ابي اسماء قطاعات القصيم واقرب شي للحفر تكفوووووووون ترشيحي فيها وابي اسماء القرى والقطاعات الاقرب للحفر

وش في العالم متفلتين بكل المنتدى فرعتكم طالبتكم ترا السالفة اسبوع موب 12 ساعه ويقفل تكامل

ايه ابي اخلص عشان اضبط اموري ولاتلومين اللي تعيينم خارج مناطقهم

القصييم قطاعاتها وقراها كثييير لكن بما انك طلبتي الاقرب راح يكون كالتالي :
طبعا الاقرب لمدينة الحفر هي محافظة الاسياح واحلى مافيهاا قراها ورى بعض على خط واحد يعني ماهي مبعثره يمين يسااار يعني بعضها تبعد 10 كيلو عن الثانيه وبعضهم 25 مو زي المدن الثانيه كل قريه عن الثانيه 100 كيلوو ..
المهم القرى هي :
1- عين بن فهيد وهي اول قريه ( ترى ماحسها قريه انا اشوف انها بين مسمى القريه والمدينه ) ..
طبعا عين بن فهيد هي اول ماتواجه القادم من مدينة بريده وتبعد عن بريده حول نص ساااعه وتحتوي على كلية للبنات ومستشفى حكومي ومنتزه سد مارد وشقق مفروشه وبنك وصرافات ومكتب حجوزات طيران ومشغلين نسائيين و مركز شرطه ودفاع مدني ومركز هيئة الامر بالمعروف ومكتب اشراف نسائي بالاضافه للمحلات الاخرى المتنوعه و هي نظيفه وجميله ومرتبه
2- طريف بس فيها قصر مناسبات قديم واستراحتين كباار ومحطة بنزين وبعض المحلات الصغيره .
3- التنومه وتبعد عن طريف حول 10 دقايق او اكثر بشووي
4- خصيبه مابينها وبين التنومه شي لازقات ببعض ومدارسها متطوره وشقق ومطاعم وبوفيهات ومحلات منوعه وقصر افراح وووالخ ..الزبده مرتبه .
5-البرود وهي صغيره ..
6-حنيظل وهي مرتبه بس مافيها خدمات الا يمكن محطة بنزين وفيها بقاله بس تراها مو بعيده عن خصيبه حول ربع ساعه او اقل .
7- السيق وهي صغييييره جدا ولاتوقع فيها مدارس لانها حول 7 بيوت.
8- اباالورود ..فيها بعض المحلات واستراحات صغييره ومحل دفاع مدني ومركز شرطه .
9- ضيده وهي تبعد عن ابا الورود حول 40 كيلو تقريبا ..فيها مدارس مجمعات كبار وبعض المحلات الصغيره ومستوصف ..
10- طلحه وتبعد عن ضيدع 20 كيلو .. مافيها شي الا محطه فقط ..
11- المدرج تبعد حول 10 كيلو عن طلحه فيها مركز شرطة ومستوصف صغير ..
12- البطين ..فيه دفاع مدني وبعض المحلات الصغيييره ..( مو ع نفس خط الاسياح هي صايره غرب حنيظل تبعد عنها حول 15 كيلو ) ..
13- قبه وتبعد عن اباالورود حول 70 او 80 كيلوو طبعا قبه مو على نفس خط الاسياح لا خط الاسياح عليه القرى اللي من رقم 1 الى رقم 9 فقط اما قبه هي على يمين ابا الورود وزي ماقلت عنها 80 كيلو او ااكثر وترى قبه متطوووره وهي الاقرب جداا للحفر يعني حطي اول شي قبه ..
ملاحظه مافي شقق مفروشه الا بعين بن فهيد وخصيبه فقط .. والقرى قريبه جدا من بعضها ..

انا تكلمت عن خط الاسياح اللي هو اقرب للحفر
فيه خط بس مو على نفس الخط اللي قلته هو للي طالع من عين بن فهيد بيروح للرياض فيه بعض القرى مثل البندريه والجعله وبعض القرى ناسيه اساميهن بس والمسافه بينهن وسطيعني ماتوصل 100 كيلو لا لا اقل وخدماتها بسييطه ..

انا ذكرت لك الاقرب لك اذا تبين شي ثاني حاااضره

* مقر امارة منطقة القصيم :


ـ مدينة بريدة : ويتبع لها ( 39 مركزاً )

* عدد المحافظات ( 11 ) :

1) عــنــيــزة (فئة أ) : ويتبع لها ( 4 مراكز )
2) الــــــرس (فئة أ) : ويتبع لها ( 19 مركزاً )

3) الـمـذنــب (فئة أ) : ويتبع لها ( 7 مراكز )
4) البـكـيـرية (فئة أ) : ويتبع لها (10 مراكز )

5) الـبـدائـع (فئة ب) : ويتبع لها ( 4 مراكز )
6) النبهانية (فئة ب) : ويتبع لها ( 33 مركزاً )

7) رياض الخبراء (فئة ب) : ويتبع لها ( 4 مراكز )
8)
8) الأسياح(فئة ب) : ويتبع لها ( 9 مراكز )

9) عيون الجواء (فئة ب) : ويتبع لها ( 8 مراكز )
10) الشماسية (فئة ب) : ويتبع لها ( مركزين )

11)عقلة الصقور (فئة ب ) : ويتبع لها (12 مركزاً )

انا تكلمت عن اللي بالاحمر لانه اقرب للحفر
يلي الاسياح من ناحية القرب الشماسيه ثم المذنب ثم عنيزه
والبااقين بعاااد شووي

هذا رابط يفيدك ...

http://www.alqassim.gov.sa/Ar/AboutE...of_qassim.aspx

واذا تبين اسئله عن الممراكز الثانيه حاضره

الف الف الف شكر

البطة السودة
المفترض اسمك البطة الالماسية

يابعدي انا جا تعييني بالقصيم انجليزي ابتدائي

ودي اعرف القرى التابعه للقصيم الاقرب لبريدة لاني مستقرة فيها بس حديثا لكن مااعرف شي فيها
والله يعافي صاحبه الموضوع

الله يجزاك الخير اختي بطه بس انا من المدينه وجا تعييني بالقصيم ابغى اعرف ايش القر ى القريبه من المدينه والقرى القريبه من القصيم وربي يسعدك ويوفقك

يسلموو كلي أمل ..يسلموو صافية قلب
بالنسبه لك اختي كل امل ..الكلام بيكون لك بهالرد لانك سالتي عن بريده..وحددتيها وبريده قراها تفرق عن قرى عنيزه والبكيريه والرس والبدايع وووالخ .. وفيه فرق بينهم
اما اختي صافية قلب بيكون لها الجواب برد ثاني لانك تسالين عن القرى القربيه للمدينه المنوره واسمحي لي ترى معرفتي جدااا قليله بقرى غرب القصيم اللي هي قربيه من المدينه المنوره ..
بــريـــدة ( تعتبر اكبر مدينه بالقصيم وتوجد بها امارة منطقة القصيم )

عـنـيــــــزة تبعد عن مدينه بريدة تقريباً 30 كيلوا ( تعتبر محافظه مدنية تتميز بعدم احتوائها على قرى ابعد مدرسة تبعد 10 كيلوا من وسط المدنية )

البكيرية تبعد عن مدينه بريدة تقريباً 25 كيلوا ( تعتبر ثالث محافظه وتحتوي على عدة قرى وابعد قريه تقريباً 150 كيلوا )ومن قراها اللي اعرفها الفويلق وساق وفيه قرى ثانيه صراحه سمعت فيه لكن ماقد جيتها ..

المذنب تبعد عن مدينه بريدة تقريباً 40 كيلوا ( محافظه صغيره تحتوي على عدة مراكز ابعدا تقريباً 35 كيلوا )

رياض الخبراء تبعد عن مدينه بريدة تقريباً 60 كيلوا ( محافظه صغيره تحتوي على عده قرى )

الــرس تبعد عن مدينه بريدة تقريباً 100 كيلو

عيون الجوآء تبعد عن مدينه بريدة تقريباً 35 كيلوا ( محافظه صغيره تحتوي على عدة قرىصراحه ماعرف قراها )

الاسياح تبعد عن مدينه بريدة تقريباً 60 ( محافظه صغيره تحتوي على قرى عديده ابعدها 130 كيلو )
وفيه قرى بعيده عن بريده مثل قصيباء متطووره نوعاا ما ومرتببه تبعد عن بريده يمكن 90 كيلو او 80 والبطين نفس قصيباء لانهم قرااب من بعض شوي ..وطلحه عن بريده حول 120 كيلو وشري هي ابعد قريه عن بريده من جهة الشمال بس مدري كم تبعد يمكن اتووقع 130 كيلو مو متاكده يمكن اقل يمكن اكثر ..وقبه متطووره وهي اقرب للحفر تقريباا وتبعد حول ساعتين عن بريده ..وفيه محافظة الاسياح ويتبع لها قرى ( زي ماذكرت بردي الساابق )
فيه قرى حول قصيباء وقريبه منها مثل الطراق والقواره
وفيه المليداء وهي اللي اقرب للمطار وقديمه شوي
وفيه الشمااسيه والربيعيه جنوب شرق بريده وقريبه منها حييل يمكن 15كيلو او اقل ماني ذاكره بالضبط بس هي الاقرب من هذه الجهه لها ..لان بريده و قراها : تشمل خممس شرائح : شمال شرقي بريده و شمال غربي و جنوب شرقي و جنوب غربي و الشريحة الخامسة الشقه و المليدا (المليداء قريبه من المطار ) ( هذا قطاع بريده وقراها )
بريده وقراها مثل حويلان وخب البريدي و القصيعه والمريدسيه والحمر>> << بلدة البصر وفيها مندوبية لتعليم البنات ويتبعها قرى مثل= العاقول و خب روضان والدعيسه وضراس والغماس و المليداء والجديدات.....طبعا كل هذه القرى تسمى الخبوب وتتبع لبريده من جهة الغرب وقريبه وممتازه جدا أبعد قريه ممكن ماتجي 15كيلو ..او اكثر شوي ..
كتبت لك المعلومات اللي اعرفهاا .. خفت احوسك .. ودورت لك رابط جدااا جدااا مفيييد لك ولغيرك يختصر لك كل الكلام ياااارب يفيدك ... طبعا لو اعرف اكثثثر كان افدتك لكن اسمحي لي
http://www.buraydahcity.net/Qassim/index1.htm
ومووفقه يارب