المشاركة الأصلية كتبت بواسطة الغروب الجمييل

انا مقدمه على وظيفة باحث قضايا وجاتني رساله بالقبول المبدئي
المقابله بتاريخ 4 /11 الساعه 5:30
بمدينة جده
يارب يكتب مافيه خير لنا..

المشاركة الأصلية كتبت بواسطة حصريات

أول شيء مبروك الترشيح وعقبال القبول النهائي
بس سالفة كل وحده اخذت خويتها وسوت قروب أنا منب قادر ابجلس اطارد ورا كل موضوع
عشان كذا ابكون متواصل في هذا الموضوع ، سواء للاجابة أو لوضع آخر مستجدات المسابقة

وبعدين بالنسبة للمسميات الوظيفية و وكل وحده تقول وش بيكون عملي ، انا كم مره قلتها و أبعيدها وياليت الي تسأل بهالسؤال مره ثانيه تركززز حبتين ههههههه

مسميات الوظائف مالها علاقة ابداً بالوظيفة الي بتتوظفون عليها هي مجرد مسميات عشان الخدمة المدنية
تطلب بمسميات الشواغر الي بالوزارة وتطرحها
والا جميع الموظفات وبدون استثناء عملهم بيكون مكتبي يعني كل وحده بيكون لها مكتب ولا رحتوا للمقابلة تب تشوفون مكاتبكم قدامكم ، وعملكم هو وحده بتكون على مكتب وقدامها كمبيوتر وشغلتها ان جاتها مراجعة تسأل عن معاملة تعلمها وش صار عليها طبعن كل شي بيكون قدامها بس تدخل رقم المراجعه ويطلع لها
والثانية تكون جالستن على مكتب وتجيها المراجعة ومعها معاملة تاخذها منها وتتاكد من اوراقها ان كانت كامله تسجلها بالجهاز قدامها ويطلع لها رقم وتعطيه المراجعة ، وفيه موضفه بتكون جالسه على جهاز وتوصلها المعاملة من الموظفة الي قبل شوي تاخذها منها وتفرزها وتقيدها وترسلها للقسم الرجالي (( طبعن مالكم علاقة لا من قريب ولا بعيد بالرجال فيه صندوق تحطون فيه كل شيء وفيه مراسل ياخذه ))
وفيه موظفه لا خلصت المعاملة تجيها وتصورها وتسجلها بالجهاز وان جات مراجعة تسأل عن الحكم تعطيها وتصوره لها ، وفيه موضفه لا جات مراجعه وعندها اعتراض تاخذ اعتراضها وتعبي بياناتها وترسل الاعتراض مع المعاملة للرجال . وانا اعطيكم اياها من الاخررررر العمل مريح لإبعد حد لدرجة إنه من قوة الفضاوه تب تدورون الشغل بنفسكم ، فلا تجي وحده تقول وش ابصير لا توظفت وانا مأمورة وثائق والا باحثة قضايا او باحثة شرعية او سكرتيرة او كاتبه .

بالنسبة للمقابلة اهم شيء يكون المظهر العام لائق بموظفة يعني ماهب تجين طاقتن ام المكياج يقالك رايحتن لزواج والا لبس قصير أو جينز ، الشيء الثاني تكون اجاباتك واضحه وبصوت مسموع وواثقه مثلاً بتسألك ليش ما توظفتي قبل والا وراه اخترتي ديوان المظالم أو مثلن ليش ماكملتي الجامعة بالنسبة الي عندهم ثانوية والجامعية بتقول مثلن وراه ماقدمتي على وظائف ثانية ، حاولي تكون الاجابة مقنعة لك وللي تسألك
حاولي تاخذي معلومة عامة عن مسمى وظيفتك مب تفصلين لها يقالك حافظتها يعني مثلن مأمورة وثائق تقولين حفظ و تدوين المعاملات والخطابات واسترجاعها حين طلبها بشكل سهل .
وحاولي تاخذي معلومات اساسية عن الديوان يعني من هو رئيسه و وش يطلع الديوان ومن هالشغلات الاساسية ، وحاولي انتي تبيني انك تبين الوظيفة مثل تسألينها عن مجال عملنا وطريقة العمل

وبسسس

المشاركة الأصلية كتبت بواسطة حصريات

اذا رحتي لموعدك ان شاء الله بتدخلين على اللجنة وهي مكونه من استقبال المرشحات ومنها يشوفون رقم السجل المدني حقك ويطبعون لك نموذجك وعقبها تروحين تختبرين حاسب هو مب اختبار تقدرين تسمينه يشوفونك تعرفين للحاسب الالي وقدامك برنامج فيه قطعة وانتي تكتبيها
بعد ما تخلصين يطبعون لك النتيجة وتدخلين على لجنة المقابلة وبعد المقابلة تروحين وتنتظرين عاد النتائج النهائية للتعين ومنها ياخذون اوراقك

المشاركة الأصلية كتبت بواسطة حصريات

الحين هم بياخذون فترة اسبوعين الى ثلاث اسابيع مقابلات وبعدها احسبي لهم من اسبوعين الى ثلاث اسابيع ، انا اعطيكم من تحليل مبدأي تكون مباشرتكم مابين محرم وصفر .
وان كان فيه خبر لطشته يمين والا يسار بخبركم فيه

المشاركة الأصلية كتبت بواسطة حصريات

المرتبة السادسة بشكل عام ترسل نتيجة المقابلة والمؤهلات للخدمة المدنية ويسون مفاضله مع المتقدمات كلاً حسب منطقته ويرشحون وعقب ترسل النتايج لديوان المظالم وهو يعلن النتائج