قصيدة قوية وأبيات جزلة

للشاعر : مصلح الدوسري



[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/16.gif" border="ridge,3,silver" type=0 line=0 align=center use=sp num="0,black""]
يالله يامنزل تبارك والانعام=يامن بعلمه تشرق الشمس وتغيب
يامن بما تخفي المخاليق علام=تقبل دعا عبدٍ يناجيك وتجيب
عبدٍ رفع كفيه والعالم نيام=يارب حقق مقصده والمطاليب
يالله عسى الكوثر مواريد صدام=يهنا وينعم في لذيذ المشاريب
وسلـّط على اللي صدقوا فيه الاحكام=بياعة الذمه جحوش الاجانيب
شفته يقودونه على حبل الاعدام=وقامت توّقد في ضميري لواهيب
اقبل لحبل الموت يمشي بالاقدام=موتة شرف ولا حياةٍ بتعذيب
مثل الفهد ما هزهزه ضبح الاغنام=ولا طراله يذكر الخوف ويهيب
قالوا نبي نضفي على وجهك لثام=قال الكلاب تهيب من نظرة الذيب
ترى الغطا للي على خده اوشام=ولا ّ خبيثٍ مات في سكة العيب
قال الشهادة غصب عن كل ظلام=لو حاولوا صده ورده بترهيب
مهما حصل منه من علوم واجرام=الله خلق مخطي من الناس ومصيب
مسلم وآخر ما نطق رمز الاسلام=شهد شهادة حق تدحر الاكاذيب
ترى على مثله يجوز الترحام=يقوله الفوزان راعي المواجيب
العز مثل العمر لو طال مادام=والوقت خان معكفين الاشانيب
هذي رحى الدنيا ودورات الايام=منها الكبار تهيب والرضع تشيب
واليوم بنصح كل مطلق وهمّام=احرص ترى المنسب يبي منك تعريب
عليك باللي لانجبت جابت اغلام=بنت الرجال معربين المناسيب
واللي بتنجب واحدٍ مثل صدام=والا عساها لاتزوج ولا تجيب
[/POEM]

للشاعر : مصلح الدوسري الف تحيه لشاعر وتحية اعجاب على هذه الابيات ولناقلها الف شكر
الله يرحمك يابوعدي

شاعر متمكن وقادر على ادارة الكلمة

يتصرف بالمعاني ويتنقل بينها تنقل مقتدر

البطاله مشا الله عليك وتسلم على كل امورك الطيبه ياطيب.

ورحم الله اموات المسلمين وعفى الظالمين والذين كانوا طامعين في بلادنا وقد شنوا حربهم علينا وارا****ماء اهلنا وارسولوا صواريخهم على عوائلنا وبيتنا ومصانعنا بعد ان غدروا بجيرانهم .
الله يرحم الميت
وتحياتي

تسلم الاخ محمد على هالرد الجميل هاالكلام المرتب والله يرحم صدام عاش بطلا ومات بطلا

صح لسانك ولسان الشاعر وفعلا قصيده من شاعر متمكن

صح لسانك يابو على والى الامام