[align=center]السلام عليكم ورحمة الله وبركاته


الموضوع كله بإختصار


اشتغلت كوسيط عقاري قلت بجرب وعل وعسى

المهم طلعت بفكرتين جدد وطبقتها وبظرف أسبوعين ولله الحمد والمنه

صار لي علاقات مع ملاك ووسطاء ومكاتب عقار

وأغلب المكاتب اللي لها أسمها في منطقتنا تواصلوا معي ويعزموني في مكاتبهم

ويعرضوا خدماتهم ( تعال وهات عروضك ترى عندنا تصريف ومن هالكلام )


المهم بدأنا بالبيت وذقنا حلاوة الوساطه شغل حلو ولاهو متعب يعتمد على الذكاء والفطنه

وومتى وكيف واين وعلى من تعرض العقار اللي عندك عشان يتصرف


فـ تحمست وقلت الشغل لازم يصير رسمي لأن اغلب الاتصالات اللي تجيني من زبائن يسألوني وين مكان مكتبك ؟

خفت اخسر الزبائن فـ استأجرت محل وأثثته وخليته مقفل

لأني موظف وكل اللي يحيطون فيني موظفين

سألت كم مكتب


أقدر استخرج رخصه بأسم مرأه ؟ قالوا لا



اللي ابيـــه وجهوووني وهل فعلاً مااقدر بأسم مرأه ؟




علماً أن اغلب المكاتب يقولون لي ياعمي والله 90% من المكاتب العقاريه بالمنطقه بدون رخصه


افتحه وريح بالك ؟!![/align]

ماعندي خلفيه بإنتظار الاخوه يفيدونك

الله يختارلك الخيرررررررررررررررررررررررررررررررررررررررر

تقدر تطلع رخصة ب اسم زوجتك او امك او كذا لكن لمشروع مكتب عقار ماادري ..
اللي اعرفه محلات تجارية وكذا مسموح تطلع لك رخصة ..

اخي الكريم الله يزيدك من فضله والجميع اود منك ذكر طريقتك في الوساطة التي من خلالها بعد اسبوعين سرت على طريق النجاح وبالله التوفيق •

حياكم جميعاً


أبشر بالطريقه ..

سيكون لها موضوع مستقل

وبالتفصيل الممل

لكن افيدوني وش الحل

استاجر محل باسم احد من اخوانك
او صديق لك
المهم مايكون موظف حكومي
موفق خير

ش لك احد المكاتب اللي تعرفها واخلك معه انت بالعملاء وهو بالاوراق الرسمية مالك غير كذا

او افتح لك (صندقه)

وبالنسبه لرخصه محل باسم زوجتك ما اتوقع والله يوفقك خيو

اخي انا اول وحدة بكون زبونة لك

و عندي عروض عقارية و اسعارها حلوة

بس ما اتعامل الا مع المباشر للمشتري او وكيله او المشتري بنفسه

اذا حابب تشوف العروض ...راسلني على الخاص

اهو تكسب لمن ربك يفرجها و تاخذ رخصة

عندي مكتب في البديعه بالقرب من نادي الهلال ودي اتعامل معكم ورود اذا في عروض حول الحي في البديعه اتشرف بتعامل معك

الله يوفقك ويرزق الجميع من واسع فضله