السلام عليكم ورحمة الله وبركاته

في الواقع ما أدري ليه فتحت هذا الموضوع
فضفضة أو إني فعلا ودي بالحل

وقتي يضيييييييييييع وأنا ماأنجزت شيء يذكر
أعرف طريقة البحث وكيف المفروض أبحث لكن بمجرد ما يجيني الحماس أبدأ أبحث وأبحث ويعجبني كذا موضوع وأحفظها في المفضلة على أساس أرجع لها وأبدأ أقرأ وأقرأ لكن فجأة أحس بالملل وإني فاشلة ولا أنفع للماستر وإن غييري أفضل مني وتبدأ رسائل الإحباط لنفسي رغم إني الحمدلله متوفقة جدا وأحب الدراسة لكن صرت أحس إني مثل (.... )يحمل أسفارا وأنا ما أفقه منها شيء

وأترك البحث يوم يومين أسبوووع وإذا رجعت ما أرجع للمواضيع اللي أعجبتني من قبل ..لا ..أغير رأيي وأبدأ أبحث من جديد عن مواضيع مختلفة ... وهكذا مرت 4 أشهر وأنا ما أنجزت شي والدكتور ينتظر مني خطة البحث حتى يعرضها عالقسم في بداية السنة وأنا مااخترت الموضوع فكيف بي أكتب خطة البحث ! ..

الكتب الورقية ترهقني وأمل منها بسرعة,تغيرت عن قبل ما أعرف السبب..والقراءة في الكتب الإلكترونية مملللللللللة جدا على الرغم من وضوح الخط
والمواضيع المكتوبة في المنتديات المتخصصة لاتنفع

لا أعلم أين أبحث وكيف أزيد حماسي ؟!



فيه أحد مثلي ..أتمنى يخبرني كيف تصرف
ماباقي شي على بداية السنة وأنا محلك سر
ولااااا إنجاز

وعليكم السلام ورحمة الله وبركاته

المرحلة اللي تمرين فيها غالبية طلبة الدراسات العليا يمرون فيها وهي مرحلة الفتور ومرحلة الشعور بقلة المعرفة وخوفه من شيء اسمه رسالة حيث يرى ان الرسالة لا يستطيع ان يقوم بها سوى العباقرة والناس المتخصصة جداً


نصيحة من اخت مرت بما مررتي به مع انك لم تذكري تخصصك

ولكن لما تختاري موضوع يجب ان تركزي على وفرة العينة فيه وسهولة الوصول لها بحيث لا تكلفك ماديا ولا تأخذ منك الوقت والجهد الكبير في جمع البيانات

وانصحك بالرجوع لكتاب تصميم خطة وكتابة البحث الميداني في العلوم الإنسانية لمحمد السيف

كلمة رائع قليلة فيه اتبعت طريقته واستفدت منه كثير

هنا اكتشفت كيف اني طفله يجب مراقبتها ههههه يعني ماثبت ع موضوع ولا فكره واماطل مع نفسي وااجل ويمر اسابيع ماقرا شي مايصير كذا

اهم شي الاطروحه لو لقيتيها كل شي يهون ومثل ماقالت الاخت اختاري موضوع موجود وعندك خلفيه فيه لانك فقط راح تناقشينه باسلوب الزبده في النقاش وتركيب الكلام

اتوقع مجرد اكون جاده مع نفسي واتنازل عن المثاليه واسوويه مستعجل اي كلام راح اطلع بشي مبدئيا وبعدين نرجع نعدله ونزيد
هذا تجربتي

الله ييسر لك امورك ان شالله ..

الله يوفقك ويفتح عليك يا أختي

بسألكم الله يحفظكم الي يعرف أنا طالبة ماستر بس موازي بسألكم عن طريقة بحث التخرج في الموازي هل تنطبق عليه نفس الشروط في الرساله ؟ وكم يستغرق ؟ وهل أستطيع أن أنجزه في فصل دراسي ؟