سلام عليكم ورحمة الله وبركاته

من العايدين يااخواني وكل عام وانتم بالف خير يارب

انا موظف حكومي راتبي 12000 ريال .. عزوبي طبعا يروح من راتبي 9500 ريال ادري كثير بس هذا شي ثابت لازم يروح لضروف عندي 9500 تروح اول ماينزل الراتب .. فهذا الشي مااقدر اغيره

يبقى لي 2500 مصاريفي الشخصيه من جوال الي اخره .. ف وضعي والله مايخارج .. يعني طق عمري 28 لازواج ولا شي ..

فقلت خلني اخذ قرض .. طبعا بينطون لي ناس لاتاخذ قرض .. مت جوع ولا تاخذ .. طبعا كل الناس كذا واولهم اخواني

بس ياجماعه الوضع مايخارج والله .. فقررت اني اخذ قرض واشوف لي مشروع يضبط حالي بدال الوضع الي انا فيه .. ف رحت للبنك وقال بعطيك 210 الف .. فأحترت وداخ راسي مدري وش المشروع ..

درست مشاريع كثيره .. بسس ماادري خايف والله خايف اجازف .. ولازم اني اخطو هالخطوه خلاص ابي ازبط حالي وراي زواج .. طبعا لو اخذت القرض راح ياخذ من 9500 الي تروح كل شهر فهي رايحه رايحه ف احسن تروح بقرض .. ولا تروح كذا

وش رايكم ياجماعه .. ابي فزعتكم .. ودايم الشي الي يحجر لي العماله شلون وانا موظف حكومي (عسكري ) .. طبعا المشروع بخليه باسم احد الاخوان .. بس المشكله العماله ف ابي فزعتكم


وبيض الله وجيهكم

فكر بمشروع الاغنام وتوكل على الله

كلام جميل يا بائع الورود

كفيت ووفيت

لاصار عمرك 28 سنة والا تزوجت وراتبك 12000 ريال واخر شي يبقى منة 2500 ريال

وتبي تفتح مشاريع وتاخذ قروض وتبي تفلح من وراء المشاريع وانت مافلحت

براتب 12000 ريال ياخي الناس رواتبهم على 4000 ريال وبشركات طول الوقت

وهو مداوم بس بصراحة امورهم ماشية تمام ومرتاحين و لا ينقصهم شي

ابدا ؟

ارتاح وريح راسك من المشاريع

انا بقولك نصيحة ياعزيزي


لاتضع البيض في سلة واحد


أستخير وأستشير


انا لو معي 200 الف ما أجنب عن مطعم بخاري والله يافيه فلوووس انت بنفسك رح وشف الناس تقول نمل


ولا 100 الف عطها عمك واخذ البنت برقبتها والعبو حبشه ههههه

والـ 100 الثانيه افتح بها مشروع

[align=center][/align]بائع الورد كلامك جميل ومفهوم ويستفاد منه الله يوفقك ويوفق صاحب الموضوع
لك رسالة عالخاص

بائع الورود
الله يبيض وجهك ويسر امرك .. ويوفقك ياحبيبي

انا من الرياض .. وبيني وبينك والله المعدات الثقيله قريت عنها .. يارجل تخوف يقولون اغلب الشركات تاخذها منك من دون عامل ولو خذتها ترجعها لك تالف .. واذا كانت شركه كويسه وتخاف الله قالت علينا الاعطال الخفيفه ..

ويبي لك معارف وتعرف الناس الكبار .. وهذا الشي الي احنا مانعرفه


بيني وبينك انا فكرت اني استثمرها في محلات التقسيط بس والله خوفي انزرف واكل هوا هههههههههههههه

الله يعطيك العافيه ويوفقك يالغالي


روح الفهد

والله الاغنام ماتنفع لشخص مثلي ... غثاها واجد ومرضها .. ويبي لها متابعه وحرام اني اصرف 200 الف بأغنام !!




أبن روق
والله صدقني لو اخذت قرض وحطيته بزواج صدقني ماراح يبقى منه هلله .. انت عارف المهر والقصر وطقتها .. وغير الشقه وتأثيثها !! صعب الان مستحيل اخذ قرض وادور لي مشروع اصرف
الله يعطيك الف عافيه يالغالي


كتاب وعنوان

ويوفقك يالغالي ..

اسم شوري وبذن الله بتذكرني بدعوه
اخذ قرض ١٠٠ الف خمسين ادفع مهر سبحان الله الزواج يفتح لك ابواب الرزق وكثير من العيال صار لهم موقف
ونو في قلبك اني بستر نفسي واستر بنت ناس معي وشوف
الخمسين الباقي افتح مشروعين سوا
الاول شاورما تطلع ذهب ايجار قول ٢٠ الف بشارع حلو والعده اقل من عشر الف
الثاني موسسة مقاولات طلع مليس ومبلط ايجار ١٠ الف والمكتب من الحراج بالف ريال
انت لاتفكر بتكسب من اول يوم هذي يبي لك ست شهور لين يجي العمال

هولكو
الله يعطيك العافيه .. فكرة مؤسسة المقاولات حلوه .. بسس مشكلتها شي واحد .. يبي لها تفرغ تام وهذا الشي انا افتقره كموظف

نصيحتي لك
اضبط مصروفاتك قبل كل شيء " لا تفكر في الاستثمار وانت في الادخار صفر "
فيه قاعدة في الادخار تقول " ادخر جزء من دخلك ثم انفق الباقي "
وفيه قاعدة في الاستثمار تقول " استثمرت ما ادخرته من دخلك "
انت ماحققت لا قاعدة الادخار ولا قاعدة الاستثمار
فوق ذلك راتبك كويس ( الله يزيدك من فضله ) وعزوبي ( الله يزوجك )
طيب اذا تزوجت كيف بيكون صرفك
نصيحة : أغلق مصادر صرف الراتب الغير ضرورية
قد أكون قاسي بعض الشيء لكن كتبت هالكلمات لأجلك والله
اذا ما تقدر على الصرف خذلك قرض عقاري اشتر فيلا أو أرض اهم شيء يكون عند أصول ملموسة