^
عند التقاعد الراتب بيفرق كثير، وكذلك مكافأة نهاية الخدمة.

وهذا اللي مخليني أفكر تحمل دوام 10 ساعات.

يالغالي صل استخارة وصدقني كثير من الناس يتمنى الموقع اللي انت فيه عسى ربي يوفقك

بس مثل ماقلوا اخواني تريث وصل استخارة ولا تستعجل

القرار صعب, وما اعتقد راح يفيدك احد اكثر من نفسك, استخير وفكر وشوف اي من الوظيفتين ستلبي رغابتك والاهم شوف ماذا ستكون بعد 10 سنوات من الان.

بالتوفيق لك

خدمتك 11 سنة وراتبك مع البدلات توه وصل 13000 ؟؟؟؟
وبتجلس 11 سنةة ثانية وانت مكانك سر وراتبك اذاا وصل 15000 يصير خير ؟؟؟؟
هذي مشكلة الوظائف الحكومية صحيح مريحة بس تطور مافيه ابداع مافيه زيادة رواتب معروفة ومعما اجتهدت محد بيعطيك وجه ؟؟؟
واحسبها انت بتتقاعد والبدلات بتروح ولا يبقالك الا الاساسي الضعيف ؟؟؟ ومعك عائلة ومستحيل اصلن بيكون عندك بيت ؟؟؟ يعني بترتاح بالوظيفة الحكومية بالعمل بس اما ماديا مستقبلك شين ؟؟؟
انا اخوي بارامكو تخرج قبل شهر صح دوامه متعب شوي 12 ساعة بس اول مربوط 12800 ووميزات بالهبل زي بدل السكن مع انه ساكن عندهم وتامين له ولعائلته وتملك البيت وووو وللمعلومية عمره 20 يداوم 7 ايام وياخذ اوف 4 ايام بشيبة ومرتاح وسيارة وبيت وووو وجالس يفكر يفتح مشاريع بعد
الان الوظائف الحكومية تفقر الواحد لو حصلتلك فرص بشركة او مستشفى اطلع يخوي لا تقول كرف ووووو
فكر بنفسك بعد 20 سنة كيف بيكون وضعك يخوي هذي الحياة اتعب الان وارتاح بعدين
موفق

[align=center]لاتبني مستقبلك ع سوالك لـ موظف وآحد , خذ لك نسبة معينه واسال عن السلبيات قبل الاجآبيآت
والله يوفقكك ويحقق كل م تحبه وتتمنآهه ..

تعبجني والله لانك تطآلع كنظرة مستقبليـه ,
وانا معآكك التقاعد بعد العسكريـة بيضعف الراتب بكثيـر ,
ويمديك بعد عمـر طويل صرت تعول اسرهه كآملـةة ,
لو تفكـر في مشآريع نآجحـه ورابحه راح تواصل في البقاء بعملك $: :d
[/align]

خلك عسكري وخدمتك ماهي سهله ماشاء الله

وكلها كم سنه وانت رائيس رقباء وراحه اكثر

او ابحث عن وظيفه اضمن من التشغيل الذاتي

اولاً انصحك بالاستخارة
ثانياً انصحك تكمل بوظيفتك لعدة اسباب :
١- الضمان الوظيفي
٢- الراحة
٣- الراتب مناسب لحياة كريمه
٤- خدمتك حلوة واحتمال توصل رئيس رقباء
..........................
انا معك ان راتب التقاعد مايأكل عيش لكن اهم شي انك تستغل الفتره الحاليه انك تمتلك (بيت) هذا اهم شي لاتتقاعد قبل انتبه
واذا ملكت بيت خلاص الحمدلله كل شي تمام
........
التشغيل الذاتي كرف وغير آمن والزم ماعليك راحتك ي خووي

وفي الختام حاب اقولك اذا فيك محنه كرف زايدة انصحك بإكمال الدراااسه هي الي بتفيدك جداً

خلك في عملك لا تقدم استقالة ولا تفصل

السلام عليكم ورحمة الله وبركاته

حياك اخي الكريم وصوت لتشغيل الذاتي
لكن اذا التشغيل الذاتي تبع اللى اهو تبع وزارة الصحه وفي المستشفيات انصحك به وبقوة واثنان من اخواني فيه واعرف موظفين حكوميين يريدونة ويتمنونه اولا راتب اعلى ثاني في الاجازات فقط شفتاتهم خمسه ايام وانصحك به ولا تفكر وراتبه جدا حلو لكن قبل ماشفت كلامي وقريته انصحك بحاجتين قبل نصيحتي الاولى استخير واستشر امك وابوك وبعدها اسمع لنصيحتي ان اردت ولكن لاتفصل من عملك حتى تتاكد مليون في المية تم قبولك نهائي في التشغيل الذاتي ولاتخاف انا جيت التشغيل الذاتي وقالو واحد غايب له اكثر من شهر وارسلو اوراقه لرياض ورفضو عدم فصله يعني التشغيل الذاتي اسم ولكن بالاصل حكومي ولاتخاف ان احد يفصلك او شي اللى في جريمة او قضيه اخلاقيه والله يقدم لك اللى فيه الخير لك ولكل مسلم ودعواتك لي بالوظيفه المدنية يارب فمان الله

السلام عليكم

أعتذر عن تأخري لانشغالي بسفر وعدة أمور أخرى.


وأشكر كل من أدلى بدلوه وافاد بمعلومة ومشاركة.


مستقبلاً، لو حصلت لي فرصة جيدة في نظام التغشيل الذاتي سأتوجه لها بإذن الله رغم كل الامتيازات الحالية.


شكراً لكم جميعاً.

وصلى الله وسلم على محمد.