ابو رغد اللي تستبعد يقولون لها انت مستبعدة؟؟؟

متى تنزل اسماء مجتازات المطابقة

السلام عليكم ورحمة الله


أولا أبارك لكل اللي ترشحوا وبإذن الله نسمع قريب خبر ترشيحنا النهائي ومطابقة بياناتنا وبإذن الله نكون بأماكن مناسبة و الله ييسر علينا كل أمورنا




انا ابتكلم عن شيء و ودي كلنا نفكر جديا بهالشي من هالحين يعني هالشي يعتمد عالنية و الله يحسن نوايانا جميعا
طبعا كل مرة كنت ادعي ربي اتعين سواء بمدرسة او بجامعة كان في دائما اهداف وانوي اني احققها بمجرد ما الله يوفقني بالوظيفة
لما كنا بمرحلة التطبيق الميداني ولانه كان حقل مصغر للوظيفة حاولت احقق جزء منها بقدر الامكان

راح ادخل بالتفاصيل


انتي الله أكرمك بهالوظيفة ويستحق منك الشكر و هي من اعظم الوظائف لو كل واحد اخلص في عمله
ما راح ارجع اعيد نفس الكلام اللي دايم ينقال :
انتي قدوة .. انتي مثال .... الخ
هالكلام كلنا نعرفه ومافي داعي نعيد ونزيد

انا ابي اقول اعتبري هالطالبات اخواتك او بناتك
حبيهم من كل قلبك ولا تخلين مساحة للكره بقلبك حتى لو كانو صعبين ومشاغبين والتعامل معهم مو سهل في البداية وهالشي طبيعي بحكم العمر
بس الشي ال مو طبيعي ممكن يكون ردة فعلك و هي الشي اللي ممكن السيطرة عليه والتحكم فيه

اعرف اخوات لنا كانو يحلمو بالتعيين و بس الله وفقهم ما تشوفو غير التجبر و التكبر و ظلم الطالبات بغير وجه حق فقط بحجة : انا اربيهم .. انا اعلمهم .. انا أأدبهم
يعني ردة فعل على تصرفاتهم مع انو ممكن كثير لو رجعو لورا ممكن هم انفسهم كان لهم تصرفات شغب لما كانو طالبات
ممكن مو بنفس القدر بس لا تنسو نقطة الفرق بين جيلك وجيلهم وحتى لو كان فقط بضع سنين


و الله العظيم يحز بنفسي لما اتكلم مع معلمة واسمعها تتكلم بهالطريقة و و الله العظيم في منهم كانو فقط على عقود وبعد ما انتهت طلعت ارواحهم عشان يلاقون فرصة ثانية
احيان افكر بنفسي و اقول يمكن رب العالمين اختبرهم و ما كانو جيدين و لذلك اخذ هالنعمة منهم

ايضا نقطة مهمة جدا

الطالبات بهالسن ممكن يكون عندهم انحراف بشكل او بآخر او علاقات او او او
انتي وش دورك هنا ؟؟
دورك تكوني الرقيب بشكل ما يؤذيهم وينفرهم وقبل كل شي تكوني بئر لهالاسرار
اعرف معلمات بمجرد ما تلاحظ على طالبة اي سلوك تروح تنشر هالكلام عند المعلمات وغيرهم

طيب والستر ؟ من ستر مسلما ستره الله في الدنيا و الآخرة
بدل ما تحقدي عليها ووتفضحيها اعتبريها اختك الصغيرة وخافي عليها وحاولي تحلين مشكلتها
مو انك تواجهيها و ممكن تدخلي بمشاكل لها اول وما لها اخر

بس ممكن تكوني فعلا قدوتهم
ممكن تخصصي جزء دائما للحديث معهم وتناقشيهم وتشاركيهم مشاكلهم وفي حدود طبعا
و من خلال النقاشات توصلي رسائل غير مباشرة
لا تخلي كل علاقتك مع طالباتك درس و واجب واختبار
اعطي اوقات فراغ واستراحة
خليهم يحبوك ..و يثقوا فيك عشان كلمتك يكون لها تأثير عليهم


اتذكر شفت فيلمين يحكو قصص معلمتين يدرسوا المراحل الثانوية و يواجهوا صعوبات جدا جدا جدا كبيرة و بالتفهم والحكمة يقدروا يغيرو اشياء ومفاهيم واخلاق ما تغيرها سنين

واذا شايفه انك مو قادرة تغيري ف لو عندك عادات وانتي متأكدة انها مو جيدة حاولي ما توصل لطالباتك*
يعني مثلا في معلمة تتكلم او تسمع الاغاني في المدرسة او ممكن من خلال حديثها يفهموا انها تتابع برامج معينة او تؤمن بأفكار معينة وهالشي غير جيد
مثل ما قلت عالاقل لو ما تقدري تصلحي ف لا تفسدي

قبل الختام


احبكم جدا واتمنى لي ولكم كل الخير و التوفيق

ان اصبت ف ادعوا لي بالتوفيق والتيسير
ان اخطأت ف أرجوكم سامحوني

يابنات المقابلة راح تكون في المنطقة الي تعينت فيها اكيد
وفي شي ثاني كيف انقل بنتي معاي ابتدائي راح يكون سهل ولاصعب ابغاها معاي
بالله ردوا علي
مافي احد رد علي ضروري

معاك حق والله هذا اللي افكر فيه

بيلساان أنت اللي معانا في الملتقى ؟؟

بنات .. المقابله عن ايش ؟؟


يسالوني بالمواد ولا ايش ؟؟ ما اعمري استفسرت عن هالنقطه