زي ما توقعت .. لا مجيب ،

ع العموم انا رحت قدمت لمدرستي وتم القبول ولله الحمد

وبذكر الاجراءات اللي سويتها بالتفصيل
عشان افيد اللي مثلي منقطعه عن الدراسه وحابه تكمل ..

المهم بدايه طلبت اسحب ملفي من الثانويه العامه 47 بالعريجاء وطلبت ايضاً استماره انقطاع موقعه منهم
ثم اخذت الورقه هذي ورحت به لـ وزاره التربيه والتعليم شؤون الطالبات غرب الرياض ( البديعه )
تقريباً حول نادي الهلال ..
هالوزاره تبع القبول للمنقطعات ، المهم عبوا الاستماره مع الموافقه والختم ،
ثم رحت لمدرسه الثانويه للكبيرات 73 ، وحطيت ملفي وورقة الانقطاع عندهم وتم القبول ولله الحمد .
هذا هو اجراءات القبول للمنقطعه عن الدراسه واللي تعدت عمرها 20 سنه لازم تكمل في مدارس الكبيرات فقط بإنتظام او منازل .
وممكن تكمل دراستها في التعليم العام بشرط تدرس منازل ،
واذا حابه تنتظم لازم تحول لمدرسه الكبيرات .

لاتنسوني من دعواتكم ب التوفيق : )