السلام وعليكم
انا في السنه التحضيريه وحلمي ادخل مباحث ولا استخبارات اقدر احققه؟!!
وكيف القبول في (كليه العلوم )ابي اكثر تخصص عليه طلب
وودي تعطونا كم ياخذون من كل كليه
وشكرا

مو كم ياخذون من كل كليه الا من كل تخصص
هذي هي تخصصات مرغوبه
طب وصيدلة
- علوم طبية تطبيقية
- حاسب آلي
- هندسة
- علوم
- شريعة ودراسات إسلامية
- قانون
- آداب
- تربية
- علوم اجتماعية
- علوم إدارية
- لغات وترجمة



وللحين انت لا تفكر لبعيد شد حيلك جب معدل حلو ودخل تخصص الى تبيه ومرتاح له
ولله يوفقك

نصيحه لوجه الله .. اذا هدفك الكليه الامنيه

لا تدخل كلية العلوم

انا دخلت وتخصصي فيزياء بالاخير ما اعرف احد من اللي معي انقبل

افضل تخصصين ينقبلو بسرعه هي :

- التربية البدنية
- الشريعه

بالنسبه للتربيه بدنيه سهله وتقدر تجيب معدل عالي بسهوله ان شاء الله

بالنسبه للشريعه لو جبت معدل عالي بدون ما تفكر قدم بهيئة التحقيق والادعاء العام .. اول ما تتعين ملازم تحقيق ولو تحت الاربعه قدم بالامينه

والله يوفقك ويكتب لك الخير

نسيت انا لابس نظاره اذا ركبت عدسات ولا تشطيب يدققون؟؟

النظاره مسموحه للتخصصات العلميه

بس انت ركز على دراستك اكثر وابدع فيهاا م تدري وش يصير بعد 5 سنوات ممكن تصير الكليه للثانوي
كل شي جائز واذا خلصت فكر وقتها بالوظيفه ولا تدخل وهمك كله على الامنيه
لو تقرا اغلب ردود الناس يقولك القبول في الكليه هذي توفيق من ربّ العالمين
الجيّد يقبل والممتاز ممكن ما يقبل ! اهتم بدراستك حبيبي

اسمع انا سبق لي ان دخلت السنة التحضيرية وسحبت منها والحين تخصصي شريعة لان السنة التحضيرية صعبة يبيلها واحد دافور اما سالفت انك تدخل الكلية الامنية بكلية العلوم قليل راح ياخذون من تخصص العلوم اكثر التخصصات طلبا هي الشريعة والبدنية وعلم النفس وقانون

صدقني لتغير رايك بعد ماتتخصص وتشوف في نظرك وظايف افضل من الامنيه

انا و كثير من اخواياني دخلنا الجامعه عشان الامنيه

بس بعدين لما عرفنا الوظايف المتاحه لنا قلت رغبتنا في الكليه بنسبة 60%

خاصة اذا كنت طموح ومتفوق في دراستك

*بخصوص اخوي الي فوق الي يقول التحضيري صعبه

اقوله حرم عليك اش خليت لمواد التخصص بالعكس فرصة رفع معدلك تكون اكبر في التحضيري لان عدد المواد والساعات قليله


الله يوفقك

افضل تخصص بمجال الوظائف بكلية العلوم كيمياء عامة اقلها تقبلك أرامكوا و سابك و بترو رابغ و غيرها من شركات البتروكيماويات