السلام عليكم ورحمه الله وبركاته

كيف حالكم عساكم بخير

المهم يا شباب انا رجال لي سنه كامله اجمع 10 الاف

ونيتي كانت ابي افتح فيها مشروع صغير

والنيه للحين موجوده فلا هنتوآ اللي عنده افكار

بخصوص مشروع ب 10 الاف ودخله كويس

يذكره لي الله لا يهينكم

والسلام عليكم ورحمه الله وبركآته

افضل شي بالنسبة للمبلغ المتوفر لديك حراج الخضار اغرف شباب بدايتهم بسيطة فيه والحين ماشاء الله شغالين عال العال

[align=center] طبعا المبلغ اللي معك ما بتقدر تفتح فيه مشروع متكامل من محل وايجار وديكور وووو فما عندك غير فرصة انك تشتري بضاعة و اما تنزل للسوق بنفسك تصرف بضاعتك .. او انك تشتغل عن طريق الانترنت وانت جالس بمكانك وتنشر صورك وصور منتجاتك ... ( طبعا كل شي فيه تعب وجهد ، كثر ما تتعب بتحصل ان شاء الله )


اقدر افيدك بأني اقدر اوفر لك ان شاء الله ( اكسسوارات موبايلات جالاكسي وايفون بلاك بيري أيبادوووو ) من اغطية خلفية وحافظات جلدية وستكر شاشات وشواحن وبطاريات وسماعات وكل ما يخص الموبايلات تقريبا وباسعار مناسبة ولا راح اشرط عليك تشتري جملة ابد


ممكن حتى تاخذ بالحبة الوحدة لو تحب ... عكس بعض التجار أو المحلات يشرط عليك لازم كميات وجملة ... مع ان البيع بالجملة انسب واريح لأي تاجر لكن من باب المساعدة لمن اراد ان يبتدي بمبلغ بسيط اقول هالكلام واتحمل تبعاته.


طبعا انا راح اطلب من الصين من شركات موثوقة ومجربة ولله الحمد .

لو حبيت الفكرة مستعد ازودك بتفاصيل


يعني ممكن تطلب حتى باقل من 100 ريال هالشي راجع لك ..

بس تذكر كل ما طلبت اكثر قل السعر وقدرت توفر اكثر .
[/align]

عرض اخي دلني ع السوق رائع ونسبة نجاحه كبيره والله يوفقك اذا شاركته

وانا ساقدم لك عرض خاص لك لم اقدمه لاي عضو بالمنتدى وهو مبلغك ارجعه لك مع ربح 150 %
يعني بعد ثلاثة اشهر او اقل تصير 25 الف تستلمها كاملة .. وبعدها اذا حبيت تكمل معي اهلا فيك
انما سيتاخر الارباح لاني بادخل مشروع اكبر ومدته اطول .. المشروع له علاقة بتخصصي التسويق الرقمي والتجارة الالكترونية ..

شكرا لكم جميعا ووش رايكم يا جماعه ب تجاره الغنم ؟

سنة كاملة وفقط 10 الالاف !!!!!!!!!!

لواشتغلت سيكورتي كان طلعت هالمبلغ في ثلاث شهور

المبلغ الي معك ما تقدر تدخل به تجارة اغنام رابحة والاخ الي يقول مافيها خسائر
يبدو لي ما عنده خلفية او تجربة سابقة .. تذكر ان الغنم ارواح والارواح امورها ليست
مستقرة دائما ويعرض لها عوارض وامراض مفاجئة.. بعكس مثلا منتجات معلبة بطريقة صحية
تكدسها في مستودع او مكان ما وحتى هذه الاخيرة لاتضمنها ..
وايضا تحتاج منك الى سفر لشراءها من مدينة وبيعها في مدينة اخرى
ومن وجهة نظري لا تنفع للمبلغ الذي ادخرته ابدا .. وبالنهاية ادرس الموضوع وشاور اصحاب الخبرة
والقرار يرجع لك .. اتمنى لك التوفيق .