اخواني الكل يعلم بالتضييق على المواطن وفتح المجال للاجانب في كل شي

لا حنا الي عرفنا نفتح محل ومن تعقيد في تعقيد وخاصة لمن هو موظف .

وفي الاخير وبعد سد كل الابواب في وجهي قررت اطلع لي تكسي حتى لو اسجله باسم شركة اهم شي اشتغل وقت الفراغ واسد حاجتي فالراتب كله اقساط وديون والله يعلم بالحال

جيت اشوف شروط استخراج رخصة عمومي قالو لابد تكون متسبب! او طالب !

بالله ماهذا التعقيد والتضييق حتى في ابسط حقوقي ؟

احد يعرف لي طريقه او يعرف احد يتوسط لنا في استخراج رخصه عمومي تكفون شوفو لي حل

والله يعننا على هالقوانين والتضيقق في وجه المواطن

اخي انت عسكري ؟؟
طيب في أي مدينة ؟؟
وهل ترى ان التكسي فعلا يدر ؟
ويستاهل تشتري سيارة جديدة علشان التكسي ؟
السيارات الان اسعارها اقل شي 50 الف
والشركة وانتسابهم لازم تشتري السيارة جديدة وتسجلها بسمهم ثم تدفع لهم انتساب 1500 لستة اشهر يعني 250 شهريا
وعندك التامين الشامل الي يتحول الى عادي 1000
وعندك تتكيس السيارة 4500
وعندك تحويل السيارة عداد واستكرات 1000
وفي الاخير مشاوير مع التعب والزحمة والمطبات والمنافسة يالله تجيب 250 باليوم 350 لو سلمت من ساهر
ومن تعقدات المرور لو ما معك رخصة عمومي
تجربتي
انا طلعت سيارة 75 الف
وتكستها بحوالي 6000 االاف وانتساب 1500
وفي الاخير وجدت انني لم استفد من السيارة الا في مشاويري الخاصة فقط
وضايقني المرور وطلعت العمومي بعد دراسة اسبوع في دلة
وفي الاخير يعلم الله السيارة تكسي لكن هونت العمل عليها وشلت الفانوس
الكلام هذا عام1430ا تقريبا الى يومك 1434 وكل يوم افكر اعيدها سيارة عادية

لو اني جمعت فلوسي الي كانت قرابة 80 الف وشريت ارض في لبن او الاحياء غرب الرياض كانت الان لها قيمة
او تعلمت تحليل الاسهم ودخلت بالثمانين في تلك الفترة
او فتحت مغسلة او شغلتها في التقسيط مع احد الزملاء لكن الله ما كتب السيارة مع السنين نزل سعرها واستهلكت ومشيت بها الى الان 190 الف وهي موديل 2010كامري
مع ان عندي سيارة اخرى للعائلة

فكر في المشروع وسلبياته وهل نفسيتك وجسمك وصحتك يتحمل العمل لو بتطلع وناوي تشتغل ومعزم لو ماكان
طلع هذه السيارة واشتغل في نقل العمال تشيل عدد اكبر لو بتحاسب بالنفر والله يوفقك

المردف قول امين اسال الله ان يرزقك ويعوضك خيرا ،،،،،،،،،،،،

يعلم الله لف راسي لكذا مشروع لكن تعلم بان النظام ما يسمح للموظف بفتح محل وفي الاخير قلت ما معي غير تكسي اكد عليه واترزق الله ،،لكن يوم جيت اشوف الشروط وخصوصا الرخصه قالو لابد متسبب ولا طالب .

انا موظف مدني وقسم بالله نص الراتب كله اقساط .

اخي المردف نصيحتك على العين والراس وانا متخوف من التكسي نوع ما بس وش نسوي ما معي غير اشتري تكسي واكد عليه لو اطلع في اليوم 100 راضي فيها .

ولو فيه مجال الان للموظفين بفتح محل واستخراج سجل تجاري والله لاخلي التكسي اخر احلامي وافكاري لكن الله المستعان

بالنسبة اخي للمهنة اهم شي عندهم ما انت عسكري
رح وقدم واطلب الدراسة مسائي خمسة ايام والاختبار سهل جدا
جرب انا كنت معتقد ان الامور متعقدة صدقني لورحت راح تمشي امورك لا تسمع من الناس
اذا تبغى شكرة انتساب في الرياض تجرب تاخذ منهم سيارة للتجربة اسبوع جرب اسبوع اذا شفت نفسك ارتحت للشغلة استمر
وهي شكرة الفضيلي شارع ابن الهيثم بجانب جسر الحرس الي انفجر

اسأل الله سبحانه وتعالى ان يسدد خطاك ويبارك فيك وفي مالك وفي أولاد،،،،وصلت المعلومة وبيض الله وجهك
راح امرهم واشوف وبإذن الله المولى عز وجل تنفرج

بالنسبه للموظفين العسكريين فقط الذي ﻻيستطيع ان يستخرج رخصه عمومي بالنسبه للشركات عادي يطلع على طول