الله يوفق الجميع مافي احد اختبر اليوم فيزياء وينكم يا بنات الفيزياء

هلا أنا اختبرت مرة روعة وسهل اسئلتني بالتخصص عرفي قانون حفظ الطاقة ماوحدات فرق الجهد وشدة التيار والقوة وعن قوانين نيوتن ععدي أنواع ااكهرباء اما التربوي ليش اخترتي مهنة التدريس وبعد لوكلفت المديرة بعمل وش تكون ردة فعلك وبعد الطاالة المشاغبة كيف تتعاملين معها عاد أهم شي تقولين في اجابة هذا السوال اشغل ااطالبة وبعد الأسئلة العامة متى توفى الرسول قلت ماذكر وبعد متى تم توحيد المملكة وبعد شعار المملكة السفين ونخلة وش يرمز لة يعني وش معناه العنبر من وين ياخذونة والمسك والحمدللة

اللة يعافيكم ابغى انضاف معكم في قروب كيف

هلا والله سويت مقابلتي تخصصي دين والله سهله الاسئلة سالوا ماهي العبادة ومامعنى القيوم وماهي الاستراتيجيات وكيف تتعاملي مع طالبه صرخت بوجهك وميزي بين الواجب والركن والسنه فيما يلي واعطتني كم حاجه واصنفها وبس واهتموا بالسجل الاكاديمي يطلبونه

لا تشيلوا هم الاسئله مجرد اجراءات روتينيه والله يوفق الجميع الظاهر التوجيه بيجينا الخميس مسجات ع الجوال

الله يوفق الجميع ويعطيكم الف عافية
بس بغيت اسأل وش الاوراق اللي طلبوها والله يحفظكم هل بلغوكم متى المباشرة لان على كذا الفحص بيتأخر ولكم جزيل الشكر

السلام عليكم
كيفكم صبايا
أنا سويت المقابله يوم الاثنين تخصصي فيزياء
المشرفه حبوبه وأخلاق و أغلب الأسئله كانت مشغوله وما تنتبه معي إيش أجاوب ،، المهم عدت على خير الحمدلله
أنا ان شاء الله بداوم من الرياض ،، وابي نقل من الرياض ،، الشي الثاني عندي بيبي صغير ٣ شهور وسمعت انه المدارس فيها رياض أطفال ،، يصير اخذ معي ولدي واخليه فيها ،، أو اللي تعرف طريقة ثانيه اهم شي لازم يكون معي لانه مافي امكانيه ابد أخليه بالرياض
الله يجزاكم خير ويوفق الجميع ،،

هلا بك انا بعد من الرياض وابي اطلع منها للقويعية
خبريني او ااخبرك اذا لقيت نقل بالنسبة للحضانات ما عندي خبر

السلام عليكم

يسعد صباحكم ، ذكرتوني بالذي مضى

المهم بنات لاحظت اغلبكم خايف من الحصاة

ماودي احطكم بس ترى العام توجهنا اغلبنا حطونا بالحصاة والرويضه والرين ،

منطقة الجله والقويعية قليل مره وما ابالغ لو قلت يمكن بس ثنتين اللي توجهوا للجله

المهم انه الدعوه تساهيل ان شاء الله والنقل متوفر لهالمناطق وبكثرة والسكن برضوا متوفر في القويعية بكثرة انا العام كنت اتردد يوميا من الرياض للحصاة والسنه هذي حطوني بالقويعية وللحين ما حصلت نقل

الحلو بهالمناطق انه ما يكون عندك ضغط يعني الفصل اذا وصلوا طالباته 8 نقول كثير

المهم التوفيق وربي يرزقك بمديرة سنعه وتراعي والله يكتبكم الخيرة في جميع اموركم

حاسه فيكم وكنت بيوم مثلكم متلخبطة وابي احد يعطيني معلومات فالي تبي تستفيد من خبرة سنه في الحصاة
لا يردها الا كيبوردها وانا حاضرة

موفقين

ياربي استانس لاشفت احد متفائل بعد مامرت سنة عليه متعين بعيد وبهذله

ندما الورد الله يطيب خاطرك ، ويرزقك باللي تبينه

سولفي لنا عن اول ايام تعينك وهل كنتي محتاسة نفسيا وداخليا؟

متى باشرتي ، وهل كنتي تستمتعين بالتدريس برغم البعد؟