[align=center]رقم الموارد البشرية

0114044121[/align]

جاني اتصال من الديوان اليوم الصبح بس جوالي مقفل
وادق عليهم الفتره المسائيه وماحد يرد

مع العلم اني مسلم الكشف الطبي الاحد
وعطوني نموذج ب وقالو ندق عليك

حياكم الله


بالنسبه لي كان موعدي يوم 1435/5/4

رحت وسلمتهم الكشف الطبي

ولا طابق لاشهادات ولا اي شي


وعطاني نموذج وقال اذا دقينا عليك عب النموذج وتعال

المهم استفسرت بشكل مطول مع الرجال وقالي انت تعتبر من ظمن الاحتياط !
وكان فيه نصيب لك ( ومكتوبه لك ) لاتخاف رزقك يبي يجيك /

وشفت اسمي مع لسته مطووله مع الاسماء ولا عندي خلفيه هل كلهم احتياط او فيه مفاضله !


طبعا كل اسم قدامه التخصص ( وكلهم محاسبه ) ومكتوب بجانب كل اسم الدرجه

شكل الدرجات عبارة عن تقييم من اللجنه الي قابلت معنا واغلب الدرجات الي شفتها 75


ويبدو لي ان فيه درجات اكثر وشكلهم لهم الاولوية بالتوظيف




عموما دخلت على مدير شؤون الموظفين والشهادة لله رجل محترم بكل ماتعنيه الكلمه من معنى

وقلت له وش الوضع انا من بعيد وتعبت من المقابلات والفحص والمشاوير والى الان مادري وش الاليه هل انا مقبول او لا !

ابي اكون على بينه !



قال حنا من رمضان واحنا نعمل تصفيه لان المتقدمين عدد كبير جدا فوق الـ4000


والبعض يكون موظف حكومي او مقدم على وظيفتين / والبعض مايباشر والبعض يستخير ويرفض الوظيفه /


والامور كثيرة من ناحية التصفيه /




عموما قال المجال مفتوح وفيه مجموعه من الموظفين الحاليين راح يجيهم ترقيه ( والكثير راح يحل مكانهم )





والله يكتب الي فيه الخير لي ولكم وللجميع




عموما انا استنتجت انه القبول على دفعات


مثلا فيه مجموعه هنا سلمو الفحص بتاريخ 4/24

وفيه مجموعه ثانيه سلموه 5/1


ومجموعتي انا 5/4



وشكله بناء على الافضليه بالتقييمات الي وضعتها اللجنه الي قابلت معنا


نصيحتي لكم

بالنسبه للي سلم الفحص الطبي ودقو عليه مرة ثانيه ( كان له رغبه بالوظيفه ) يروح قبل يفوت الفوت:
لانك ماتدري ممكن بتجاهلك لاتصالهم سواء لظرف طارء(سواء كنت نايم / او كان الجوال مقفل

ممكن تروح الفرصه عليك ويقولون لك بعدين دقينا عليك ولا تجاوبت معنا وفتحنا المجال لغيرك /

!


وبالنسبه للي مادقو عليه او قالو نبي ندق عليك او قالو له انت احتياط /


لاتقلق ولاتخاف رزقك مكتوب وخل ايمانك وثقتك بالله فوق كل شي /




/
/

إن من لوزام مقتضيات الإيمان بالقضاء والقدر، في عقيدة المسلم، في باب الرزق، أن كل خير وكل رزق يقدره الله للعبد، لا يمكن أن يخطئه ويستحيل أن يصيب غيره، قال الله تعالى: "وَمَا مِن دَابَّةٍ فِي ٱلأرْضِ إِلاَّ عَلَى ٱللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِى كِتَابٍ مُّبِينٍ "[هود:6].


فوالله الذي لا إله إلا هو، لو اجتمعت الدنيا كلها، بقضِّها وقضيضها، وجيوشها ودولها، وعسكرها وملوكها وأرادوا أن يمنعوا رزقاً قدره الله لك، ما استطاعوا إلى ذلك سبيلاً، ولو أرادوا أن يسقوك شربة ماء، لم يكتبْه الله لك، فإنك ستموت قبل هذه الشربة.

/



اسأل الله لي ولكم التوفيق في الدنيا والاخيرة

^_^ رح لهم وشف وش الوضع لعله خير ان شاء الله



وبلغنا وش يصير معك

شباب الي فحص وخلص وغير مهنته عند الاحوال هل يعتبر انقبل نهائي خلاص ؟

القانون صار شي جديد