السلام عليكم ورحمه الله وبركاته

اخوكم خريج قانون ومحتاس وابي ارآئكم راح تساعدني في اتخاذ القرار وتحديد المصير من بعد رب العالمين
والوقت بالحيل ضيق ولا فيه مجال للتفكير
انا انقبلت نهائيا في كلية الملك فهد الأمنية و الابتعاث لمرحلة الماستر نقول به مقبولين لانهم لم يلعنوا النتائج لكن اتصلت شخصيا بالوزارة وردهم بقسم الابتعاث من توجد حالته تحت التدقيق فهو مرشح وانا مستوفي الشروط ونقول ان شاءالله


يالامنية او اكمل دراسات عليا في مجال تخصصي القانون


واحب انوهه للي حيرني.
الامنية ضامن مستقبلك ومرتب تقدر تكون نفسك ببساطة ومرتبه مشرفه في خدمة الوطن ومكانه جيدة وووو
الابتعاث واكمال الدراسه حقيقة طموحي منذ دخولي لمرحله البكالوريوس


هذا الشي الي حيرني:
اخاف اكمل دراسه واجي اتوسدها مثل مايقولون وكثير رادين وعاطلين صحيح التوفيق بيد الله لكن نسعى وراء المضمون واخاف اروح الامنية واعرف اني باعض اصابع الندم لاني ارغب بالدراسةبالخارج واللغه وكوني مخير وليس مسير


اتوقع وضحت النقطة الي حيرتني وخصوصا بعد كلمه الوالد اتوقع حتندم يبني هههه اقول امسك وظيفه واحمد ربك والايام هذي يالله تلقى وظيفة والابتعاث بتكون في حاله مخاطره ومافي شي مضمون
وانا عارف بتموت الامنية هالطموح وحتى لو تبعثك يكون كله يحيل للجنائي






والله الموفق ولن يحصل الا ماكتبه لنا رب العالمين
واحب اكرر رايكم يهمني

وعليكم السلام

يختصر لك كل شئ


المثال يقول العب على المضمون

وأمم ترا الوظائف بهزمن ما تلقى

والطوح كل البشر حطت طموحها ذكريات

وأنا طموحي اجيب الدكتوراه وحبيت أبشرك ترا شهاتي ثنوي هههههههه يعني

كل شئ مفهوم وما تضمن الوضيفه الثانية وما تضمن طلوعك للخارج هل بنجيب معدل زين أو لا

يا خوي استخير

وربنا واحد

اول شي الف مبروك عسى الله يكتب لك اللي فيه خير وانا اخوك

رأيي كما اسلفوا الاخوان .. استخير . وتوكل على الله
دام جاك قبول نهائي في الامنيه . توكل على الله ..

نصيحه لوجه الله غييرك يتمناء الامنية
وطموحك هذاا شي جيد وباذن الله ماستر ودكتوراه بعد
نصيحتي لك ادخل كلية الملك فهد وبعد مااتخرج الدواام هو اللي يبتعثك كمل اللي تبي
الزبده كلية الملك فهد لاااتروح عليك ياسامع الشور
وبالتوفيق ومن افضل الى افضل

الله يسهلك امورك

والله لو بعد البعثه ضامن الوظيفه ممكن اقولك اطلع كمل دراسه انت عارف الوضع عندنا كل يوم جديد بتقل الوظائف وتزيد الشروط والتعقيدات !!


خلك على الامنيه برضو طموح جبار ومنصب وهيبه وراتب ووماشاءالله يعني ما راح تخسر شي ولا انك راح تندم باذن الله ..

فكر زين اخوي ولا تستعجل واستخير الله وخذ بشور الاكبر منك واسأل الوالده والوالد

وسوي قرعه ههههههههه من جد والله


الله يوفقك يارب

اخوي الغالي يشهد الله الكلام اللي بقوله انه من قلبي وما اشوفك الا اخ

اولاً انا كنت مبتعث في امريكا جلست سنه وشهر وحصلت ظروف خلتني

ارجع السعودية غصب واترك البعثه لاكن الحمدلله خيره وانقبلت في دوره الضباط الجامعيين بالدفاع هذا السنه

الابتعاث حلو لاكن انت ماتعلم وش بيحصل بكره او بعد شهر ممكن اي شي يحصل يخليك تترك البعثه

وبكذا خسرت فرصتين

انا اشوف ادخل الكلية واضمن الوظيفة اول شي وبعدها قدم ع الابتعاث عن طريق عملك

لانه افضل من ناحية الامان الوظيفي و الراتب افضل

ولو حصل اي ظرف لك تقدر ترجع وماعليك اي مشكلة ولا تخسر الوظيفه

اما الابتعاث اولا للماستر لازم التوفل وماتدري اذا تقدر تجيبه او لا

ثانياً اذا انت في امريكا الراتب ١٨٤٦ دولار

نصحية اخ الوظيفه افضل ومن خلال الوظيفه كمل دراستك

والعبها صح

وفي الاخير القرار قرارك واللي كاتبه ربي بتاخذه

اللي اقدر اقوله لك

( الله يكتبلك الخيره والافضل لك ويبعد عنك الشر ويصرفك عنه )

احترامي

الله يعطيكم الف عافيه وماقصرتوا على طرح ارائكم واسعدني تواجدكم بموضوعي ويباركم فيكم جميع


انا المجهول هو الي يخليني اتردد ع الابتعاث وانا بستخير والي كاتبه ربي بيصير


الله يوفقكم ويسعدكم جميعا