وعليكم السلام ورحمة الله وبركاتة

شوف وانا اخوك ماراد ابالغ لك بكلامي وامدح بفلان وعلان لكن راح اقولك اللي سمعته واللي شفته بعيوني

التجاره بمحل الخضروات والفواكهـــ ممتازه وربح عالي

راح اختصر عليك السالفه هذا سلمك الله فتح له محل قريب من محطه وصيدليه وبقالات وبوفيه يعني موقع ممتاز

حطى المحل فتحتين ورتب وضعه ويعبي المحل والزباين عليه يوميا صحيح بالبدايه يكون الدخل ضعيف نوعا ما

لكن الرجال ناوي يكون له بصمه فعمل ايش طور مشروعه الى فتح محل خضروات وفواكهــ بمكان ثاني طبعا كنت

اشتري من عنده والغريب بالموضوع ماكنت ادري وش السبب بسياراته الضخمه اللي اشوفها معاه فسئلته قلتله

كل شهرين سياره جديد وضخمه ماشاء الله قالي شوف وانا اخوك

فقالي تجارتي حلوه والزباين عليه وانت لاحضت هالشى وقررت افتح لي محل ثاني بعيد عن هالمحل شويه

علشان ما يكون احد يحسدني عليه قلتله ماشاء الله وهاذي افضل شى والسيارات اللي تشوفها كلها من خير

هالمحلين ترى ماكنت متوقع اني اسوق سياره جديده وضخمه او اسكن ببيت ملك او رجل اعمال مبتدا لكن

بعد التجربه عرفت ان التجاره ممتازه وتبي من يعطيها ويشد الهمه قلتله طيب ايش السبب من حصولك على

محلين *(التجاره يبي من يعطيها وانا عطيتها)*

قالي *(اول شى لازم تلف على المحلات الخضار الثانيه وتاخذ منهم اللي تحتاجه لتكسب زباين منه

وبنفس الوقت تكسب الشخص وتتعاون معاه على البيع والشراء وتمويل البضاعه وحصلت على البضاعه باقل

الاسعار من عندهم وصرت انافسهم وبرفع مابين 3 الى 5 ريال في حال كثره الزباين)*

انا حبيت اعلمت السالفه لانو تبي من يعطيها وانت لاتقول خسرت وبوقف لا حاول مره مرتين ثلاث عشر لما

تنجح وهالله هالله لاتترك وظيفتك وتعتمد علي التجاره حاول تشغل نفسك بال2 وكل اسبوع مر على المحل

وشوف الوضع وشهريا شوف الدخل وحسن وضعك ولاتعتمد على محل واحد وزع محلاتك

والله يوفقك ويسهل عليك دربك يارب

صمت المواجع / يعطيك الف عافية

مثل ماتفضلت التجارة يبي لهاا همة ..
واولا واخيرا الرزق مكتوب وبيجي ان شاء الله سواء بمحل خضار او غيره ..
وبالنسبة لوظيفتي مستحيل اتركهاا واذا ربي كتب افتح محل انا واخوي بنمسكه ان شاء الله ...
بس قلت استفيد من خبرات وتجارب والمعلومات اللي عند الشباب

دعواتك لنا

[align=center]الله يفتح لك من اوسع ابواب رزقه

صراحه الي قبلي ماقصرو

بس حبيت انبه على شغله

الي هي المنتجات الي تخرب بسرعه لا تندفع من البدايه وتجيب كميات كبيره

خليها محدوده وعلى حسب الطلب

والثلاجات فكرتها بعد حلوه لكن لا تعتمد عليها كثير

ونصيحه انزل مر على المحلات وشوف السلبيات والايجابيات

اقل مافيها لو تشتري بريال وبنفس الوقت تتصدق بالي شريته لي محتاج تقابل

منها اجر باذن الله وان شاءالله فاتحت باب لك ومنها تستفيد معلومات

بالتوفيق للجميع ان شاء الله
[/align]

انا عندي محل خضار م توقعت هالمكسب لي فيه
الحمد الله
بس خلك حريص ابدا شوي شوي الزباين متكثرين انشاء الله ابدا كثر البضاعه واهم حاجه هالايام الديكور يكون يجذب وحلو
وباذن الله تمشي امورك وتفتح عقبال المحل 5 محلات

فمان الكريم

ملياردير عطالةة / الله يرزقنا برزقه ..
وهذا اللي بيصير بداية بسيطة لين نشوف الوضع ان شاء الله ..


هاردسك خارجي / لك رسالة على الخاص ..

اخوي مشروعك باذن الله ناجح بس يبيله تعب شوي وانا انصحك تشتري بكراتين وتوزع وتغلف بفلين وهاذي تحصلها في محﻻت البﻻستيكامام الحلقه وخلك سمح في البيع في البدايه لو اطريت تبيع براس المال ﻻتخلي الزبون يطلع من عندك زعﻻن وابعد عن كثر الحلف ونصيحه الثوب ﻻتلبسه ﻻن الثوب هيبه فالزباين تبعد عنك اذا درت انك سعودي انا اقلك الكﻻم هذا من واقع تجربه شخصيه والله يوفقك

مشروع ناجح بس لاجل تضمن نجاح اكبر

الافضل تستاجر داخل سوبر ماركت



او تستاجر محل من اسواق خضار البلدية



فمكسب الخضار والفواكه حلو لكن قبل ما تنصدم بعدم توفر زبائن تأكد هل السوبر ماركت القريب منك فاتح داخله محل خضار او لا يعني شوف في الشارع واذا مو متوفر والمساحة في السوبرماكت تسمح بفتح محل خضار داخلي استاجر

لان الزبون يريد ياخذ اغراضه مره وحده وما يريد التنقل من محل للثاني

فاذا تأكدت ان مافيه ولا في امل ان يكون فيه تموينات تفتح داخلها محلات خضار مستقبلا فافتح محل خضار

ولاجل تعرف مقدار نشاط المحل عندك لازم تعرف نشاط اقرب تموينات قريبه منك اذا نشاطها مرتفع وما فيها محلات خضار فيا تستاجر فيها او تدور فتحة محل

وتأكد برضه ان مافيه محلات خضار قريبه تضرب عليك السوق الا اذا متوفر فتحات قريبه منها عشان الزباين يتنقلوا من محل للثاني

وزي ماقالوا الشباب الموقع والي قلته لك تحذير لان لو بتفتح محل وفيه سوبرماركت او مجموعة منها فاتحه راح تضرب عليك السوق وتتراجع مبيعات المحل

فالشغل في الفواكه والخضار حلو لكن لا تنسى تشوف المنافسين داخل التموينات وانت وحسب السكان الي ورى المحل يعني اذا عدد البيوت كثيره فهذا شي طيب على الاقل تضمن عملاء قريبين شراء او توصيل

وعليكم السلام ورحمة الله وبركاتة


مشروع ناجح لانها مطلب اساسي لكل بيت

مافيها خسارة
لانك لو مابعت بالمكان تستطيع انك تبيع عند المساجد او اي مكان
عندك مجال متاح


اهم شي الموقع : يكون بشارع عام وممتاز اذ كان جنب سوبر ماركات او جنب ملحمة

احرص على كسب زبائنك بالكلمة الحلوة

كون علاقات مع الزباين
كون علاقات مع المطاعم والبوفيات توصل لهم خضار وفواكه لحدهم

احرص على ان تكون بضاعتك طازجة ولاتكثر من الاشياء التي تتلف بسرعة في البداية .

لا ترمي الخضار في الزبالة اما وزعها على المحتاجين أو اتفق مع صاحب أغنام يجيك كل يوم ياخذ التالف لو 100 ريال شهريا

ونقطة مهمة : لاتخلي المحل للعمال لازم تكون متواجد وتشتغل انت فيها

من ناحية الاجراءات يفيدونك الشباب

الله يوفقك ويرزقك .................... بالتوفيق