13-08-2013, 04:28 PM
|
عضو جديد
|
|
تاريخ التسجيل: Aug 2013
المشاركات: 21
معدل تقييم المستوى: 23
|
|
تكفوون ابي فزعتكم ابيكم تقولولي وش اسوي
[align=center]بسم الله الرحمن الرحيم
السلام عليكم ورحمة الله وبركاتة وكل عام وانتوا بالف خير يااخوان افيدوني ابي مساعدتكم ياشباب والله سنين وشهور وانا صابر مليت جد جد مليت من المعانات ادري ابطول وباخذ منكم وقت بس تكفوووووون ساعدوني خلوني اقولكم قصتي من البداية لين النهاية واتمنى انكم تساعدوني .
انا متوظف في قطاع خاص تاريخ التعين (( نهاية 2007 وكان راتبي 2250 ريال جميع البدلات وبعد فترة التجربة يصير 3750 ريال + يصرفون لي بانزين 60 لتر اسبوعيا (( الحمدالله كملت المدة المطلوبة وعطوني عقد عمل تاريخ التعين 2008/2/2م طبعا الراتب يتاخر مثلا اشتغلت شهر 2 استلمة بنص شهر 3 ويا استلمة شيك ولا كاش المهم صبرنا وقالوا بيحسنون وضعي علشان مافية الا انا الوحيد سعودي بالشركة المهم كملت سنتين عندهم وضع الراتب ماتحسن وصار يتاخر بزيادة يمكن توصل لشهرين وفجاءة قطعوا البدل نقل عني الى هو 60 لتر اسبوعيا ماتكلمت سكت بصراحة لاني انسان مااتكلم المهم صبرنا وصاروا يستغلوني كا سعودي لمراجعة الدواير الحكومية وهو من الاساس ماهو بشغلي مكتوب بالعقد (( موظف استقبال )) وبصراحة الوضع وكل ماله يزود مرة بنك ومرة غرفة تجارية ومرة جب لنا غداء والله ياناس مااتكلم ساكت حتى البنقالية الى عندنا يقولون ياخي اول مرة نشوف سعودي زيك ياخي ورهم العين الحمراء بس ماش الخجل له دور المهم دارت الايام وجاء موضوع التامينات الاجتماعية طبعا ماكنت اعرف وش التامينات الاجتماعية بعدين عرفت وقلت لهم انا موظف من 2008 ولين الحين ماسجلتوني بالتامينات ولا صرفتوا لي تامين طبي قالوا ابشر وسجلوني بتاريخ 2011/7/1 ومكان العمل مكة وانا اصلا وضيفتي بالرياض وجلست اسولف لااخوي قال لية من 2011 كلمهم قولولهم اني موظف قديم عندهم المهم كلمتهم قالوا لا ماراح نخصم عليك ولا شي علشان لو سجلناك من تاريخ التعين بتصير علينا مشاكل وندفع غرامات قالوا تطمن ماراح نخصم شي سكت وماتكلمت جاني التامين الطبي تقريبا 2012 المهم جاء يوم من الايام وقابلت ولد صاحب الحلال قلتلة وشرحت وضعي له قالي شوف بنحاول نزود راتبك بس البدل نقل اصلا ماعندنا يحسبني غبي اي شركة مافيها بدل نقل المهم ودارت الايام وكل فترة يطلعون لي بشغلة رح ود رح جب وصبرت وكتبت خطاب بتحسين وضعي ولاحياة لمن تنادي والرواتب صارت بزيادة تتاخر ويوم دخلنا بالسنة الجديدة 2013 صاروا يخصمون من راتبي حدود 400 ريال سالتهم ليه قالوا علشان التامينات الاجتماعية وبديت هنا اكرهه الشركة رحت للمدير وقلتلة قال خلاص انا ابخليهم مايخصمونها عليك بس بشرط تخلصلي معاملة اتوقع خروج وعودة ولحد اليوم يخصمونها المهم جاء القرارات الحين حقت تحسين وضع العمالة قالوا شف لنا موظف سعودي نبغى نخلية بمكانك موظف استقبال وانت بنخليك معقب وبنرفع راتبك ومانبيك تجي تداوم الا لمن نحتاجك المهم ضاق الدنيا فيني لاني مااحب سوالف التعقيب مرمطة مالها نهاية جيت وقلت لهم ماعندي استعداد اشتغل معقب وبالنسبة لسعودي الى تبون اجيبة ماراح يشتغل براتب 3000 ريال وفوق كل هذا تاخير بالرواتب المهم جاء قبل رمضان وجلست افكر بما اني تخرج من الثانوية وعندي خبرات كثيرة فكرت اني اقدم على كذا وظيفة وربك يسهل رحت وكتبت خطاب للمدير طلب اجازة براتب علشان وضع المادة زفت المدرسة يبغون فلوس والشركة ماخذ منهم سلفة 10,000 وياخذون القسط 3000 ريال وغير السلف الى اخذها والله العظيم يبغى من راتبي 150 ريال ولا 200 قال المدير لا ثلاثة اشخاص من المكتب بياخذون اجازة طبعا الى بالمكتب كلهم 10 او اقل وقال من يجلس بالمكتب قلت انا راح اداوم بس عطني راتب الاجازة قالي خلاص اجازتك برمضان قلت كويس جاء قبل رمضان بكم يوم وين راتب الاجازة قالي انت ماكتبت الخطاب وانا كاتبة له ياشباب والله بتتحمسون بهذي السالفة قهر وربي قهر كتبت له الخطاب حق الاجازة وقالي خلاص انت والمحاسب اجازتكم مع بعض برمضان قلت حلو جاء قبل رمضان بكم يوم سافر المحاسب وكلمتة قالي انا الحين ماعندي فلوس ابروح لشركة بمكة واحولك قلت اوك وانتظر وانتظر ولافكر فيني الرجال سافر للااردن اتصل علية يعطيني مشغول رجعت للمدير قال انا مابيدي شي الين يجي المحاسب وهنا خلاص ماعاد صرت اتحمل اكثر من كذا جاء المحاسب بنص رمضان وقلت له عيب عليك هذي الحركات قال والله حتى انا ماصرفوا لي بدل الاجازة قلت طيب انا الحين ابي راتب الاجازة قال انتظر المدير لين يجي لانة مسافر يومين وبيرجع قلت طيب صار كل واحد يحطها بالثاني كلمت المدير قالي خلاص بنهاية رمضان تعال خذة رحت نهاية رمضان لقيت المحاسب قلت له عطني راتب الاجازة قالي هذا راتبك حق شهر 5 الى فات 1200 ريال خاصمين اخر قسط لي 2000 ريال + تأمينات المهم قلت وراتب الاجازة قال والله شوف حنا هنا عندنا السعودين مالهم راتب اجازة هنا عاد من جد راح الخجل متمرمط شهرين وصايم واقلب المكتب فوق تحت قالت لة انا ماابي راتب الاجازة بس الوعد انا اوريك بعد العيد عقد العمل عندي واعلمك انا شلون رجعت للبيت واستغفر الله اسب فيهم وانا صايم من القهر الى فيني وصلت البيت دق علي قالي وش فيك زعلان خلاص تعال خذ 2000 ريال حقت السلفة وابخصمهم الشهر الجاي قلت ماابي منكم شي ابدا ابدا ابدا بس الوعد بعد العيد وقفلت والدمعة بعيني والله حتى عيد ماعيدت كويس وجاء اليوم الى بتساعدوني فية ان شاء الله علموني وش اسوي معاي حق اشتكي ولا لا وين اروح وبصراحة خايف اشتكي واقابلهم مرة ثانية ويدرون انا الى مشتكي ويحقدون علي تكفون ساعدوني [/align]
|
العرض العادي
