[align=center]
السلام عليكم

لو سمحتوا يا اخوان بما ان تسجيلكم بتكامل كان قبلنا بشهر
ياليت اللي صار له نفس مشكلتي يفيدني

في تكامل رتبت الرغبات (والمفروض اضغط طباعه ثم تثبيت وبعدها تختفي الازرار وبعدها الموعد)

لكن انا رتبتها ثم ضغطت تثبيت قبل الطباعه، واختفت الازرار
ولا طبعت ولا حجزت موعد

سويت الغاء تثبيت الرغبات وللحين ماصار شي ولا جاني شي عالجوال

في منتدى المقابلات التابع لتكامل كان فيه بعض المعلمين اللي كان تقديمهم قبل شهر وصار لهم نفس المشكله
كان الدعم الفني بالمنتدى يطلب منهم السجل المدني بالرسائل الخاصه ويلغي لهم التثبيت في نفس الوقت

لكن الان متوقف التسجيل في هذا المنتدى
واحنا بتبدأ مقابلاتنا يوم الاحد الجاي
اخاف ياخذ وقت الغاء التثبيت

ومدري اش اسوي
فيه بنات كثير عندهم نفس مشكلتي

اذا احد يقدر يساعدني الله يجزاه خير
[/align]

لك رساله ع الخاص

وانا كمان نفس المشكله ؟

[align=center]وأنا بعد
حسبي الله ونعم الوكيل
حسسوني اني مقدمه ع FBI
تعقيد ف تعقيد وفوق هذا كله سيستم مضروب المفروض بشكل آلي يلغي التثبيت [/align]

طيب ابي اغير اغير موعد المققابله

انا نفس المشكله ليش ووش الحل

مافيه احد يقول لنا الحل والله نفسيتي زفت كله من هالموقع البايخ
الغيت تثبيت الرغبات والحين ابغى ارجعها زي ماكانت شسوي
تكفون حد يدلنا ولا يجاوب فيني الصيحه والله

بنات بالنسبه للي سوت الغاء تثبيت رغبات

اظغطي على صفحه الرغبات
بيطلع لك تحت الجدول حق الرغبات تحديث الرغبات
وتحته تثبيت
حدثي بعدين ثبتي وبسسس
انا توني سويتها والحمد لله ظبطت :$

يالله بالتوفيق يارب

مريت بيوم من الأيام بمثل حالتكم
لذلك حاس فيكم وبالقروشه اللي تمرون بها

لكن أحب أطمنكم أخواتي الفاضلات
حتى لو ما استجاب لكم الموقع
أثناء المقابلة بإذن الله بلغوا اللي بشؤون المعلمات عن رغباتكم وعن أي شي تبونه وهم ان شاءالله يضبطون لكم كل شي


احنا برمضان كذا
لاخلونا نقرا قرآن ولانتعبد الله زين بالشهر الفضيل من كثر التفكير قروشونا بقووة
قالوا لازم تطبعون مسوغات الوظيفة وموعد المقابلة والكشف الطبي وماني عارف ايش واخر شي يوم جيناهم لا اخذوا منا ورقة الموعد تبع المقابلة والكشف طبعوه لنا من عندهم وحتى مسوغات الوظيفة طبعوها للي ماجابها طبعوها له

لذلك وسعوا صدوركم وروقوا وأموركم في السليم ان شاءالله ووقت المقابلة بيمديكم تعدلون اللي تبون


بالتوفيق للجميع يارب