30-08-2013, 03:59 AM
|
عضو متواصل
|
|
تاريخ التسجيل: Nov 2008
المشاركات: 61
معدل تقييم المستوى: 202
|
|
مرحبا
بالنسبه لخطابات التوجيه تستلمونها من مندوبيات القطاع يعني انتي توجيهك جاء للحصاة تروحين تستلمين الخطاب من مندوبية الحصاة وهكذا ..
اقتباس:
المشاركة الأصلية كتبت بواسطة حلم مستقبل
ياربي استانس لاشفت احد متفائل بعد مامرت سنة عليه متعين بعيد وبهذله
ندما الورد الله يطيب خاطرك ، ويرزقك باللي تبينه
سولفي لنا عن اول ايام تعينك وهل كنتي محتاسة نفسيا وداخليا؟
متى باشرتي ، وهل كنتي تستمتعين بالتدريس برغم البعد؟
|
باشرت مع اول اسبوع للدوام انا تعييني كان صادر من شهر 5 فباشرنا بدري ..
اما عن الحوسه فهو بصراحه على حسب التساهيل والمدرسه اللي انتي رايحه لها وظروفك يعني انا توجيهي جاء لمجمع وكان الخط واصله لباب المدرسه وفيه كثير معاي من الرياض فترتبت اوضاعنا بسرعه حتى النقل انا كنت اداوم مع شركه سواقها اندونيسي ومعه زوجته وحقين خطوط وجيدين ماشاء الله
اما ع مستوى التدريس فما كان فيه اي ضغط خصوصا بالبدايه لانه وللاسف ادارة القويعيه انواع الدجه والعشوائية فيها يعني مدرستي كان فيها تكدس معلمات رهيب بينما مدارس حولنا محتاجه ،انا مسكت فصل واحد ومنهج واحد والترم الثاني مسكت منهجين بعد ما راحوا بعض المعلمات ندب وبرضوا ماكان فيه ضغط الضغط الوحيد هو في المشوار فقققط وحتى المشوار اذا كانت معك مجموعه حلوه والله يمر الوقت ما حسيتوا والنقول اصلا مهيأين لك الجو ومرتبين لك الوضع تبين تنامين وتتمددين والا تبين تفرشين سفره وتتقهوين وسوالف والله انها ايام ممتعه ذكرياتها لا تشيلون هم 
|
العرض العادي
