أنا اليوم كان موعدي معاهم في الطائف..

رحت لهم الساعة ٦ الصباح (ونصيحتي إن الواحد يروح بدري علشان يخلص بسرعة)
المهم إني أول مادخلت طلب مني العسكري إللي عند الباب بطاقة الأحوال
وأخذ البطاقة وفتش على اسمي في الكشف عنده ..
وكنا مجموعة تقريبا نصل إلى حدود 20 واحد
ومشينا إلى الصالة وهناك تمر في 6 مراحل..

الأولى/ ينادون بأسمك من خلال الكشف إللي عندهم ويطلع العسكري ملفك..وبكذا أنت انتهيت من المرحلة هذي..

الثانية/ وهذه المرحلة مشابه لنفس المرحلة في الموعد الأول (شبه تدقيق أوراق). لكن الفرق إن في دفتر أزرق يعبيه العسكري أمامك وشويت تواقيع..

الثالثة/ تروح تسجل اسمك عندهم علشان الكشف الطبي (ولاتنسى يكون معاك صورتين)..

الرابعة/ تروح عند 4 كتاب يعطونك ورقة مظرفة وتعطيها الأحوال المدنية ورقة ثانية مظرفة تروح بها للثانوية إللي أنت متخرج منها وورقة صفراء وهذي تعبيها أنت من عند شيخ القبيلة والشرطة..

الخامسة/ تنتقل عند ٢ منهم ويعطونك 4 أوراق كلها تعهدات..

السادسة/ تسجل اسمك في كشف اسماء يرسلون الكشف هذا للمستشفى والأدلة الجنائية.. ويعطيك ورقة فيها جميع المواعيد إللي تروح لها..


أتمنى إني افدتكم..

‏<‏<ترقبوني يوم الإثنين ومع موعدي مع المستشفى>>

التقديم ضباط ؟؟ او افراد ؟

جامعيين ولا ثانويي؟

الله يوفقك ويسهلك ان شاء الله

طيب ياخوي انا موعدي الاثنين 26

احتمال متى يعطوني موعد المستشفى

علشان اسوي سنوني

وكم مده الاوراق
يعني متى اخلصها

وإذا رحت المستشفى بالله قولي كيف مشديين ولا لا

يعطيك العافيه اخوي الحسني 07 وبالتوفيق يارب

لاتنسى تعطينا علوم المستشفى بكره

مشـكور يا الحسني على المعلومات وبيض الله وجهك

سؤال الله لا يهينك انا معطيهم مشهد با تسليم الاوراق و الشهاده الحاسب لحد الحين ما

استلمتها من المعهد يقلون اوراقك ناقصها ليش ما كملتها ؟؟

الله يوفقك اخووي الحسني 07 وان شاء الله نلتقي با الدووره

الف شكر يا اخي الكريم بس ممكن استفسار بسيط لوسمحت الصور مكشوفة الراس او بالشماغ مواعيد المستشفى في المنطفة الي انت عايش فيها او في الطائف (ارجوا الافادة)
جزاك الله الف خير .....الحسني07

اخوي الحسني 07 متى قالوا لك تبدأ الدوره ؟

وبشرنا عن الكشف سهاله ولا فيها تعقيد ؟

آسف ياشباب على التأخير...

اقتباس:

المشاركة الأصلية كتبت بواسطة رائد الحربي مشـكور يا الحسني على المعلومات وبيض الله وجهك سؤال الله لا يهينك انا معطيهم مشهد با تسليم الاوراق و الشهاده الحاسب لحد الحين ما استلمتها من المعهد يقلون اوراقك ناقصها ليش ما كملتها ؟؟ الله يوفقك اخووي الحسني 07 وان شاء الله نلتقي با الدووره

والله أنا أشوف إن المرحلة هذي آخر مرحلة...لازم تكون أوراقك كاملة

اقتباس:

المشاركة الأصلية كتبت بواسطة sah_145 الف شكر يا اخي الكريم بس ممكن استفسار بسيط لوسمحت الصور مكشوفة الراس او بالشماغ مواعيد المستشفى في المنطفة الي انت عايش فيها او في الطائف (ارجوا الافادة) جزاك الله الف خير .....الحسني07

هلابك... الصور مكشوف الرأس والمواعيد في مستشفى الأمن العام في الطائف..

اقتباس:

المشاركة الأصلية كتبت بواسطة بـــحـــر اخوي الحسني 07 متى قالوا لك تبدأ الدوره ؟ وبشرنا عن الكشف سهاله ولا فيها تعقيد ؟

الدورة إن شاء الله بعد العيد..
والكشف سهاله إن شاء الله..