بنات انا من الرياض وطلع تعيني بالقصيم وللحين مادري اي محافظه بس على كلامهم التخلف العقلي طالبينه بريده وان شاء الله صدق ،، بسألكم عن مرايل الثانوي ايش لونها وشيال او تنوره او ايش ابي اضبط لاختي قبل تبدا الدراسه

اليوم رحت التخصصي بعد المقابلة وأخذوا عينة بول >>> تكرمون .
ولاجابوا طاري تكونين صايمة أو شي .
ونتيجة التحليل تطلع يوم الخميس .
وبعد ماتطلع قالوا تروحين مستشفى ثاني تكملين الكشف الطبي .
وورقة الكشف ظلت عندهم عشان لاطلعت النتيجة يعبونها .

وبصراحة أنا دخت لين وصلت المختبر ما ندل بالمستشفى وكل شوي يودونا مكان .
بس أنتوا أول ماتجون المستشفى ادخلوا المبنى اللي بالنص وبعدين يمين واتجهوا للمختبرات .
روحوا لغرفة إدارة المختبر وبنك الدم وعطوه الورقة ويعطيكم عينة .
بعدها تروحون للغرفة اللي جنبها فيها حمامات ولاخلصتوا تحطون العينة بكرتون حاطين فيه العينات .
وبس .

وكل مارحتوا بدري كل ماكان أفضل عشان يمدي النتيجة تطلع .

بالتوفيق

مين راحت وسوت ياليت تردون علينا الي سوت تحليل في التخصصي ولا مستشفى ثاني

بنات الله يعافيكم متى راح يطلع توجيه للمدارس ؟؟؟

مدري والله بس أنا استغربت يعني مستشفى شكبره مو قادرين يكملون لنا باقي الكشف !!!!؟
وما سألت اذا أقدر أسوي باقي التحاليل لين تطلع نتيجة التحليل الأول .
أنتي اذا رحتي التخصصي أسأليهم وشوفي يمكن تقدرين .
وأنا مثلك مو من القصيم بس محمله برنامج google maps والله نفعني بقققوووة .
تبحثين فيه عن اسم المكان اللي تبين ويدلك فيه ولا تسألين أحد ولاشي .

انا تعينت بالرس التحليل يكون بالبريدة حق السموم

الحمد لله المقابله كانت مره سهله اصلا ما اسألوا شي بس سنة التخرج

مووووفقين جميعا