السلام عليكم


احبتي إلى كل مساعد إداري تم تعيينة معلم او معلمة فماذا تختار ؟؟؟
هل الوظيفة الإدارية بمرتبتها السادسة مع قرب العمل بنفس مكان سكنك باختلاف العمل المكلف من مهام الصادرة من مديرك او مديرتك.....
او الوظيفة التعليمية بمستواها الخامس مع بعد المكان من مقر سكنك او مكان بعيد بقرى او غيرها ومعروفة مهام العمل من تدريس وخلافه
.........................

بعد هذه المقدمة لا احب ان ا طيل عليكم الحديث...انا تم تعييني مساعد إداري العام الماضي وبمدينة اخرى غير مقر سكنى وجربت الغربة وجربت تسلط المديرة وكثرة المهام التي لها علاقة بالأدارة وليس لها علاقة من مراقبة ومناوبة وغياب معلمات و
طالبات ومهام عديدة اخرى وقد تم نقلي ولله الحمد في نهاية الترم الأول
والأن ظهر اسمي ولله الحمد من المتعينات تعليمي وانا اتمنى الوظيفة التعليمة لان مهام عملنا معروفة وانا محتارة بين قرب المكان وبعد
فماذا تنصحوني
وهل هناك اجراءات اذا ذهبت للعمل مدرسة مع العمل السابق بالرغم انني لم اباشر بالعمل الى الأن بالمدرسة الجديدة وهل هناك اجراءات مالية واحتساب للخبرة بالعمل الاداري
......................
ارجو مساعدتي

الله يوفقك ويرشدك للصواب سؤالي لك هل انتي حدثتي بياناتك في هذه المفاضلة ام ظهر اسمك وانتي ماحدثتي وايش تخصصك ونقاطك الله يرضى عليك

طبعا حدثت بيانتي
وتخصصي لغة عربية

القرب المكاني بالنسبه لي اهم من كل مميزات التعليمي البعيد

واذا الراتب اعلى فالفرق تصرفينه ايجارات ومواصلات

يمكن على المدى البعيد يفرق بعد تحقق نقل المعلمة وتقريبها من سكنها بس الواحد شيضمن نفسه ولاعمره الافضل يعيش يومه ويسأل ربي البركة في رزقه

مالهم حق ينظرون للادارية نظرة دونية .. بالعكس انا معلمة واعمل ادارية واشوف الادارية والمعلمة شي واحد كل وحدة لها احترامها .. وش ذا الحركات ماعليك من بعض الحركات القرعا اصبري وخليك بطله . اما تعليمي او اداري انتي اش ميولك و ثاني شي نفسيتك وظروفك تسمح بالبعد روحي واذا لا خليك بالادارة لانها حلوة ومصيرك تشوفين مدرسة ثانية ومديرة ثانية ومكان غير اللي تجدين فيه مضايقات والله يسهلك ويسهلي احول ادااااارة رسمي ..

هذا القرار انتي تحددينه هل ارتحتي لمهام عملك ك اداريه او ترغبين في ان تكوني مدرسه

انتي اكتبي بورقه مميزات وسلبيات كل وظيفه واستخيري الله وشووفي الي يناسبك

عني افضل مهام التدريس عن الاداره

اختي اداريه ومرتاحه بعملها بس انا اشووف ان شغلها صعب ومهامها كثيره عكس التدريس احسه ان شاءالله سهل علي بعد الممارسه باذن الله

كل عام وانتم بخير
اختي لا يمكن احد يقررفي هذا الموضوع وهو انك تحولي الى تعليمي إلا انتي انتي الان جربتي الاداري وفي نفس الوقت جربتي الغربه الان لا احد يقدر يعرف رغبتك الا انتي هل مداك تحولي تعليمي وتتحملي الغربه مره هل تتحملي سنه سنتين الله العالم
انتي الان مساعده اداريه في المكان المحبب اليك وانتي يا اختي لديك حلين ولا يعرف احد يختار الا انتي الحل الاول تكوني اداريه عند اهلك براتب اقل بكثير من التعليمي والحل الثاني تحولي تعليمي براتب كبير ومستوي خامس ومحتمل كبير غربه سنه سنتين

دموع محبوسه

عيدك مبارك و كل عام و جميع الاعضاء بألف خير

في البداية اسف لدخولي موضوعك لكن لفت نظري

و حبيت اكتب وجهة نظري من بعد اذنك طبعاً

و الاختيار في الأول و الآخير لك اختي العزيزه

دامك إداريه فهذه الوظيفه حلوه جداً لكن بالنسبه لكم انتوا يا بنات

التعليمي انسب منها بكثير لسبب واحد مهم و من خلال ملاحظتي

للموجودات معي من اهلي ( الاداريات ، المعلمات ) المديرات والمعلمات ينظروا للإداريه كأنها خادمه و مع كل اسف يدل هذا الشئ لقلة الخبره رغم انه الإداريه تملك مؤهل بكالوريوس لكن بسبب هالنظره تضعك أمام تفكير كبير يا تختاري هالنظره الدونيه و تكوني عند بيتكم العمر كله أو تختاري التعليمي و تبعدي فترة ان شاء الله تكون بسيطه و تنقلي لعند بيتكم و تكوني على المستوى الخامس و الذي يفرق في الراتب الشئ الكبير و بالذات مع مرور السنوات لأنه العلاوه تكون أعلى بكثير من المراتب و المديره و المعلمات ما يفرقوا عنك بشئ و ترتاحي من النظره الدونيه

يظل القرار لك اولاً و اخيراً

و تظل وجهات نظرنا بسيطه فقط يمكن تستفيدي منها

و اتمنى لك التوفيق في حياتك العمليه