إخوتي الافاضل ..

يسعد مسائكم او صباحكم اينما كنتم ..

كثير من الاخوة لديه مبلغ ولا يعرف كيف يتصرف به والبعض الاخر مهتم بالتجارة الالكترونية ولا يعرف من اين يبدا .. واي منتجات يبيع ؟ والبعض ليس لديه وقت كافي لادارة اي مشروع وبعض الاخوات لديها مهارات او هواية معينة لاتعرف كيف تستغلها في ايجاد دخل مناسب لها .. وبعضهن تريد عمل من المنزل بدون اختلاط او مشوار يومي .. من هنا رايت اطرح موضوعي هذا ليستفيد الجميع

وبما ان اختكم متخصصة بهذا المجال احب افيدكم بعدة ملاحظات شخصية قبل ندخل في التفاصيل :
1) البعض لايفرق بين التجارة الالكترونية و التسويق الرقمي ويحدث خلط بين الاثنين .. فموضوعنا هنا التجارة الالكترونية بمعنى إنتاج، وترويج، وبيع، وتوزيع المنتجات بواسطة الانترنت وشبكة اتصالات ..
2) الاقبال المتزايد على الشراء من المتاجر الالكترونية ساهم في استهداف المستهلكين السعوديين والخليجيين من قبل متاجر اجنبية وكل يوم نرى اعلانات لمواقع صينية او امريكية او اوروبية في ظل وجود طلب عالي على بعض المنتجات فالساحة خالية و لاتوجد منافسة حقيقية ..
3) فشل او توفف الكثير من المتاجر الشبابية السعودية يعود لاسباب عدة منها ضعف التسويق وانعدام الرؤية او وجود خطة مرحلية للمتجر .. او رداءة خدمة العملاء وخدمات ما بعد البيع مما ضعف ثقة المشتري السعودي في اي متجر محلي للاسف ..
4) توفير وسائل دفع الكرتوني ساهم في انتشار ونجاح تلك المتاجر الاجنبية مع حماية عالية لبيانات السرية الخاصة بالبطاقات الائتمانية وكثير لا يعرفون هناك شهادة تعطى للمواقع الموثوقة من قبل هيئة عالمية توضع شعارها ع الموقع بشكل غير ملاحظ من قبل الكثيرين منا وبكل تاكيد ومع الاسف يندر ان تجد موقع او متجر سعودي حاز على نفس الشهادة ..
5) الاغلب يفتح متاجر عامة ويظن انه سيكون بعد عام او عامين امازون السعودية .. ناسياً عوامل عدة ساهمت بنجاح امازون لا تتوفر فيه .. وبالمقابل نلاحظ قلة المتاجر المتخصصة الناجحة وضعف الاقبال عليها من قبل رواد الاعمال بالسعودية .
6) المتجر الاشهر والاكبر في السعودية والوطن العربي وهو سوق دوت كوم صاحبه عربي حاصل على الجنسية الامريكية استطاع ان يوجد سوق ناحج في ظل وجود خطة توسيقية محفزة عاصرت بدايتها حيث الشحن مجاني للمنزل حتى لو كان المنتج بريال واحد فقط ..


انما سؤالنا المطروح الان هل المستقبل للمتاجر العامة ام المتخصصة ؟؟

وهل مازال لديك الفرصة الان او مستقبلا لتنافس موقع سوق دوت كوم ؟؟




لا تستعجلوا .. انتظروا اجابتي .. يسرني طرح ارائكم المبدئية وتجاربكم حول ما كتب اعلاه

السلام عليكم ورحمة الله وبركاتة

أشكرك أختي الكريمة على الموضوع الأكثر من رائع ... أنا أرى أن التخصص والتميز في المنتجات هو الأفضل والتنوع بالمنتجات يكون مستقبلاً أثناء تطوير المتجر وعندما يكون له شهره واسعة .

من أسباب فشل كثير من المتاجر هو كل من هب ودب قال بفتح متجر وثقافة القراءة عندنا مضروبة أذكر كان لي موضوع يتكلم عن طرق التسويق كثير من المارقين والمستهزئين عليه يبغون الخلاصة والسرعة بالربح
في زمن المنتديات قبل 4 او 5 سنوات كنت املك منتدى وفي عدد كبير من الأعضاء كل فتره يجيني مشرف او مراقب يبغى يسوي منتدى ويكون مُصر على هذا الشي فكنا نسوي لهم منتديات أنا مع صديق لي شركاء وحققت ربح 10 الف ريال منهم وهم للاسف ماقدرو يسوقون لمنتدياتهم وطلع عليهم بالخسارة

موضوع رائع و متابع لك بشوق
لك الإحترام

موضوع راقي ورائع بكل معنى الكلمة .. استمري فيه ..
بصراحة نفتقر لمثل هذه المواضيع اللي يكون فيها نوع من التثقيف ونشر الوعي للجميع من غير مصلحة او فائدة شخصية من وراها .. اغلب المواضيع هنا تخص صاحب الموضوع نفسه .. نادر من يوعي الآخرين او يفيد باللي عنده من معرفة وخبرة ..

انا شخصيا اعاني من امر لو قدرت احله راح ارتاح كثير ..

(1) الدفع اونلاين عن طريق بطاقات الفيزا او حتى بطاقات الصراف الآلي ATM.. للاسف هو متوفر لكن يكون حصري لمن عنده شركة قائمة وسجل رسمي فقط صعب يتوفر هالخيار للمواقع الشخصية وللهواة اللي ما عنده لا شركة ولا مؤسسة او محل .

الأمر الثاني اللي ودي اتكلم عنه من واقع تجربة وخبرة لسنين في تعاملاتي التجارية سواء في الصين او امريكا والخليج عموما .. ان المواقع الأمريكية هي اكثرها تفوقا السبب هو مثل ما لمحتي حضرتك .. توافر السلع - السعر المناسب -خيارات الشحن العديدة - الرقي في التعامل - خدمة البيع وخدمة ما بعد البيع - الضمان ( مو بس ضمان بالكلام ولكن بالفعل ) يعني مثلا تطلب كاميرا من موقع .. تشوف بها خدش تصوره ترسله للبايع تقوله ترى اول ما فتحت الكاميرا لقيت بها هالعيب .. ع طول يرسل لك وحدة جديدة حتى قبل لاا تفكر ترسل اللي معك .. لو حدث هالشي مع تاجر منا وفينا ؟!! تتوقعون شلون بتكون المعاملة ؟؟؟ اترك لكم التخيل فقط ..

المواقع الصينية فيها وفيها بس الأغلب او خل نكون منصفين النصف منهم .. نصابين والجودة رديئة مع ان السعر رخيص لكن لا خدمة بيع ولا خدمة مابعد البيع وانسى عندهم شي اسمه ضمان الا من رحم ربي .. ترسل ايميل يرد عليك بعد اسبوعين ويبتدي يطحن فوق راسك يوميا !!

بالنهاية .. امنيتي ان نرتقي احنا بمواقعنا سواء من ناحية تصميم وبرمجة المواقع مرورا بتأمين الموقع عن طريق شهادات SSL certificates لتأمين اتصال موثوق ومشفر بين سيرفر المتجر وجهاز الزبون . حتى الوصول لخدمة عملاء والرد السريع وخدمات ما بعد البيع .

انما سؤالنا المطروح الان هل المستقبل للمتاجر العامة ام المتخصصة

الخاصة افضل بي كثير ولو ننضر الى الشركات الكبرى لدينا في المملكة لوجدنا انهم بدئو بي شيئ 1 فقط ومع الزمن
توسعة تجارته واصبح له عدة شركات


ونظر الى مجموعة لم تخرج هاكذا بل واحده تلوى الاخرى وكلهن يكمل لبعض


محموعة الرياض للاستثمار لديه اكثرى من 5 شركات ولم تبداء بخطوة واحدة
شركة الجريسي لدينه شركتين ــ بيت المحمل جديدة ـــ بيت الرياض 00000000000


التخصص افضل بكثير من العموم

والله سبحانه هو مقسم الارزاق
ما عليكم سوى بذل الاسباب
والتوكل على الله اولا
والصبر على الرزق لا تستعجل في رزقك
الزبون هو المسوق الاول لمتجرك وبضاعتك وهو ايضا من سيسب بضاعتك ان كانت تستحق السب فحذر ان تستهين بي الزبون
ضع لك نقطة تواصل بينك وبين زبونك
بضاعتك لا تهتم بي مضهارها اكثر من جوهرها

امنيتي ان لا نستورد ملابسنا واثاث منازلنا
مع الاسف كل ما نلبسه مستورد

إجابة للسؤالين ..

الاخوة بطالة مقنعة ، سمو بالفكر، دلني ع السوق ، عبدالعزيز


سعدت بتفاعلكم الاكثر من رااائع .. مشاركاتكم اضافت لي الكثيرر


شكرا لكم

موضوع جميل ونتمنى من اهل الخبره او اصحاب التجارب المشاركة فيه

بالنسبة لسوق.كوم الشحن مو مجاني لو اخترتي الدفع عند الاستلام
سبق واشتريت منه ودفعت قيمة الشحن
والطلب وصلني بعد اسبوعين والتاخير كان من البائع ومن شركة ارامكس للشحن
يعني الموقع فيه عيوبة اللي لازم يحلونها
وطلبت مره اخرى ما رد علي البائع الا بعد اسبوعين يبلغني ان الطلب غير متوفر
وكويس اني اخترت ان الدفع عند الاستلام ولا كنت بدخل بدوامة الانتظار لحين وصول الطلب

الشراء من مثل هذه المواقع يحتاج طولة بال وصبر
بعكس المتاجر الشخصية اللي يمسكها صاحب المتجر ويرد بشكل مباشر ويتابعها بشكل دائم


انا اشوف ان الاعلانات لها دور مهم وقوي في زرع الثقة عند العميل
متجر سوق.كوم مثلا ماكنت اعرفه ولو بالصدفة دخلته مااظن اني بفكر اشتري منه لكن اعلاناته القوية والدائمة اعطتني الثقة وحسيت انه الموقع وراه متابعه جادة ومصداقية وامان

ايضا مظهر وترتيب المتجر نفسه وتنسيقه وطرق عرض المنتجات فيه
بعضها التحديث فيها معدوم كأنها مهجوره

في الانترنت احيانا التخصص يكون ناجح ويعتبر ميزه واحيانا لا

يعتمد على ذكاء البائع وسياسته واعلاناته وطرق تسويقه وعرضه ونوعية البضاعة اللي يوفرها وجودة خدماته

طرق التواصل والشراء ماافضل تكون متعدده واتس اب وايميل ومن المتجر وغيره
الافضل تحديد طريقه واحده فقط حتى يكون اكثر امان وثقه

اهلا اختي

موضوع جميل ويستحق التقييم

انا ارى انا المتاجر المتخصصة هي اكثر نجاحا وخاصة في السعودية وبخصوص المتاجر الموثوقة في مجموعة الشباب انشئوا موقعا اسمه موثوق وجمعوا فيه المتاجر الموثوقة وانصح الجميع بزيارته

تحياتي لك