السلام عليكم ورحمة الله وبركاتة
في صلب الموضوع الكداد
توصيل مشاوير بين مدن الرياض الى الدمام او شمال او للغربية
وكم مخالفة حمل الركاب وفيها حجز لسيارة
في احد جرب هالشغلة يفيدنا عنها
وبتوفيق لجميع

اذا تقدر تاخذ تاكسي احسن لك فيه خير كثير

اما الكداد والله على حسب العسكري اذا مشاك او عطاك مخالفة او حجز السيارة

لكن الاغلبية منهم يمشون لانهم عارفين انك تترزق الله منه

نقل طالبات أو معلمات افضل ودخلها ممتاز

الله يرزقك

شغله حلوه والصراحه تدور في بالي ها اليومين
واحد من الهنود كان توه جاي من الرياض لبريده سألته بكم قال شالنا 5 أنفار الواحد بـ 85 ريال يعني 510 والمسافه تقريبآ 430 كيلو وهو راجع للرياض برضو يحمل ناس من بريده
وفيه شغله ثانيه ياليت تراسلني على الخاص

[align=center][/align]ترى الموضوع يعتمد كمان على سيارتك وحجمها يعني اللي معاه كامري مو مثل اللي معاه جيمس وهذي مشكله يعني تبغى تاخذ 4ركاب في الكامري وتتفق معاهم الواحد 100 ريال ويجي اخينا في الله الجيمس ويقول ب80 لأنه بياخذ ركاب اكثر منك وما حتفرق معاه وانت ما تقدر تاخذ بنفس سعره فتشوفه ياخذ ركاب كثير ويمشي وانت عادك واقف هذا وضع الكداد والله تعالى اعلم في النهايه هي ارزاق وصبر وربنا يبارك لك في 100 ريال اكثر من 500اعطاها لغيرك بس حبيت اقولك لأنك حتشوف مناظر من الوضع هذا كثير والراكب يدور مصلحته اما التاكسي اعتقد وضعه ثاني طبعا

انا اشتغل في ذي الشغلة بس بشكل خفيف


بالنسبة للترزق داخل المدن جيد لاكن يعيبة الازدحام وكثرة الاشارات


وبالنسبة للترزق بين المدن فهو متعب ويكسر الظهر وياخذ كل يومك بالاضافة ان ممكن تروح بركاب وترجع فاضي


في بعض الاحيان

]انصحكم عن هذه الفكرة الفاشلة جدا
يرغبكم فيها :
1 - تعجبكم في البداية سيارة جديدة .
2 - تنبسط أول 3 شهر فقط بحكم انك لك فترة عاطل ويمكن بدون سيارة جديدة .

اسباب الفشل مئات الاسباب واكتب ما اجده في ذهني حاليا :
1 - كم ارباحك في اليوم لنفرض 200 او 150 ريال كم القسط في اليوم 50 ولا تنسى فيه ايام تغيير زيت لنفرض ان ربحك الشهر 4500 تدفع قسط 1500 صافي لك 3000 كم مصاريفك ؟؟ ولو اشتغلت في وظيفة مرتاح براتب 3000 مو احسن لك من التعب واللفلة كل يوم .
2 - هل ستعمل كل يوم ؟؟؟
3 - اليوم اللي بترتاح فيه يومية القسط ماشي ومحسوب عليك .
4 - بعد سنتين او ثلاث سنوات ستصبح السيارة مصدمه ومهلوكه حتى منظرها الحلو يتغير .
5 - بعد سنة تبدأ تتعب وتحس بتعب السيارة وتبدأ اللآم في رجولك .
6 - شر لا بد منه لسائق التاكسي الكرش والجسم الخمول لقلة الحركة فقط جالس .
7 - بعد مرور 4 سنوات تنتهي الاقساط وتبغى تبيع السيارة وما تجيب لك قيمة لأنها تاكسي ومصدمة وحتى لو بتفكر هذه الفكرة كم مكسبك بعد 4 سنوات بتبيعها ب 30000 او 35000 يعني تعب 4 سنوات لعشان مكسب بسيط .
8 - مهم - ماهي خبراتك بعد 4 سنوات عندما تبحث عن عمل اخر ماذا ستقول كنت سائق تاكسي طيب مين يبحث عن سائق تاكسي له خبرة ؟؟؟
9 - عندما تسجل السيارة تاكسي باسمك تصبح مهنتك في الاحوال المدنية سائق تاكسي تمنع نفسك من أهم شئ الوظائف واستقدام عمالة واذا استخرجت جواز سفر يكتب المهنة سائق تاكسي وحتى عند استخراج بطاقة احوال جديدة يكتب سائق تاكسي .
10 - كم من شخص عمل سائق تاكسي وتركها الاف الشباب لماذا ؟ غير مجدية ولو فيها خير ما تركها الطير .
11 - ما هو مركزك الاجتماعي ومعليش سامحوني هذا مهم عندما تتعرف او تجلس مع شباب ويسألونك ايش تشتغل بتجاوب سائق تاكسي طيب نقول عادي لكن عندما يقول لك الشباب انا معلم وانا ظابط وانا موظف ما شعورك بصراحة .
12 - سؤال مهم هل اذا تقدم عريس لأختك وانا لا تعرفه وعندما تسأل عن مهنته يقولون سائق تاكسي هل توافق ؟؟؟ لا اقصد المهنة غير شريفة ولكن الا تخاف على مستقبل اختك معه !!!
فكر في الاجابة وحط نفسك محل هذا الشخص .
13 - ما هو مستقبلك يا سائق التاكسي .
14 - المهنة خاصة بمن لديهم وظائف في شركات وغيره وهي مصدر دخل ثانوي ليست اساسية .
15 - معرض للحوادث وللمشاكل .
16 - مستقبلك بعد 10 سنوات او 20 سنة ماهو ؟ تضل سائق تاكسي ولا تعرف اي خبرات او ايي شئ سوى التاكسي والمشاوير والركاب .
اكتب من واقع تجربة صديق حميم لي عمل سائق تاكسي لسنوات ووالله لم يندم على سنين ضاعت من عمره مثل السنين اللي اشتغلها سائق تاكسي راحت هباء منثورا بلا اي فائدة ولا اي خبرة اصحابه توظفوا في وظائف برواتب بسيطة منهم في شركات ومنهم حكوميين بند اجور وبعد سنوات اصبحت رواتبهم عالية وهو مازال سائق تاكسي لكن الحمدلله لحق عمره وترك هذه الشغلة الفاشلة بمعنى الكلمة .

كفيت ووفيت يااوبريتور
جزاك الله خير