السلام عليكم

اخواني لاحظت شغله مكسبه محلات غيار الزيوت ذهب

حنا نشتري زيت سوبر جي تي من اليمني اللي يغيره العلبه بحوالي 15 وبعضهم 14 ولو تشتريها من محلات قطع الغيار تكون ب 7 ريال (عشان كذا اليمني ينصحك بتغيير سوبر جي تي العلب المعدن ويكسب منك أكثر)
غير هذا شغل يده ويطلع بمكسب رهيب وخاصه من السيارات الكبيره لأن علب الزيت أكثر


لماذا لاتقوم البلديه بمنع محلات غيار الزيت من بيع الزيت وتكون مهمتهم واضحه ولها تسعيره مثل الحلاق يغير السياره الصغيره ب 10 والكبيره ب 15 والزيت يشتريه الزبون بحوالي نصف سعره (المصيبه أن الأجانب متعاونيين لو تجيب زيت من عندك رفض يغيره عشان يجبرك تشتري منه ويكسب من السعودي دبل السعر)
ويكون بيع الزيت من اختصاص محلات صغيره تكون قريبه من أماكن تغيير الزيت ومايشتغل فيها الا سعودي وكل شغله في المحل يشتري الزيت بالجمله ويبيعه مفرق على الناس مثلاً زيت سوبر جي تي بالجمله يطلع عليه ب 5.5 يبيعه ب 7 أو 8 ويصير المكسب يروح لشاب سعودي ووظيفته سهله مره ومايحتاج لها تفكير ومكاسبها كبيره بالنظر لعدد السيارات في الحي لازم يشترون من المحلات وأيضاً ينقص ربح العماله اللي ماكلتنا وتاخذ حتى زيوتنا المستعمله وتبيعها على معامل التكرير.

تمنيت أوصل اقتراحي لوزارة العمل لكن أنتم فيكم الخير

بعض محلات غيار الزيوت يقول سوبر جي تي ب 13 أو 14 والأسعار متفاوته لأن اللي يغير الزيت مايحط في باله مكسب 5 ريال او 10 على شغل يده باله كله في محاولة بيعك الزيت غالي مره والدليل بأن أغلبهم لو يشوفون جايب علب الزيت معك يرفض مباشره عشان لاينفتح عليهم باب من السعوديين


أول السعوديين شغالين في كبائن الهاتف براتب بسيط وأغلبهم محتاجين وشغلت بيع الزيت مافيه أسهل منها وزباينها بالهبل لكن لاذا لاتكون للسعوديين فقط وتغيير الزيت عند الأجنبي وبكذا يطيح ربحه النصف ويتوظف عاطل عن كل محل

أيضاً لو يكسب في كل علبه ريالين فقط وباع على زبون سيارته صغيره 4 علب يكون مكسبه 8 ريال واحسب عدد الزباين في اليوم

اهلا اخي

حبيت انبهك بأن زيت سوبر جيتي الحديد اللي في المشاحم تراه مقلد ومكرر ويعدم المكينة بعد فترة ويبيعونه على انه الاصلي لان فيه ربح اكثر والاصلي هو سوبر جتي الفوكس اللي علبته بلاستيك بالنسبة لفكرتك جميلة ولكن المشاحم محد يقدر عليها لانها عبارة عن عصابات وهم سبب رفع ايجارات المشاحم وتحكم في الاسعار و وزارة التجارة و البلديات نايمين

تحياتي لك

الزيوت نوعين في السوق مكرر وهو رخيص حول ال 7 ريالات .
و الزيوت الغير مكرره وهي المعروفة مثل موبيل

مقلد الاثنين
[BIMG]http://im9.gulfup.com/2011-08-09/1312853607161.jpg[/BIMG]

اليمين اصليFUCHS و اليسار مقلد
[BIMG]http://im9.gulfup.com/2011-08-09/1312853607472.jpg[/BIMG]

صدقني الدوله ماهي حريصه على احلال الشباب
كل مانحتاجه امور تنظيميه تخلي السعودي يشتغل بدل الاجنبي
ومن هذه الامور مثل فكرتك الرائعه وبالتالي تطبيقها على نطاق اوسع في المواد الغذائية وخلافه

السلام عليكم ورحمة الله وبركاتة ,,,,

اخي الكريم هل انت تريد من البلديه تطبق كلامك ليش اولا انا اتمنى لي شخص سواء اجنبي ام سعودي يشتغل ويتعب له الرزق لانه تعب وشقى وطول وقتة فاتح محله ويحق له لو شراها بـ7 ريال وباعها 14 ريال واخذ شغل يده 5 ريال زياده ياخي اولا من هو صاحب العقار تراه سعودي وبعدين صاحب العقار يرفع الايجار على التاجر لا تفكر انه رافع السعر من كيفة صدقني لو الارض والمبنى ملك ماصار بالقيمة هذي حنا عندنا مشكلة الايجار حتى لو كان المبنى قديم يرفع عليك الايجار وهذه مشكلة لرفع الاسعار .

وإذا كان تبي البلديه تطبق النظام اولا ترى موظفين البلديه للي لهم باختصاص الرخص وغيرها كثرهم عندهم محلات تجارية .
مثل موظفين البلديه و الجوازات والقطاعات الاخرى الحكومية الراتب مايقل عن 8000 ريال وهم اكلين البلد اكل بمحلاتهم وفروعها .
وهذه المشكلة عند الموظفين وإلا انت يالعاطل مابيدك شي ابدا تفتح محل وهم ياخذوا قروض ويفتحوا باسم عيالهم وبناتهم وخواتهم وزوجاتهم .

وانت يالعاطل لو تستشير اي شخص موظف حكومي عن فتح محل قالك انا افتح بسمك واعطيك قمية تاشيرة واعطيك شهر مبلغ لك .
شفت كيف الدنيا كلها استغلال واعرفلك ناس كثير يفتح باسم الشباب العاطلين ويعطيه اقل شي مثل 1000ريال قيمة الاسم لو يحط بأسمه اكثر من 100عامل وهو يكسب من وراءه مايقل عن 5000 ريال يعني صار للي باسمه العمال يستفيد اقل

ياخي مشكلتنا ماهي بالاجانب المشكلة بمواطننيا مافيه تكاتف بين بعض لا تفكر ان الاجانب اكلينا حنا يالمواطنين اكلين بعضنا بعضا وإلا جنبي متغرب من بلده .
لمصلحة نفسة و السعودي هو للي جايبه من بلده ليستفيد من وراءه يعني حتى لو رواتبهم عالية السعوديين اكلين البلد اكل ياخي المشكلة من وفينا ..

خل عنك اليمني والاجانب عامة وبعدين ترى شغلة البنشري ابي اي سعودي يفتح محلة بنشري ويشتغل فيه لوحده طول الوقت

والاجنبي إذا رحت باي وقت تحصله فاتح محلة وإلا حنا يالسعوديين شغلات الادارية تعاجزنا عنها تاخيرات وانسحاب عن العمل كيف الو اشتغلنا بمثل بنشر وانت

وللي مثلك عارف وضع الشباب جلسات وسهر وفوق هذه .

عيب علينا يالسعوديين بمثل هذه الامور تراها عيب عندنا لونها مافيها شي بس مجتمعنا مايسمح انك تمارس بمثل هذه الاشغال فكرتنا يالسعوديين وإلا هي تراها حلال وانا بنفسي ولله اني ما كرها بس المشكلة طول الوقت وانت جالس بالبنشري و تعب وبس


وإلا هي مافيها عيب ..


وتقبل مروري ,,,,,,,,,,,,,,,,,,,,,,,

السلام عليكم

يالغالى مافيه زيت بسعر 7 ريال حتي بـــ محلات قطع الغيار أو وكالة السيارات تحصله 15 ولا 12 جمله ...وجميع الزيوت سعرها كذا يعني لما رفعوا الأسعار تم توحيد السعر من قبل التجار علشان مايعطون مجال أو فرصه بديله ل المستهلك

المشكله الحين المتواجده في محلات البناشر هي يبيعون لك زيت مقلد ومكرر يعدم أبو المكينه
وأغلب الزيوت الموجوده عندهم تقليد ...عندك مثلآ زيت تويوتا الأصلى يكون مكتوب على غطاء العلبه بلحديد وتكون الكتابه بارزه أما التقليد يكون غطى العلبه ساده من غير كاتبه بارزه .))