السلام عليكم من الاخر انا عسكري بالجبيل في البحريه صار لي سنتين وانا ابي انقل للرياض علشان اكون قريب من اهلي مع اني مو من الرياض بس قريب منه ولا قدرت حالتي الماديه صعبه جداً وحالتي النفسيه تدهورت من سئ الى اسوء ودوامي زفت وكم مره حاولت افصل بس امي قالت اذا فصلت لا انت ولدي ولا اعرفك مدري وش اسوي قسسسم بالله خلاص طابت نفسي الصبر له حدود وانا صبرت ابي انقل او اي وظيفه ثانيه مع اني معاي ثانويه عامه علمي 81% ودبلوم فني كهرباء تقدير جيد وشهاده حاسب وحاولت ادور لي وظيفه ثانيه ولا حصلت تكفون ساعدوني الله يرحم والديكم

ما بيدي شيء


والله يسهل امرك ويوفقك ويرزقك الوظيفة القريبة



موفق ..

جزاك الله خير

مافي وظيفة على وجه الارض بتحصل فيها دلع
لازم تصبر حتى تفرج - ولها فرحه لا جاءت بعد تعب
بعدين أقلم نفسك مع الحياة - ماراح تضمن الحياة كلها في المكان اللي فيه اكلك
ونص العالم اللي متوظفين تحصل اهله بـ مدينة وهو بـ مدينة
وشاف نص الناس تدور على وظائف ومو محصله
خذ لك اجازه وغير جو وارجع لدوامك بنفسية غير
لأنك عندما تحب شي راح تحصل الراحة فيه..
بالتوفيق