لماذا تتذمر من البناشر وشغلها ياخي المشكله مثل ما قالوا الاخوان منا وفينا
انت يالمواطن المسكين ما بيدك شيء فلا تتعب نفسك بامور معقده

واصبر العام القادم راح يرتفع شغل اليد الى 20 ـ 25 ريال واذكرك
لكن خلونا ننظر للامر من جهه اخرى ؟!!!

الان بعض الاشخاص لا شغل ولا مشغله ليش ما يغير الزيت بنفسه ؟؟؟؟؟!!!
المسألة رافعه (عفريته) بـ200 ريال وكرتون زيت جملة 250 ريال يزيد او ينقص
والعدة المعروفه طبعاً الاسعار بمتناول اليد .....

تحتاج حوش البيت او الاستراحه وتجيب معك كماليات العملية المعروفه
اكاد اجزم يقيناً ان الشغله ما تاخذ ربع ساعة !!!!!!!!!!

وانت احيانا تنتظر العامل يخلص من سيارة اخرى بما يقارب نصف ساعة او اكثر !!!!!

خلونا نحسبها
كرتون الزيت 24 علبة - نفرض ان العلبه بـ10 ريال
اذا كان تغييرك 6 علب حيكون بـ 60 ريال

تعال للبنشري يبيعها بـ 18 ريال والسعر بازدياد
يصير سعر التغيير بـ 108 ريال !!!!!
يعني 48 ريال للبنشري من غير شغل اليد وشغل الفلتر

وبالمناسبة الفلاتر تجدها بالوكالات ارخص من فلاتر البناشر وأضمن من التجارية المتداوله عندهم
وبكذا انت وفرت على نفسك وكسبت معرفه وشغله بسيطه وصدقني ما تحتاج للبناشر ابداَ حتى الكفرات اصبح الناس الان يتجهوون للمحلات الخاصة بالشركات ولكن اذا اضطريت فهذا شيء اخر

انا مجربها شخصياً واشتري افضل الزيوت لسيارتي طبعاً كرتون الزيت يجلس عندي
قرابة ثلاثة اشهر او اكثر على حسب الاستخدام ومع هذا كله انا امشي خطوط اسبوعياً ولست موظف ...

الله يوفق الجميع للخير ويرزقهم من فضله .....