السلام عليكم .. مساكم الله بالخير .. انا يالربع بطلع بعثة بعد حوالي شهرين والان انا غير موظف ولا يمدي الوقت ولا تساعد الظروف اني اتوظف خلال هالشهرين .. و فكرت في شراء ليموزين بـ 15 الف لكن المشكلة اخاف اتوهق به لاجيت ابغا ابيعه قبل البعثة خاصة ان بيعته ثقيلة وانا محتاج لكل ريال .. ففكرت انا اركب لمبة ليموزين على سيارتي العادية بحيث يطلع كأنها ليموزين واسوي لي لوحات صفراء و لزقة تنفك وتتركب يومياً .. واشتغل على اللموزين في الأوقات المناسبة خلال هالشهرين .. لكن لدي سؤال يالربع هل يمكن فك لمبة الليموزين وتركيبها يدوياً بنفسي بحيث اصير اركبها وافكها يومياً ؟! وهل تتوقعون اقدر اسوي لزقة تتركب و تنفك يومياً ؟ وهل الأرقام الزرقاء اللي تجي ورا على الشنطة هامة بحيث ممكن توقفني الدوريات لو ماشافوها ولا لا ؟! و سلامتكم

وعليكم السلام

أبد مانصحك ترى لــــو صدوك بتروح وطى أنتبه ...والمرور مشدد على التاكسى على الأجانب والمواطنين وبخصوص كلامك ع لمبه ...أسمه مصباح وفيها مصباح يعمل بــ المغناطيس وتقدر تركبه وتنزله وموجود عند محلات زينة السيارات أم بخصوص الاستكرات تبع الأجره العامه فاهي موجوده عند محلات متخصص ...ولا تقدر تخذها الا بتصريح من المرور ...

خذلك تاكسي ومشور عليه نظامي أفضل لك ..وأذ طفشت منه رجعه خصوصي وبيعه

أول شي الله يوفقك وييسر أمورك وتروح وترجع بالسلامة والشهادة ..

اما على فكرتك أنصحك تبعد عن ذا التخطيط .. لأن عندك مرور يدور عليك الزلة ..

ولو سويت اللي ببالك بتنحجز السيارة وتدفع غرامة وأتوقع أن في غنى عن هذا كله ..



رأيي إذا معك رخصة عمومي تشتري تاكسي ( ألنترا 2006 او 2005 ) رخيص سعره مايتجاوز 15 ألف

وإذا ماعندك رخصة روح لأي شركة أجرة وخذ من عندهم سيارة لو تستاجرها بالشهر وشوف الشغلة عجبتك كمل ماعجبتك رجع سيارتهم وبتكون انت ماخسرت شي إن شاء الله ..

يرجآل سالفة الاجرة يبيلهآإ على الاقل شهر عشان تفتك تخلص منهآ ورخصة عمومي وشغلهَ

ولو طحت بيد المرور والله مانت بخيُر ،

على العموم ، عندي لك حلِ اذا تعرف احد يروح دبي ، ولأ انت بنفسك تروح دبيَ

عندي لك مشروع ابداء فيه براس مآل 2000 ريال على الاقلَ ، وهو انك تشتري ستائر للوحات " تخفي الوحة عن ساهر _الي جلد خلق الله وسحب رواتبهمُ الله لأيوفقه "