السلام عليكم

كل شوي طالعه فكرة مشروع ب راسي و محتار جدا ..
اخر فكرة و اشوفها افضلهم اللي هي مشروع(بقالة) تكون ضمن محطة او تكون كبيرة شوي
في حي جديد حاليا الناس قاعده تسكن فيه صحيح موجود كم بقالة فيه لكن اغلبهم ماعندهم
خدمة (توصيل الطلبات)وهي من اهم الخدمات اللي لازم تتواجد بالبقالة ..

سؤالي هل البقالات فيها ربحه كبير ؟
هل فكرة الاحياء الجديدة فكرة جيدة ؟

الخيار الثاني برايي اي بقالة مع خدمة توصيل الطلبات .. اما بقالة تبع محطة تكون افضل
فقط في حالة كانت المحطة على طريق سفر .. اما غير ذلك لا انصحك بها

وربح البقالات يعتمد على حجمها وموقعها وعدد زبائنها ونشاط عمالها وغيره ... وبالفعل
فكرة الاحياء الجديدة فكرة جيدة انما اذا بحثت ووجدت تموينات في حي مكتظ بالسكان
يكون افضل حسب معرفتي .. ومع توصيل الطلبات راح تزيد العائدات بما لايقل عن عشرة الاف
ريال شهريا وممكن اكثر اذا كانت البقالة اكبر وتخدم منازل اكثر .. هذا الرقم عن تجربة عايشتها
بنفسي مع احد الاقارب .. واطلع على موقع حراج تعرض به تموينات للبيع في احياء محتلفة
قد تفيدك في الاختيار .

فكر وادرس المشروع كويس وتوكل ع الله واستخير والله يوفقك ويسر امورك في كل خطواتك

حياك الله اخي

توكل ع الله وافتح البقاله ولاتفكر هل مستقبلا البقالات راح تأثر عليك او لا لانه حسب كلامك احياء جديده ف راح تكون البقالات متفرقه مو جنب بعض + كل واحد رزقه المكتوب له راح يجيه ..
ولو مستقبلا حصلت انه الربح ماعاد مثل اول ممكن تقفلها..
واستدعي العامل دامك تعرفه ولامانع من الاشراف عليه من وقت للثاني من باب انك تساعده وتشيلو العمل سوا دامه ثقه لاتجرح شعوره..
الله يختارلك الخير..

ياليت تتأكد من (توصيل الطلبات) لأني سمعت ولا ني متأكد أن البلديه مانعتها .. وأنا سمعت من واحد أنهم بهذلوه والبلديه تصادر الدبابات

وأخوك من سمع بها الخبر قبل المحل مباشره . لأن البقالة بدون توصيل ما تسوى ريال إلا إذا كانت حول عماله

اخوي ياليت تراجع ايميلك ارسلته لك من فتره بخصوص الشاهي