السلام عليكم ابي اختصر الكلام حلمي اكون لاعب كرة قدم محترف وصرت من 7 سنوات اروح لاندية كثيييييييييرة لدرجه فكرت اروح برى السعودية واشوف اندية الامارات او قطر او حتى الارجنتين لان مافي احد يهتم بالموهبة كل مارحت نادي بالعاميه ( يكرشونا ) واللعيبة الاجانب يسهل لهم كل التساهيل ماخفي اني لعبت تجربة في كذ1ا نادي بس كانت تجربة مجاملة للمستجدين انا عمري 24 من مواليد 1410 وجيت اندية كثيرة نادي النصر ونادي الرياض ونادي الشباب والاخدود من نجران والنجمة من عنيزة ونجد من حوطة سدير والكوكب من الخرج والطائي من حائل ونادي ابها من ابها ونادي ضمك من خميس مشيط وناديالقلعة من الجوف ونادي الوحدة من مكة المكرمه ونادي الدرعية من الدرعية ونادي العاون والرائد من بريده ماخليت نادي الا رحت له وتعنيييييييييت الله لايعنينا مع مشكلة المواصلات بس حاولت اتحدى هالمشكلة وكل يوم ادفع (( رواااتب لتكاسي والكدادين مع الخط رايح جاي ))وانا حاليا موظف قطاع خاص بتفرغ لكرة القدم لكن العمر يداهمني شوي يمكن 24 يعتبر صغير في كرة القدم بس الاندية ماتعطينا مجال كأن مالنا رب اسمحوولي افضفض لاني تعبت كثييييييييييييييييييير فوق ماتتصورون وماني قادر اعيش حياتي وابداء من الصفر لان حلمي هذا ارتبطت فيه حياتي كنت راسم لوحه حلوة فيها حياتي المستقبلي كـ لاعب كرة قدم لكن ولكن
لحد الحين مايائست بصرااحه ماخفيكم مع بداية الموسم الجديد الرياضي ارجع واكمل معاناتي مع الاندية واجتهد والله ثم والله ان تجربتي ومعاناتي تعطيني شي عكس ان المجتهد يكون له نصيب انا مالي نصيب والا القصه واسطه والا وش ؟ وانا حاب اشوف نادي الفيصلي واخوض فيه تجربة لاني احب النادي الطموح وانا بطبعي شخص احب التحدي والطموح واسف على الاطاله بس معلومات عني____ الاسم \ طلال العتيبي العمر\24 سنة من الرياض المركز \مهاجم العب بالقدمين اليمين واليسار ماعندي اي مشكلة وكلهم بنفس القوة واتقن واجيد ضربات الراس وسريع واكتفي بهذا القدر واسف على الاطاله واسمحولي ان زليت بس مانلالالام

بالعربي الصرررريح وبالخط العررررريض ( ابي واسطــــــــة ) تدخلني عالم الشهرررة من اوسع ابواابه

روح لاي نادي امآرآتي ان كآن تبغى الشهرة وحيآة الترف..

مآبي احطمك بس هنا مجرد ماتصاب او يقل مستوآك سحبوا عليك وخسروك مستقبلك..

استخير واستشير.. توكل على الله وهج الامآرآت..

مووفق.. نسٲل الله ان يكتب لك الخير حيث كان ثم يرضيك به

منت احسن من عموري عاش بالسعوديه وما احد اعطاه وجه

اذا تشوف ان عندك مهارات تأهلك صح , شوف اندية قطر ولا الامارات واترك ربعنا

والله افكر اافر باجازة الحج بالعيد افكر اافر دو اخليج لياحه والنقاهه لاني موظف و 9 اعات يوةم ومحتاج اتغل افتره تنصحووووووني اكملها كم يوم لان الاندية تبداء ثاني او ثاث العيد بس دوامي مين يقنعهم ؟ او اتنازل عن الجنية عن الجنسية السعودية لعيوون تعب 7 سنوات موب سهله ب هل بتجيني مشاكل لو تركت الكورة وانا معي جنستين مثلا سعودية وبحرينية ؟ وانا ايوووم تدربت معي نادي المجزل ( درجه ثانية) وبشوف نهايتها مع الانديه السعووودية

طيب بقووولكم مشكلة هي الوحيدة تواجعني مع الاهل .. اهلي مقتنعين بطموحي وذهابي قب لنجران وابها مع العلم وقتها ادرس و موظف كيف بقنعهم ؟ خاصه اني بترك الوظيفة غصب وبطلب تعويض من النادي و و افكر اشوف لي نادي بحريني اتجنس بحريني مع سعودي اجنسية واسكن الخبر قريبه من البحرين اتوقع 20 كيلو او اقل مااادري كم تبعد الخبر عن المنامه او البحرين باولها من عند الجسر ياليت تفيدوووني ولكم حبي واهداااافي و10 %100 من عقدي هههه ولكم اهم شي سهـــــامي .. تقبلوا حبي وفائق احترامي اخوكم اللاعب \ طلال الجذع العتيبي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا قبلك ي الامير تحطمت مواهبتي !

اذكر عيال الحارة ما يلعبون مباراة الى يدقون علي يقولون
تعال تكفي الله يرحم والدينك ما نبى ننهزم !
واذا جيت انواع التصفيق والترفيع والتسليك واخرته يحطوني
حارس مرامى >> هم عيال حارتنا من حطموا مواهبتي !

بس بعدين مع الايام اكتشفت اني حارس مبدع !
ل ذلك اذا فريقك جاهز وتبون نلعب مباراة ودية معكم
ما عندك مشكلة واتحداك تسجل نص هدف ههههههههههههه

^

المهم الخبر من البحرين من 50 كليو وتحت !
بس المشكلة في وش اذا جيت تدخل تدفع 20 ريال
واحسب اانت كم يوم تدخل 30 * 20 = ؟؟

ل ذلك خلك لاعب كورة مع عيال حارتكم ومهاجم خطير
افضل لك >> اوم التحطيم هههههههههههههههههه

مارتن للاسف لاتعليق