الله يسهل امرك

للأسف دامك ما طبعتي ملخص الطلب نفذوا بجلدهم !
ماراح يكون فيه اثبات لكلامك انك حاطه الرغبات !
اخاف انك حدثتي بوقت سحب بيانات المفاضله وكان طلبك مو مكتمل !
لانه مستحيل نقاطك 71 و ما طلع اسمك وانتي حاطه الرغبات هذي خصوصا انه كان باقي شاغر
حوالي 25 وظيفه في صبيا وغيرها !
في إن بالسالفه اخاف انك كاتبه سنة التخرج غلط وقلت نقاطك ؟
يعني بدال ما تكتبين 1430 كتبتي 1434 او اقل فبالتاالي نقصت نقاطك
المشكله انتي ما حطيتي ملخص الطلب عشان نعرف الخطأ من وين لان ممكن انتي ما انتبهتي وغلطتي بشيء !
لكن للاسف بدون ملخص الطلب ما راح يناظرونك وكاتبين هالكلام بإعلان الخدمه انهم ما راح يقبلون اي اعتراض اذا ما كان معاك ملخص الطلب !
ولو انتي متأكده من كل شيء .. تتوقعين انه فيه احد فتح ملفك ولعب بنقاطك! معقوله !
بصراحه مااستبعد الله يعوضك ويسهل امرك يااارب

ياقلبي اذا متأكده من حسبتك فـ هذا الظلم بعينه
الله يفرج همك وينصرك وتاخذين حقك ياحي ياقيوم

يمكن تحديثكم كان غلط وما دخلتم المفاضلة؟
او النظام ما قبلها وقت التحديث خلل او شي

الله ينصر المظلوم

راجعت الخدمه اليوم واتضح الآتي .. يقولون اني محدثه قبل بيومين من الوقت المطلوب ... وكان تحديثي في يوم 26 من شهر 8 ... مع اني متأكده اني حدثت في اول يوم فتحوا التحديث !! وللأسف انا ماطبعت ملخص الطلب .. ماتوقعت كل هالأمور تصير .. مااعرف وش الحل ؟ احد يتذكر متى فتحوا التحديث في رمضان ولا قبله بكم يوم ؟!

فتحوه 28 /8 الى 17/9

فعلا .. لما رجعت لموقع الخدمه .. اتضح لي ان التحديث بدأ من 28 وانا استعجلت قبلها لاني كنت بسافر ولا انتبهت حتى للخبر كويس ...ياربي بس .. خياراتي ونسبتي وشهادتي ومجتازه كفايات ... كل اموري تمام ..بس هالزله البسيطه .. ضيعت كل التعب والانتظار .. والغريب ان ملفي في جداره لما ادخل عليه الاقيه في مرحلة التصحيح ... مفروض دام ماتحدث ..يفتح لي عادي !! اللهم لا اسالك رد القضاء ولكني اسالك اللطف فيه

الله يعوضك ان شاءالله ويمكن خيره لك عشان ماتتغربي
والاحتياج الجاي ان شاءالله تتعيني بمنطقه قريبه