السلام عليكم ورحمة الله وبركاته
أحبتي باختصار شديد انا كنت موظف بوظيفه حكومية وقررت اني اواصل دراستي الماستر وحصلت قبول وعزمت على ترك الوظيفه والان يوجد معي مبلغ وقدره 15 الف ريال اريد ان ابدأ بمشروع صغير يكفي مصاريفي لمدة الدراسة تكفون لاتبخلون على بمقترحاتكم وبمشاركتكم لاني محتاجها جدا جدا جدا كل وقتي تفكير في تفكير بهالمعاناه
وش تنصحوووووووني به ؟؟؟!

رفــــع

استغفر الله واتوب اليه

ألف مبروك القبول وعقبال الدكتوراة بإمتياز بإذن الله ... بعض الأفكار :

أولاً : لا أنصحك أبداً بالفصل من العمل وترك الوظيفة مادامها وظيفة حكومية .. خذ إجازة استثنائية بدون راتب لفترة الدراسة وبعد ما تخلص دراسة ترجع لعملك وتقدم شهادتك على جدارة أو مسابقة وظيفية.

ثانياً : ١٥ ألف مبلغ جيد ولكن لا اتوقع ان يجيب لك مشروع دخل شهري كافي يعينك على مصاريف الدراسة ، اذا كان بالامكان تقدم على بنك التسليف أو باب رزق جميل، اذا ماتستطيع أنصحك بمشروع صغير في مكان مناسب ( كشك صغير،محل جوالات، محل خضار، بقالة صغيرة، محل انترنت، بوفيه فلافل، محل خدمة طالب صغير ... الخ ) الهم تشوف مكان حيوي وتقدر تبدأ فيه مشروعك على قد ميزانيتك وأسأال الله لك العون والسداد

اشكرك يالغالي ع ردك
سبحان الله وبحمده سبحان الله العظيم

أنصحك بما نصحك به الاخ بوسطن
لاتترك وظيفتك خصوصا انها حكومية ناس كثير معها شهادات عليا وماحصلوا وظائف حكومية
من واقع متابعتي الوظائف الان صارت من أصعب الامور اللي يتمكن الشخص من الحصول عليها

اما المبلغ فهو قليل.

دكان صغيرون وجيب اكسسوارات من الخاسكية بجدة
بإذن اللة تعين خير بس اهم شي الموقع يكون مناسب

اشكركم جدا
قررت اشتغل في التجاره الالكترونية الله يعين وييسر
استغفر الله

اشتغل في الخضار ........... الخضاااااااااااااااااااااااااااااااااااااااااااااا ااااااااااااااااااااااااااااااااااااااااار

انا اسمع هالمشروع دائما لكن ما القي له بال لانتفكيرنا اول ما تقول خضار يتوقع الشخص ان الربح قليل والله اني اعرف شخص يطلع يوميا لا يقل عن 400 ريال لانه مشغول بوظيفة وهو يقول لو انا متفرغ لادخل في اليوم لا يقل عن الف ريال ........ يعني في الشهر 30 الف ... خلنا نقول 20 الف في الشهر

الطريقة تذهب لحراج الخضار في مدينتك بدري قبل الفجر ويبدا الحراج بعد الفجر وتشتري الخضروات بتراب الفلوس من المزارعين طبعا عن طريق المحرج ( الدلال ) وله نسبة بسيطه يمكن ما تتجاوز 100 ريال لانه غير مسموح لغير السعودي بالاخذ من الدلال فقط السعودي وتذهب بها عند تجمع الناس في السوق او بعد الصلاة عند المسجد فقط ربع ساعة بعد الصلاة وانت مخلص بس خذ لك بال 15 الف ددسن او هايلكس قديمة واشتغل عليها الشهرين هاذي وبتلقى عامل يساعدك تعطيه في اليوم 50 ريال اذا كانت الكمية كبيرة وهكذا

دعواتك لي بالتوفيق والرزق الحلال

انت في اي مدينة ؟؟