صراحة قلق للي عندهم اولاد حتى انا بعد الله يعين بس
الله يوفقك وانا اقول خلي الاولاد عند اهلك لين تدرسي الوضع مثل ماتفضلن الاخوات

الله يسههلها

والله مشكلة لاكن ربي يسهلها المشكلة ولدي اول سنه بالمدرسه ومااقدر اشيله ماراح يتأقلم على جو قريه وهجوله بس يمكن لو المكان لاسمح الله مرة بعيد بس اشيل بنتي الصغيرة سنه ونص والافضل اني بخليهم عند امي لين اشوف الوضع بس ان شاء الله تتسهل ويجي التعين في مكان قريب

الله يعين وانا زيكم عند بنت اولى ابتدائي وهاذي صعبه اخذهاا بس ابخليهاا عند اختي
وعندي بنت ثلاث سنوات ومره متعلقه فيني وصعبه اخليهاا
واناا لو ابسكن اذا طلعت بعيده ابغي وحده معااي تسكن من المعلمات وعندها بنت علشان يتسلوون مع بعض
مرررره شاايله همهاا

عن تجربه :: خلي الطفل عند الوالده لين تضبطين اوضااعك وتسألين المعلمات اللي معك يمكن عندهم خبره ويفيدونك بوجود حاضنه وبكذا ترتاحين لوجود طفك بجنبك بالغربه..

عن نفسي اول اسبوع داومت فيه جبت معاي اولادي ال٢ اللي بالمدرسه صعب جداااا اتركهم يدرسون بالشرقيه بعيييد عني !

اما الصغير عمره كان سنه و٨ شهور تركته اول اسبوع عند امي .... وفي هذا الاسبوع رحلة البحث عن حاضنه بدأت،،، ولاني ساكنه بسكن معلمات فخبروني بوجود حرمه من الشرقيه لكنها ساكنه بالقويعيه سنين تمسك الاطفال ،، وتوكلت على الله وجبته معاي الاسبوع الثاني لكن تعب ... من الفجر اطلع من السكن والجو بااارد عليه وغييير الغبار تأزمت وقتها لانه تمرض علي ،، لكن ربي فرجها وجت حاضنه عندنا بالسكن وحنونه ع الاطفال وارتحت وارتاحو المعلمات من المشاور اللي خارج السكن... كذا افضل للاطفال عشان مايتعرضوو للغبار ... انزل من الدور الثالث واعطيه الحاضنه بالدور الاول واتوكل اروح مدرستي ..... عدت هالسنه على خيييير .

وفكرت بنوته فيزيائيه تجنن ......

منها تمسك البيبي وتطمني عليه وفي نفس الوقت تتسلو بالغربه وتقضو وقت...

من جد قلق الله يعين

كنا نفكر بالتعيين والمطابقة

صرنا نفكر بالحضانة والمقابلة

ربي ييسر

انا خذت معاي طفل عمره سنتين ودورنا مربيه من نفس المدينة مع زميلاتي المعلمات

حصلنا وحدة وملت بسرعه استمرت شهرين لان طبعا مو شغلتها

ودورنا غيرها وحصلنا وحده ماشاء الله عليها ام عندها بنات في الابتدائي

كانت حنونه واستمريت معاها باقي السنة الله يعطيها العافية فرجت علينا

انا الحمدلله زوجي راح يكون معي ع طول وما عندي اطفال لكني حامل ومن الحين افكر اذا ولدت بالسلامة ان شاء الله ورجعت للدوام الطفل وين بوديه
افكر اخليه عند ابوه بس احس صعبة صغير بيكون عمره شهور
بس ان شاء الله اذا جاء هذاك الوقت يكونون المعلمات اللي معي لاقين حاضنه واحط طفلي عندها
او اني بخليه عند امي مع انه اول طفل اكيد بتعلق فيه بس الله يسهل ويفرجها من عنده

مستحيل أنامممم وأولادي مو جنبي أعيش بقلق مستمر

ان شالله ربي يسهل الامور وتعدي الايام على خير ونكون في اماكن فيها خدمات معقولة