[align=center]السلام عليكم ورحمه الله وبركاته

اسعد الله اوقاتكم بكل خير

والف الف الف مبرووووووووووك التعيين
عقبال النقل يارب
والله يتمم المقابله ،المباشره على خير..

عاد هنا تجمعنا لنعرف كل شي عن هالمحافظه
مواصلاتها..مبانيها..المدارس..الروضات..
والقرئ اهم شي بالموضوع..

طبعا
واذا احد من رجال المع ياليت يساعدنا حتى لو احد تغرب فيها يعطينا عها نبذه
انا مخوفيني من العقبات
لكن على رب العباد وكلتها

التجمع لجميع التخصصات ..


والله يكتب اللي فيه الخير لنا
[/align]

نعييني بسراة عبيدة وابحث عن بديلة لاي مدينة اخرى

الله يعينك
ربك كريم يفرجها..

اخيرا فتحتو تجمع للمعينات رجال المع
انا من الغربيه وشايله هم العقبات زيك
وشايله هم السكن وين ومع من
ربي يسهلها وتمر ع خير

ونسيت اسال انا اخترت يوم الاحد للمقابله اقدر ااجله لان مره مايمديني الاحد

والله مدري لكن انا لما فتحت حجزت مقابلتي الثلاثاء مافي الا ذا اليوم

وحاطين لي اربع قرئ
حسوه رجال المع والحريضه والحبيل
وكلها صعبه و وعره
خايفه وودي اسكن بابها
لكن لو سكنت بابها ما بسلم من مرور العقبه بكون يوميا معها

ياليت اللي عندها ارقام سكن تجاوبني..؟
او ارقام نقل معلمات سوا من ابها الالمع او من المع الى اي مكان من القرى الموجوده

تكفون بنات اسعفونا

وانا معاكم من الغربيه مقابلتي الاثنين

انا تعينت العام الماضي في رجال المع

رجال المع تبعد حوالي ٧٠كلم من مطار أبها من عند عقبة الصماء

عقبة الصماء تعتبر من أخطر العقبات في المملكة لاكن مع الذهاب معها أكثر من مره يصبح الوضع أسهل

يوجد عقبة ضلع وهي أسهل لاكنها ابعد

بشكل عام رجال المع منطقه جبليه ووعره

طبعا الترتيب من وجهة نظري للقطاعات مع الشرح

١- رجال ، تعتبر المركز الرئيسي لرجال المع واغلب مدارسها جيده جداً وفيها مدارس صعبه قليلا في جبال
٢- الحبيل ، تعتبر قريه صغيره وفيها قلة الخدمات تبعد عن رجال حوالي ٣٠كلم وتعتبر منطقه جيده من ناحية التضاريس
٣- الحريضه ، منطقه ساحليه وهي الأقرب لأهل منطقة جيزان وتبعد عن رجال حوالي ١٨٠كلم وبعض مدارسها في اوديه وطرق غير معبده
٤- حسوه ' هذي عاد منطقتي اللي كنت ادرس فيها ، تعتبر أخطر منطقه بسبب العقبات الخطيرة جداً والطريق الضيق الخطير ، وهي اقرب منطقه لرجال لاكن العقبات تعيبها ، لاكن تعتبر من أجمل المناطق في المملكة لطبيعتها الجميلة ' والخدمات فيها معدومه

طبعا انا سكنت في منطقة الشعبين اللي تعتبر في قلب رجال المع وجميع الخدمات فيها

لاكن أنصحكم بسرعة حجز السكن لانه شحيح للأسف


وأي معلومات تريدونها انا في الخدمه

اختي دفا الثلج كيف رجال المع بصفه عامه وهل مازلتي فيها ام نقلتي واذا نقلتي خلال كم جاك النقل وهل كنتي لوحدك او معاك محرم وايش تخصصك واعذريني على كثر الاسئله بس اكيد انتي مريتي بنفس الضروف وعارفه الوضع