مرحبا مشكلتي انا توظفت في وظيفة قطاع خاص براتب 3500 بعد خصم التامينات يصفى لي ويصرف 3185 يعني مش ذاك الراتب بس الحمدلله لان توي لي 5 او 6 اشهر معهم يعني بالبداية .. مشكلتي كل ماينزل راتب الوالدة تطلب الوالد يطلب مع العلم ابوي متوظف وعنده عائلتين يصرف عليهم واخوي طلب مني سلف 4 الاف يشتري سياره وعطيته كاش على طول وساعدته سلف وصار 9 شهور ماجاب طاري السلف كلمته مره قال اذا نزل الراتب و يوم نزل الراتب بالعيد راح وسافر فيه وفلها وانا ما اكل تبن ماعندي سياره ودايم اروح دوامي بالتاكاسي على هالحال 6 اشهر وطفشت وحسابي الحين مافيه الا حق اخر راتب 3000 .. وتعبت احس اهلي محصليني نقطة ضعف وكل شوي يطلبون مني وانا اتعب بالدوام 9 ساعات يويما ماعدا الجمعة .. انا انسان متفهم اهلي مايطلبون الا وهم في حاجه بس ليه مايطلبون من اخوي الكبير راتبه 6 بس مشكلته كل شوي يغير وظيفته مو مشكلتي اذا هو مايبي يستقر بوظيفة اوانا 3 مع العلم اني احاول ارصد وقرض زواج اخطط اتزوج وبهالطريقة ماراح اتزوج اذا كل ماينزل راتبي ياخذون منه .. ملاحظة ( هالمشكلة قتلت طموحي كل ما افكر اشد حيلي ويزداد راتبي افكر انهم كل راتب بياخذون منه وانا اعاني لا سياره ولا شي الى الان وحالتي حااااله ((( كلمة الختام ودي زي اي شاب ينزل راتبه 5 والا 6 ويفلها ويستانس ويعطي من اهله مو مشكله بحدود المعقول ويرصد في حسابه للبنك لمصاعب الحياه )))) ابي الحلوووووول من اهل الخبرة

لايكلف الله نفساً الا وسعها
اذا تقدر تعطيهم لاتقصر خصوصاً انهم اهلك واقرب الناس لك
لكن اذا ماتقدر قول لهم وضعي وراتبي مايسمح
وهم طبيعي يتقبلون منك
طبعاً اقصد الاهل الغير موظفين
اما اخوك اذا انت مو في حاجه للمبلغ اللي عطيته كامل
اقترح عليه يرجعها لك اقساط
بالتوفيق

انا مشكلتي قريبه من مشكلتك انا من علي ايام التقنية وانا اجمع علشان أأمن نفسي طبعا انا مااعلم ابوي اني استلمة من الكليه 1000 ريال علشان اطلب منه عندي اهلي صارو في البدايه ياخذونهاكلها مع اني ابوي موظف في شركة ارامكو ومايقصر معاهم والحمدلله جا بعدين وقلت ابقا اجمع ورحت وقلتلهم لاتطلبوني قالولي تمنا علي فلوسك خلوني بخيل بوهباش صرت اعطيهم 700 او 600 والباقي في جيبي الين تخرجة يوم تخرجة طلعتلي حافزبعد 6 شهور وكنت حاط جوال اخوي وجاته رساله ونشرالخبر صرت اعطيهم 1000 والباقي لي استغلال الدعوه ههههههههه بس انشالله ان توظفة بصرفهم

خطلان هههههههههههههه وربي انت مثلي انا حافز بعد وصرت كريم اذكر مرة جاني 2000 من حافز وعطيت ابوي 1500 عشان بيسافر شوف الكرم الحاتمي هههههههه بس انا ماستفدت من حافز الا اني شريت سياره وفالاخير صدمت عليها حديقة والحين البلدية الله واعلم بيطالبوني بالحق يعني فلووس الحادث حق الحديقة سمعت حق البلدية يوصل 30 الف انا شلت السياج الحديدي حق الحديقة

بإمكانك تخصص مبلغ للوالده اذا تقدر 500 من راتبك ولوالدتك كويس

لايكلف الله نفساً الا وسعها واذا تبي الراتب كامل وتشوف ان اهلك مو محتاجينك

بإمكانك تقول انك كافل ايتام وتدفع لهم2000 ومايبقى معي الا 1500 مصروف شخصي

حتى تتجنب الاحراج من اهلك

ساعدهم بالمعقول وقول الباقي بصرفة على نفسي يعني اخوك طلب 4الاف اعطية 2000 وتوفر الباقي لك بس كلمهم باسلوب حلو عشان مايزعلوا منك ،
انا ينزلي حافز واخويا مو موظف لمن اصرف يصير دايما يقولي عندك واعطيني ويمن عالالفين الي تجيني وامي تقولي اعطية نص راتبك بس ماوافقت لانها ماتكفيني

كلوكيل انتي بنت ويطمعو براتبك يا ساتر

نو كومنت انا راتبي 3500 بس بعد خصم التامينات يصفى لي 3185

مهما يصير لا تعتبر امتنان لك عليهم ولو ما كنت العضيد لهم والاهم م رجعوا لك
لكن هناك طريقة لـ تتيسر الامور
سجل اولوياتك في ورقة واسحب دراهمك وحطها بـظروف وفي صندوق أو شنطه أو خزنه صغيرة
بحيث المبالغ اللي تمت معك بالخزنة أشياء لا يمكن الاستغناء عنها
والزايد بعدها من راتبك حطه للأشياء هذي .. عزيمه..سلف..طواري.. ومن هالاشياء
حدد اولولياتك لـ ترى أهدافك تتحق

اخوي طلال حل مشكلتك عندي تبي نصيحتي

عطهم بس مو كل الراتب!!!!

عطهم مثلا 250 ريال شهريا من عندك وخل الباقي يكملونه من اخوانك الكبار 250 ريال من كل واحد




عشان حتى انت عندك مصاريف