انا اليوم طابقت بفرع الوزاره بالمدينه الحمد لله

اول ماجيت الساعه سبعه وثلث لقيت كل العالم جالسين عند الباب لانهم لسى مافتحو ولا احد جا وخلونا ننتظر في السيارت لين فتحوا ثمنيه الا ثلث تقريبا وكانو فيه ناس جايين من بعيد ومن وقت واقفين ينتظرون كانو كثير حول الثلاثين او خمسه وعشرين وحده دخلنا دفعه وحده وزحمه مع الحررر . الحمد لله دخلت واخذت رقم وبعدها جلسنا شوي واعطونا اقرار او تعهد وقعنا عليه انه انا مو موظفه في احد القطاعات العسكريه او وظيفه اعلى رتبه من هالوظيفه اللي مقدمه عليها .
وبعدها نادو على الارقام رحت لها وطلبت مني صوره للوثيقه مع صوره لكرت العائله مع الاقرار واعطتني مستند الاستلام وقعت عليه وكتبت اسمي وتخصصي ورقم تلفوني في دفتر على الطاوله ووقعت . مااخذت مني الاصل لا الوثيقه ولا كرت العائله بس الصور ودبستها مع بعض . سئلتها متى تطلع النتيجه ماعطتني جواب مفيد قالت تجيك رساله
بس ان شاء الله ان الله يتمم لنا على خير ويسهلها لنا ..

وحنا بعد ماوقعونا عالتعهد بالاحساء

أماني بنت الماني ومجودك بشرو أش سويتو

وش ذا التعهد ماوقعنا علي تعهد
في ادارة عسير ...الله يستر والله حتى مطابقتهم
مدري كيف مودقيقه مره ...

مدري ليه كل فرع للخدمه يختلف طلباته عن الفروع الثانيه ؟ فروع وقعوهم على تعهد وفروع لا
وناس متساهلين مره وناس يقفون لك على كل شي ؟؟
المفروض الوزاره تحط قانون مكتوب فيه كل شي وكل المطلوب من المتقدمه للوظيفه سوا في فترت المطابقه او المقابله او حتى وقت المباشره . لان الناس تمشي على البركه محد يدري ايش الخطوه الثانيه ومحد يعرف ايش المطلوب منه وايش اللي ماله داعي وايش الاشياء الخطاء وايش الاشياء الصح . واذا غلطتي بشي معين وش النتيجه واذا يتعدل خطئك او لا . المفروض يوضع كتيب متكامل من قبل الوزاره يكون فيه كل شي من الى حتى يكون مرجع لكل من دعيت للمطابقه حتى لا نتوه في عالم لا نعلم عنه شي ونمشي فيه على البركه وعلى الاشاعات اللي اتعبتنا وزادت من توترنا .بس سبحان الله عادة كل الوزارات عندنا خاصه الخدمه المدنيه ووزارة التربيه ماشين على البركه ,, الله يعينا عليهم ماتتوظف الوحده الا مابقي فيها اعصاب خلاص فوق تعب الانتظار سنيين تجيك مرحله مدمره للاعصاب وهي مرحلة المطابقه الى المباشره ...
اسئل الله الكريم رب العرش العظيم ان يسخر لنا جند الارض والسماء ويمدنا بمدد من عنده وان يكتب لنا الخير اين ماكان ويرزقنا شكره وحسن عبادته ... الحمد لله على كل حال

عاجل ( منى المحمد)- كشف الناطق الرسمي باسم وزارة التربية والتعليم الأستاذ محمد بن سعد الدخيني أن توجيه المعلمين الجدد سيصدر بإذن الله خلال الأسبوع الحالي موضحا بأن مباشرتهم ستكون يوم الأحد القادم .
وكتب الدخيني على حسابه الرسمي بتويتر ( خلال هذا الأسبوع - بإذن الله - يتم إنهاء توجيه المعلمين الجدد كافة إلى مدارسهم والمباشرة الأحد القادم.)

وفي سياق متصل أكد الدخيني أن إنهاء اجراءات تعيين المعلمات المرشحات الجدد سيكون خلال أسبوعين من الآن حيث كتب ( التربية بانتظار ترشيح المعلمات من وزارة الخدمة المدنية ومن ثم المقابلة وإصدار قرارات التعيين والتوجيه للمدارس ومن المتوقع إنهاء ذلك خلال أسبوعين.)

الحمد لله يابنات خلصت مطابقه في الرياض
وصلت تقريبا ع الساعه 10 وفاضي المكان بس 4 تقريبا اللي يطابقون
دخلت ع طول الحمدلله طلبت مني صوره كرت العايله والاصل وطابقتهم والشهاده كمان وشهاده التربوي واعطتني مستند استلام وثائق وقعت عليه والحمد لله
سالتها خلاص كل شي تمام قالت تابعي الموقع وبس
ان شاء الله اموري كذا تمام


اللهم لك الحمد حمدا كثيرا طيبا مباركا فيه
يااارب يكون تعييني ع الرغبه الاولى وكل من قال امين وكل بنوتات التجمع