ماشاء الله تبارك الله اتمنى ان امتلك دينا خوصا الي معك اسوزو و 2013

لديك شحن العفش للي بيسافرون او للي بينقلون لمنازل جديدة ..

فيه شغلة ثانية حلوه .. الي هي نقل الاغنام .. طبعا نقل العفش ماعندي اي خلفية عن اسعارهم ..

لكن نقل الاغنام ماعرف وش نظام اصحاب الدينات . . لكن انا اعرف ناس يشحنون عبر سيارات عادية بيك اب مثل هايلكس او ددسن تكفي مثلا لنقل 10 طليان اتوقع او 6 اغنام كبيرة ترى مادري لكن توقع ..

وينقلونها بعضهم نظامه انه على كل كيلو بريال .. يعني على سبيل المثال شحن اغنام من الرياض للدمام هذي تقريباً 400 كيلو يعني 400 ريال .. وبعضهم اغلى لكن ماتقل عن هذا السعر ,,

هذا نقل بالسيارات الصغيرة فما بالك بالدينا ..
وخصوصا بما انك بالرياض المربين كثر .. وانت مثلا لو عندك رحلة مثلا للدمام تعلن على اساس عصفورين بحجر تنقل بالذهاب والاياب ..

وخصوصا لو كانت الدينا بتشيل مثلا 30 راس وبتوديها 400 كيلو ماتوقع بيقل عن 2000 ريال .. وترى اسعار الدينات ماعرف بس المواتر الصغيرة ..


بالتوفيق لك ..

نفس السؤال
ياليت اللي يعرف يفيدنا أفكر أستأجر دينه بس ما أعرف كيف أستفيد منها

اشتغل في سكراب وانا اخوك كان معي دينه 2008 وبعتها وتحسفت والايام هاذي في شغل على الدينات لان العمال راحوا خلاص وقف عند حراج بلقاسم وشوف الشغل

امل افادتنا ياشباب تكفون انا برضو عندي دينا والشغل تعبان وافكر ابيعها

[align=center]
تقبل الله منا ومنكم صالح الاعمال
وكل عام وانتم بخير
[/align]
اخي التميمي اشكرك على ردك واقتراحاتك الجميله
نسيت اضع بعض التفاصيل وهى :

1- اني موظف حكومي و دوامي من 7 صباحاً الى 12:30 ظهرا.
2- وعندي عطلت الاسبوع الجمعه و السبت (خميس و جمعه سابقاً ههه).

طيب مافيه مشكلة ..

جب لك عامل على كفالتك وانتهى الموضوع