السلام عليكم ورحمة الله وبركاته
سأبدء موضوعي بهذا الدعاء
عن ابن عباس رضي الله عنه أن رسول الله صلى الله عليه وسلم قال :
" من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب".
اللهم فرج كربنا و أذهب عنا همنا.. وارزقنا الوظيفة ..............آمين.
اوصتني احدى الاخوات بالاستغفار ........جزاها الله الف خير ( واحببت ان افتتح موضوعي بالدعاء)
.................................................. ................
اعتقد لا توجد معاناه قد معاناتي انا
انا خريجة الكلية المتوسطة سنه 1417هــ 1418هــ
ولا احمل اي خبرة ولم يسبق لي التدرس ابدا
كل ما اقدم الاقي الاستحقار من شهادتي عند تقديمها ( تقول الموظفة وش هاذا دبلوم ) خذي ملفك
عانيت من استحقارهم وقلت بكمل دراستي (واجهتني صعوبات بالتكميل) يحددون سنه التخرج بتقديم الجامعه ..
قلت خلاص ادرس بنظام الدفع لقيت بجامعة المدينه لازم ادفع كاش للترمين 6000 والله كثير وصعب لوحدة يتيمة تدفع مثل هاذا المبلغ
قلت اقدم بجدة لقيت الرسوم كل ترم 3000 ( يعني ماتفرق كثير ) بطلت اكمل دراستي
دخلت براسي فكرة الحاسب الآلي شي مطلوب اخذت دورة شهر وقدمتها للديوان قالو طلعيها من الملف مانقبل غير ست شهور
السنه الي بعدها دخلت دورة ست شهور (وقدمت للديوان ) قالو مانقبل غير سنه وسنتين
ورحت وامري على الله ودرست سنتين وباصرار وفرح لايوصف يوم جبت الشهادة ممتاز ومعدل جدا طيب قلت خلاص السنه هاذي باذن الله بتوظف
اجي التقديم وروحت على طول بقدم بوم الحاسب الآلي وبيوم الممتاز
طالعت بملفي وابتسمت قلت الحمد الله عجبتها شهادتي خلاص يا امي بتوظف
لكن كشرت الموظفه عن انيابها وقالت شهادتك الاصليه دبلوم لازم تكوني بكالوريوس
عشان اخذ طلبك لتقديم ( روحي وتعالى يوم تقديم الدبلوم تقولها بكل استحقار)
قلت لها وشهادة الحاسب وش اعمل فيها تعبي سهري صرف اهلي عليا عشان اخذ الشهادة
قالت مشكلتك ماهي مشكلتنا (اسالي قبل تدرسي وتضيعي وقتك )
وقدمت يوم تقديم الدبلوم ولم اتوظف وبكيت بيومها دم وربي
وقلت ماراح اقدم ابدا ابدا ابدا
السنه هاذي امي الله يطول بعمرها حلفت علي عشان اقدم ويدخل اسمي بالتسلسل
موحرام انا اجلس بالبيت 11 سنه ( وغيري خريج 1426هـ1427هــ .........الخ يتوظفون)
موحرام ان المعلمات الي درسوني بالابتدائي يدرسون حفيدات امي (شي يحزن )
والله حرام ياديوان الخدمة ظلمتني وكسرت بخاطري شوف كم سنه 11سنه وانت تحطمني وتبكيني دم
(( مين المسؤل عن معاناتي )) من اعاتب ولمين اشتكي))
فكرت اقدم لديوان المظالم .........لكن ماعرفت
ولا يخفيكم طول فترة التقديم كانو يعقدنوي بطلباتهم
( مره طلبو صك اعاله لاني يتيمه ... ومايخفي عليك مواعيد المحكمة )
وياليت بعد التعب يوظفني بالعكس يحطموني اكثر)
(ومرة يطلبون شهادة الثانويه الاصل )
مايقدرون جيتنا من الصباح عشان نقدم مايقدرون المشوار
والتعب مايقدرون ذاك البعد بيننا وبين المنطقه الي موجود فيها الديوان الي تابعين لو
اقسم لكم بجلال الله اني اكتب مناطق بعيد عشان يوظفوني واطلب اقل من المستوي
واطلب باي وزارة ماعندي مشكله ابدا بس اتوظف
ولو يفتحون المجال للتقديم مثل البنين انا اول وحده تقدم لو بجزو فرسان ولو بالقمر
ياناس افهمو احنا دم جديد ودو يتوظف ويعطي كل ماعندو
شيلو جداتنا من مدارس الابتدائي ووظفونا مكانهم
لو تسمحولي اكتبلكم المدارس الي بمنطقتي واكتب اقل معلمه
بمدارس الابتدائي خبرتها بالتعليم كم
ورب الكعبة راح تنفجعون ( جدات ) بكل معني الكلمه معاد عندهم عطاء ابدا
.......................................

(( صدمني هذا الخبر )) وشجعني اكتب معاناتي التي اختصرتها لكم
هذا العدد الهائل الذي تم حصده من قبل وزارة التربية والتعليم
عن المتقدمات الى وزارة الخدمة المدنية
عدد المتقدمات == 41883
من ضمنهن 7136 متقدمة لهذا اليوم
عدد الاتي اكتملت بياناتهن == 17445
عدد الاتي لم تكتمل بياناتهن == 24438
علما ان عدد الوظائف الشاغره
18000 وظيفه نسويه !!

دعواتكم اتوظف السنه هذي رسمي ( تعبت بكل معنى الكلمة )........
اتمنى توصل معاناتي لمسوؤل يحتضن مشكلتي ويقدر 11 سنه
الي ضاع عمري فيها مشاوير للديوان ... بدون فائدة

دعواتكم لي بظهر الغيب ...وسامحوني اذا بكلماتي تجريح لاحد ( ماكتبت الا من قهر استوطن قلبي)
سبحانك اللهم وبحمدك أشهد ان لا إله الا انت استغفرك واتوب اليك ...

هلا والله اختي...

قرأت معاناتك...


والحقيقة الامر ماهو غريب .. هذا حال كثير جدا...

واحنا من نطلع نعرف تماما اننا للبطالة خارجين...

اختي انتي دبلوم.. انا لي قريبة تقريبا نفس سنة تخرجك.. وبكالوريوس.. وتقديم ممتاز.. من اوائل الدفعه.. ومع ذلك اي يومك هذا ما وظفوها..

اختي احنا لا نبني املنا على الحكومة.. صحيح هي حلم كل بنت.. بس خلاص اذا نجلس عليها يضيع العمر والله..

احنا اذا نفكر في الجدات اللي في التدريس صحيح نحقد عليهم وانا وحده منكم.. بس الحقيقة ما لنا حق.. لانه ما وصل عمرهم للتقاعد..

الحق على الحكومة اللي تحط تخصصات ما تناسب سوق العمل.. تسكر هذي التخصصات وتفتح غير محال...

بالنهاية اختي فكري جيدا بالامر.. الديوان حكي فاضي.. وحلم اذا انتي كاتبه 41 الف اخر مره قرأت انه وصل 150 الف.. والعدد في ازدياد.. ولاحظي البطئ اللي فيه.. يعني لو سرريع اتوقع ياخذ اكثر..

ارجعي فكري بالاشياء الخاصة والمراكز.. واذا انتي عندك مواهب كيف تنمينها وتنزلين فيها.. يعني اذا عندك موهبة مكياج وغيره.. اشتغلي من بينكم.. جدا جدا مربحه هذي الشغلة ..ابرك الف مره من الوظائف..

اذا انتي شاطره بالتصميم دوري وظائف للمصممين...

تعاقدي مع مكتبه ..انه تتحملين مسؤولية الطباعة يعني يرسلون لك الاوراق اللي تجيهم وتطبعينها بالليل وترجعينها لهم بالنهار.. وتاخذين على الورقه 2 او 3..

اذا انتي عندك موهبة تنسيق الزهور والهدايا وغيره.. خصوصا هدايا الزواجات سوي لها صور وعرض وانشري ببطاقة انك تقدرين.. وخلي اسعارك حلوه.. راح يصير عليك اقبال...


او تزيين مفارش للولادة.. وشغالت البيبي..


يعني حاولي تنتجين.. ولا يكون همك على الحكومة...


الله يوفقج...

ساعات مافي شيء الواحد يقدر يسويه غير الدعاء
الا الظلم صار عادي عند بعض المسؤولين لأن عندهم الواسطة فوق كل شي,,,

الله يوفقك وان شاءالله تنقبلين هالسنة وتصيرين مدرسة
ماقلتي ايش تخصصك؟

الله يعينك ويفرج كربك وكرب المسلمين آجمعين ,,,

السلام عليكم ورحمة الله وبركاته ...
مالك الا الصبر ياختي ... والوحده اذا شافت مصيبة غيرها تهون عليها مصيبتها ..
عندك انا مثلا بكالوريوس ومعي دبلوم حاسب ودبلوم انجليزي وخبره من عقود ومدارس اهليه ومع ذلك الديوان مسكر بابه بوجهي من سنييين غابره واشوف اللي حولي ناس اقل مني والله العظيم انها توظفت بالمدرسه اللي جنب بيتهم وهي مامعها الا ثانوي ولا معها دورات ولا شي بس لانها بنت فلان توظفت .. مانقول غير حسبي الله ونعم الوكيل .. والله يرزقنا واياكم

اختي لاياس مع الحياة اتمنى لك التوفيق وجميع العاطلين والعاطلات

اختك عاطلة من 1419