السلام عليكم ورحمة الله وبركاته
كل عام وأنتم بخير

أرجوا من عنده رأيي أو نصيحة ،أو فكرة ينورني .

أختكم عاطلة باطلة ،لم أجد وظيفة ترضي طموحي .

لدي منزل تقسيط ،أستقلت وأضطريت أأجره لسداد الأقساط.
لدي سيارة فان أنوفا موديل 2011،لون رمادي ،نص فل
باقي على أقساطها سنة وأربع أشهر .

عندما لم أجد وظيفة أضطررت لسحب تأميناتي الأجتماعية جهد 5 سنوات :50الف ريال

لدي سجل تجاري مطعهم وبوفية ،ولم أستقدم عليه أي عماله ،وساري وجديد.

هل لديكم أفكار للأستفادة من مالدي حتى أحصل على دخل محترم
هل يوجد ناصح او أنسان يحب الخير ويدلني على طريق التجارة

تعبت من النصابين وعذرا للجميع على هذه الكلمة
أنقرصت من أقرب أقربائي .

بليز ساعدوني ؟...

لجأت لكم بعد الله ،وإن شاء الله تبيضون الوجة .

شكراً ،تقبلوا تحياتي

ملاحظة :المنطقة الرياض

الله يكون بعونك ياختي ويوفقك
انا لك من الناصحين فان اخطاءت فمن نفسي وان اصبت فذلك من الله

الغي سجل المطعم والبوفيات لا نك لن تستطيعي ادارتها وهي مجال خصب للنصب من العماله
وهي تعتبر من المشاريع ذات المدخولات بمعني اجار رواتب ومواد وخلافه لذا تركه افضل
اما الفان
كان يجب ان تضعي استكر عليه بكلمة للنقل المدرسي وصدقيني ماكنتي تلحقين اتصالات وطلبات
واحسبي كم راكب وتعرفين كم يطلع لك اخر الشهر

اما المبلغ الذي ذكرتيه مبلغ 50000 الف فاحرصي ان تشتغليها صح لان التعويض الان صعب
ولي رجعه لموضوعك بعد الاستماع لاراء بعض الاخوان ممكن يفيدونك اكثر مني
اخوك ابوعيد

وعليكم السلام ورحمة الله وبركاته

كان الله في عونك

على عجاله برد لك بإقتراح

السيارة استقدمي عليها سواق ووصلي طالبات وتعاملي معه بالراتب
المبلغ فكرة المطعم حلوة ولكن تحتاج شخص يوقف على العمال
لذا افتحي مشغل نسائي أو شي تقدري تتواجدي وتتابعي بنفسك سير العمل

الله ييسر أمرك.

الله يفرج لك اختي الفاضلة
اما السيارة تقاطعي مع البنات اللي يروحون ياخذون دورات بالمعاهد تودين وتجيبين وقت هذي يختلف عن وقت هذي وتدخلين ذهب بس خلك مع السواق بالبداية عشان تعرفين البنات وعددهن
والله يرزقك ويرزقنا ومن قرأ الموضوع

سجل البوفيه استفيدي منه بفتح بوفيه عند مجمع مدارس

خصوصا الرياض اكثر البوفيات الله بالخير

وبالنسبه وش تقدمين بالبوفيه اذا عزمتي بعطيك اصناف وبآذن الواحد الاحد تنعرف بوفيتك على مستوى الرياض

وبالنسبه للسياره افضل شي توصيل مدراسات او طالبات جامعه

واسال الله انه يعينك ويغنيك عن الناس

الله يوفقك .. ما قصروا الأخوان باقتراحاتهم مافي احلى منها ...

انا اتفق .. بالنسبة للسيارة .. تشوفين لك سايق امين ومتعاون .. يوصل الطلبة صباحا ومشاوير ويوصل للجامعات والمعاهد الخاصة وغيره مساءا . الاتفاق معه ع راتب ثابت وممكن تتفقين على عمولة من الدخل الشهري للتشجيع عشان ما يسرقك .

بخصوص السجل .. خليه معك ولا تلغينه ولكن ممكن العمل من المنزل .. كيف ؟؟؟ كثير ناس يطبخون من البيت سواء حلويات - وجبات خفيفة - وجبات رئيسية الخ .. وانتي عندك سجل يخلي كل شغلك في السليم .. اضافة انك ممكن توظفين السايق لتوصيل طلبات الأكل .

عشان تتميزين في اعداد الأكل والوجبات ..

- صممي اسم تجاري وهوية لك ولمطعمك المنزلي .. مثلا ( طبخات أم فلان للحلا ) ( اي اسم اجنبي مميز ) واعملي له شعار لوقو وطبعيه على مناديل - اكياس - علب الأكل الخ .. الطباعة ما راح تكلفك كثير .

- افتحي حسابات بالانستغرام وتويتر ووووو بالهوية الجديدة وتفرغي ولو ساعة باليوم لاضافة الحسابات ونشر الدعاية والاعلان والاشتراك بالقروبات .. والرد على استفسارات الناس .

- تحتاجين لكاميرا احترافية مع لمسات فنية في تصوير الاطباق ونشر الصور في حساباتك اول باول عشان تتميزين ..

- اهم شي ودايما اقوله .. ( الطعم - النظافة - الرقي في التعامل - السرعة - السعر ) اهم مميزات اي مطعم ناجح .. والله يوفقك ..

انا مؤيد لجميع الاقتراحات

ولاكن فيه نقطه تضايقني
لماذا الاستقدام
لوطلبتي احد العاطلين وقلتيله كل يوم 100 ريال بشرط نهاية الشهر الراتب
على ان
مدارس صباحا
دورات تدربيه مساء
بكون لديكي في يوم 4 مشاوير وفيه موقع اسمه مشاوير يفيدك في هاذا الموضوع ومعضمهم سعودين
6 ركاب في الصباح و6 في المساء = 12 *500 = 6000 طلعي منها 3000 الاف للسائق والف لسيارة ويبقى 2000
هاذي حسبة السيارة
ــــــــــــــــــــــــــــــــــــــــــــــــــ ـــــــــــــــ
اما البوفيه
سويها وجهزيها بي
ثم اعرضيها للأجار السنوي
بدل المشاكل او اتخذي شريك معاكي بي نسبة 25% على انه يدير البوفيه
ــــــــــــــــــــــــــــــــــــــــــــــــــ ــــــــــــ

ونتمنى لكم دوام التوفيق