السلام عليكم ورحمة الله وبركاته
اسعد الله مساكم مشرفين واعضاء

إسمحوا لي اكتب هذا الموضوع عباره عن فضفضه وأحتاج لتوجيهكم

أنا أصلاً من سكان الرياض ولظروف إستقاله الوالد إنتقلنا للمدينه المنوره قبل حوالي الثمانيه سنوات والسنه هذي خلصت ثالث ثانوي بنسبة سيئة للأسف بسبب ظروف سيئة مريت فيها ومن هالظروف كما ذكرت لكم النقل من الرياض للمدينه
وبعد ما خلصت ثالث ثانوي دورت لي وظيفة بالمدينه عشان اكون قريب من اهلي بس للاسف ما لقيت الا وظيفة وحده وبعد ما قدمت عليها وقبلوني وجيت أبدأ بالعمل طلبوا مني تأمين لأني بمسك الكاشير وبعد ما اكتشفت انه فيه تأمين تراجعت عنها لاني ما اقدر ادفع التأمين و جيت الرياض قبل أمس وبنيتي أدور لي وظيفة أو أقدم بأي جامعة وبأي شيء والمشكلة اني تورطت في المواصلات وما ادري وين الجامعات والتقديم ولا ادري وش اسوي

والي يحفظ لي ابوي راس مالي اني محتاج للوظيفة حاجة ما يعلم فيها الا الله ومستعد اتوظف بأي شيء إذا توفر لي سكن معها لو مجرد سرير انام عليه ومو شرط راتب كبير ولا شرط بدلات المهم اني اتوظف واقدر انفع نفسي واساعد اهلي بالمدينه فتكفون الله يرضى عليكم وجهوني وشوفوا لي وظيفة بالرياض لو اي شيء وشكراً لكم

محمد

ينقل للقسم المخصص

بالتوفيق

__________________
ومن يعمل من الصالحات وهو مؤمن فلا يخاف ظلما ولا هضما

الله يجزاك خير وشكرا على تعاونك وعدم حذف الموضوع
الله يحرم اياديك على النار

لاتطولون علي تكفون

اتوقع المشكلة خاصة جدا
اتمنى اي واحد يقدر يساعدك لكن على قولتهم "باب النجار مخلع"
الكل موجود هنا للبحث عن وظائف
الله يكتب لك اللي فيه الخير

الله يرزقك من واسع فضله ويغ*** عن الناس كلها

اكثر من الاستغفار اخوي
هو باب الرزق بعد التوكل على الله

الله يوفقك

الله يرزقك ويوفقك

الله يجزاكم خير