخول بالضبط وقارنه مع المطعم وشوف وش يطلعلك

استخير وانا اخوك والله يكتب لك مافيه الخير

اهم شيء كل واحد كم حسابه من العمليه
يعني بالراتب ام بالنسبة

منطقيا
لو قلنا 10 الاف ريال دخل مو مكسب
يعني معدّل 1000 وجبه !!؟ إذا دخل مخك الشيء هذا ,,,
كمّـــل

الله يوفقكم اجمعين ويجعلكم من العايدين

شوف ياعزيزي شغل النصب وقلة الحياء حقت العمال (مهما كان مسوي نفسه طيب ومهما كان سنوات شغال معاك اذا تعرف على عامل ثاني وفكروا وخططوا وطلع الشغله فيها فلوس يستغلوك ويسرقوك)

طيب فرضاً قلنا انه أمين من جد وإنو صادق في كلامه شوف النقاط هذي ياعزيزي وامشي عليها

1: الطباخ الرئيسي ابو 10 سنوات كم عامل يبغى معاه ؟
2: السواق ايش مصلحته في الموضوع وليش ياخذ نسبه ؟
3: ممكن يكون للسواق نسبة اذا كان فعلاً كلامهم صحيح (تعرف الشيء هذا بعد بداية المشروع بـ أسبوع)
4: كييييييييييييييييييييف يقووول 100 ألف ! ليش على أي اساس اذا بتسوي مطبخ كامل متكامل( الكامل وجه الله تعالى) ماراح يكلفك اكثر من 25 الف من دواليب الى طاولة
5: تحتاج فرن كبير + صاج + مدخنه + قدور طبخ عادية او ضغط على حسب مايحتاج وفي الغالب تكون حديد وكبيرة وغير مكلفة
6: تحتاج عدد 10 طاولات ولو قلنا ان فيه زبائن اجانب كثير فـ راح نحتاج ندبل عدد الكراسي , 4 كراسي على كل طاولة مثلا + كراسي زيادة احتياط الطاولات ماراح تكلفك شيء مع الكراسي
7: تحتاج عدد ثلاجتين ببسي وحدة للببسي والثانية للماء واللبن + ثلاجة عملاقة + فريزر داخل المطبخ لـ حفظ الأطعمة
8: جهاز حقت الكاشير حقت الفلوس + طابعة فواتير عشان كل شيء يكون على بينة ياحبيبي مافي لف ودوران الفواتير كلها تتجمع وتنحسب مع الفلوس , تزيد الفلوس مو مشكلة لكن تنقص هنا لازم تحاسب العمالة اللي عندك + طابعة الفواتير تودي نسخة للمطبخ وكذا يكون الشغل سريع بدون قلق بسبب كثرة العمال (ملاحظة: اذا تبغى شغل بوفيات واي كلام كنسل النقطة رقم 8)
9: لوحة محترمه للمطعم باللغة العربية + الهندية + الاوردو حقت الباكستانيين وللعلم اللغة الهندية تتفرع الى لغات
10: عدد 4 مغاسل لغسيل اليدين (انتبه تسوي حمامات الله يكرمك عشان لاتسير قذارة بالمحل + مخدرات في الحمام لاسمح الله) مجرد مغاسل لليدين كافية .
11: ترتيب أمور إستأجار المحل ولو كان على شارعين رئيسية مثلا راح يكون له سعر ولو كان داخل حارة مبلغ 20 ألف كثير جدأً
12: انتبه تسلم العمال كاش في يدهم , كل اشياء المحل واغراضه ومتطلبات تأسيسة تدفعها انتا وتشرف عليها بالفواتير ياحبيبي ولاتقلهم روح اشتري وجيب فاتورة لانك راح تشك بعدين ( زي عمال محطات البنزين يكتب لك بالفاتورة المبلغ اللي تبغاه للأسف)

13: انا حطيت النقاط هذي على اساس مطعم في مخيلتي حيث اني تخيلته من الباب الى المطبخ الى الصالة الى المغاسل والأرقام الموضوعه في الموضوع تكون على حسب حجم واحتياج المطعم

14: احضار العمال وتكاليفهم والفيز ومكتب العمل ورخصة البلدية والسجل التجاري وتصريح الدفاع المدني والزكاة الخ الخ الخ الخ لم احسبها

15:الخلطة السرية للطعام ! + المنيو (قائمة الطعام بـ عدة لغات )

في النهاية ياعزيزي هل تتوقع ان تكاليف المطعم 100 الف (تأسيس فقط !) مو معقول

وهل تتوقع انك راح ترجع دبل راس مالك مرتين في خلال شهر ؟ ههههههه ممكن كل شيء ممكن في الحياة

اذا كان ممكن فعلاً لازم تكون مرتب امورك وتتكلم مع العمال بـ جدية وتشوف محلات مشابهه زي ماذكروا الاخوان وتسال العمال كم دخل المطعم يومياً وهكذا

في النهاية انا مؤيد للفكرة حقيقاً اذا كانت بشكل محترم بعيداً عن شغل البوفيات الوسخ والله الله بالنظافة والحشمه والأمانة بالعمال والمطبخ (كمامات + قفازات مطاطية شفافة والمطبخ يكون مكشوف للعيان) عشان التفتيشات حقت البلدية

انا مؤيد للفكرة لاني فترة دوامي كان في راس تنورة وفيه مطعم هندي هناك شيء غير طبيعي زحمه كأنه البيك هذا وهو على الشارع بس داخل حارة وصغير وصدقني يمكن يوصل 1000 وجبة في اليوم وسعره مو رخيص وفيه عمال كثير فيه اجانب !

السر ياحبيبي في الطباخ والخلطة ولامانع من انك تذوق اكله وطبخه قبل تبدأ بالمشروع

والله يوفقك والله يرزقك ان شاء الله ومو لازم تاخذ على كلامي لاني ماقد جربت اي نشاط من الانشطة هذي