السلام عليكم

لو سمحتوا عندي استشاره بسيطه وابي رأيكم يمكن احد يفيدني
انا خريجة بكالوريوس قسم احياء طبعا مالقيت وظيفه
اخذت دوره ف التصوير الاحترافي بما ان التصوير موهبتي المفضله
واخذت الشهاده وابي اشتغل فيها بس ماني عارفه وين اقدم
دلوني على مكان ممكن استفيد او الاقي وظيفه فيه بهالشهاده
ممكن الاحوال او الجوازات ؟؟
طبعا استديوهات التصوير لا لان رواتبهم مره قليله لو اشتغل لنفسي يكون احسن

اتمنى تقديم المشوره لي ولكم مني جزيل الشكر

اشتري كاميرا و فلاشات و جهاز كمبيوتر و عدسات
و بعدين اعملي البوم

بعدين صوري حفلات المقربين و بروتيه

بعدين ابديء عملك الخاص
لا تبدئين عملك الخاص الا لما توصلي الى درجة الاحترافية

اختي الكريمة سبق ان فكرت بهذي الفكرة .. لكن حالت بعض المشاكل دون اكتمال المشروع ..

تقريبا مايقارب 10 اشهر وانا اتصفح مواقع التصوير المعروفة واقرى في الدروس حتى تعرفت على الاساسيات وبديت اقاران بين الكاميرات والعدسات دفعت مايقارب 9000 للكاميرا والعدسة وترايبود . . باقي تجهيز الاستديو ..

طبعا كانت فكرتي هي تصوير المنتجات ..

يعني اجهز لي استديو منزلي لكن استديو ماركة ممتازة وكنت ابحث عن ماركة اسمها النكروم دي لايت ,,

للأسف الوكلاء عندنا فيهم جشع كل الماركات المتواجدة عندنا صينية وزفت واسعارها في العلالي . .!

وكنت ابي اطلب الاستديو عبارة عن فلاشين بقوة 800 واط والماركة سويسرية والكل يجمع على قوتها ..

وسعرها في امازون فلاشين مع سوفت بوكس وشنطة وكلش 3000 يوم جيت للشحن جاتني الصدمة !!!

الاستديو وزنه مايقاب 20 باوند .. وارخص سعر للشحن مع الجمارك وكلش مايقارب 1200 !!!

1200 هذي اكمل فيها باقي اكسسوارات الاستديو .. وللاسف بدأت تتلاشى الفكرة من رأسي ..

يوجد قناة في اليوتيوب واحد اسمه فيصل البدراني على ماظن فيها مقطع عن التصوير التجاري .. وكانت فكرة جميلة ..

اتمنى لك التوفيق ..