السلام عليكم ورحمة الله وبركاته
اولا كل عام وانتم بخير وتقبل الله منا ومنكم صالح الاعمال
استفساري ي اخوان والله اني احس مخي بيقفل من التفكير
انا ي اخوان انقبلت في معهد الدراسات وبعدها بيومين ويطلع اسمي في جامعة الامام ترم تحضيري مسار انسانية انا مخي ضرب كل ما سالت احد قال وش تبي بقرف العسكرية ادخل جامعة وفلة شباب ومن ذا الكلام عكس بعض اللي سالتهم قال بالعكس مسار الانسانية تخصصاته ماش يعني يمكن تطيح في تخصص خايس وتروح فيها والان ما بي اطول عليكم تكفووون افيدوني باللي عندكم حتى لو دعوه
ولكم خالص تحياتي

وعليكم السلام ورحمه وبركاته ..

أخوي انصحك بالجامعه بالنهاية معك بكالوريوس .. وفي سنة تحضرية جيب معدل مرتفع واختار التخصص اللي تبيه

وبعد التخرج عسكرية وظائف مدنية كلها متاحة لك ..

صلي صلاة الاستخاره..الله يكتب للي فيه خير

يعطيكم العافية
بانتظار باقي الاخوان

انصحك بالبدايه بالاستخاره


وبعطيك رأئي وانت شووف اللي يناسبك ياخووي دامك قبلت بالعسكريه توكل على الله فيه غيرك يدورنها

وبعدين كمل جامعه انتساب وعلى كذا ماخسرت شئ ضمنت الوظيفة وضمنت البكالوريس
واتمنى لك التوفيق ياخووي

والله كانك راعي دراسه واااصل بدون فواصل

حتى المعهد ي دمعة فراق دراسة

جامعه يا أخوي لا تفرط فيها الزمن في تقدم والناس في تطور

العسكريه حلوه ولكن اذا كانت كليه فقط ..

اذا دخلت جامعه وتخرجت اقل وظيفة ممكن تحصل عليها رتبة رقيب ..

وكلها خمس سنوات وتفتح امامك كل المجالات ..

ابتعاث - كليات عسكريه - تدريس - مدنيه

نصيحه لك لا تفرط في الحياه الجامعيه

شوف اذا عمرك صغير نصيحة كمل دراسة خل يقولون تخصص خايس عادي
اقل مافيها رقيب بأفشل قطاع عسكري!!
وش لك بمعهد الدراسات الخايس 3 سنوات تعب وشقى ومشاوير واخرها وكيل رقيب فني راتبك بحبه الخشوم
يأصل 7.

والله انا من وجهة نظري المتواظعة دراسة احسن لك الا اذا انقبلت في قطاع تبع وزارة الداخلية هنا اقولك رح وانت مقمظ تعسكر وبعدها انتسب دراسة لئن معهد الدرسات خايس رواتبة سيئة يعني رتبتك وكيل رقيب وعلى حسب تخصصك يعطونك راتب سبعه وعليها او ثمانية وعليها في بعض التخصصات يعني مايعادل راتب جندي في قطاعت وزارة الداخلية والحسنة الوحيدة للمعهد انهم يدرسونك انقلش من الصفر يعني ماتتخرج الا وانت بلبل في الانقلش وانت شف الي يريحك ورح فية